24-Nov-2024

ଆଗଲପୁର, (ବିନୋଦ ଦୀପ) ଡେଙ୍ଗଜୁରୀ ସ୍ଥିତ ଖେଳ ପଡ଼ିଆରେ ଶିଶୁ ମନ୍ଦିର ଆଗଲପୁରର ବାର୍ଷିକ କ୍ରୀଡା ଅନୁଷ୍ଠିତ ହୋଇଯାଇଛି l ଉକ୍ତ କ୍ରୀଡାରେ ମୁଖ୍ୟ ଅତିଥି ଭାବେ ବୁଦୁଲା ସରପଞ୍ଚ ଶ୍ରୀମତୀ ରୀନା ପଧାନ ଦୀପ ପ୍ରଜ୍ଜ୍ୱଳନ ପୂର୍ବକ ଖେଳ ଉଦଘାଟନ କରିଥିଲେ l ସମ୍ମାନିତ ଅତିଥି ଭାବେ ଅଗଲପୁର ପଞ୍ଚାୟତ ର ପୂର୍ବତନ  ସରପଞ୍ଚ ଶ୍ରୀ କୃଷ୍ଣଚନ୍ଦ୍ର ମେହେର  ଓ ସମାଜସେବୀ ଶ୍ରୀ ଦେବେନ୍ଦ୍ର ପଧାନ, ଶିଶୁ ମନ୍ଦିର ପରିଚାଳନା ସମିତିର ସଭାପତି ଶ୍ରୀ ଗୋବିନ୍ଦ ଚନ୍ଦ୍ର ବୁଡେକ ଉପସ୍ଥିତ ଥିଲେ l ଉକ୍ତ କ୍ରୀଡାରେ ୩୭ ଟି ଖେଳରେ ମୋଟ ୨୫୦ ଜଣ ଶିଶୁ ଭାଇ ଭଉଣୀ ମାନେ ଭାଗ ନେଇଥିଲେ l ପ୍ରଧାନ ଆଚାର୍ଯ୍ୟ ଶ୍ରୀ ଅଶୋକ କୁମାର ଭୋଇ ଅତିଥି ପରିଚୟ ପ୍ରଦାନ କରିଥିଲେ। ସମସ୍ତ ଗୁରୁଜୀ ଗୁରୁମା ଖେଳ ପରିଚାଳନାରେ ସହଯୋଗ କରିଥିଲେ । ଅମିନା ଗୁରୁମା ମଞ୍ଚ ପରିଚାଳନା କରିଥିବା ବେଳେ ଶାରୀରିକ ପ୍ରମୁଖ ଲକ୍ଷ୍ମୀ ନାରାୟଣ ଗୁରୁଜୀ ବୃତ୍ତ ପଠନ କରିଥିଲେ । ଉଦଘାଟନ ସମାରୋହରେ ମୁଖ୍ୟ ଅତିଥିଭାବେ  ଶ୍ରୀ ଜୟନ୍ତ କୁମାର ସିଂହଦେଓ ଉପସ୍ଥିତ ରହି ପୁରସ୍କାର ବିତରଣ ପୂର୍ବକ କ୍ରୀଡା ସମାପନ ଘୋଷଣା କରିଥିଲେ l