23-Nov-2024

ବରପାଲି(ସୁଦାମ ଦୀପ): ସ୍ଵଭାବ କବି ଗଙ୍ଗାଧରଙ୍କ ଶ୍ରାଦ୍ଧ ଶତବାର୍ଷିକୀ ତଥା ଭୁଲିଆ ସମାଜ ମହାସଭାର ଶହେ ବର୍ଷ ପୂର୍ତ୍ତି ଉପଲକ୍ଷେ କବିଙ୍କ ଜନ୍ମ ପୀଠ ବରପାଲିରେ ପଞ୍ଚ ଦିବସୀୟ ରାଜ୍ୟ ସ୍ତରୀୟ ଭୁଲିଆ ସମାଜର ଏକ ସମ୍ମିଳନୀ ବରପାଲି ରେ ଅନୁଷ୍ଠିତ ହେବ। ଶନିବାର ୨୩ ତାରିଖ ଠାରୁ ଆରମ୍ଭ ହୋଇ ୨୭ ତାରିଖରେ ଏହା ଉଦଯାପିତ ହେବ ବୋଲି ନିଖିଳ ଓଡ଼ିଶା ମେହେର ସମାଜ ପକ୍ଷରୁ ଶୁକ୍ରବାର ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରାଯାଇଛି। ସାମ୍ବାଦିକ ସମ୍ମିଳନୀରେ ନିଖିଲ ଓଡ଼ିଶା ମେହେର(ଭୁଲିଆ) ସମାଜର ରାଜ୍ୟ ସଭାପତି ବୈଶମ୍ପାୟନ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଆସନ୍ତା ୨୩ ତାରିଖ ଅପରାହ୍ନ ୩ ଘଣ୍ଟା ସମୟରେ ସହସ୍ରାଧିକ ମହିଳା ଙ୍କ କଳସ ଶୋଭାଯାତ୍ରା ସହ ଏହି ରାଜ୍ୟ ସ୍ତରୀୟ ସମ୍ମିଳନୀ ଉଦଘାଟିତ ହେବ । ଏହି ପଞ୍ଚ ଦିବସୀୟ ସମ୍ମିଳନୀରେ ପ୍ରତ୍ୟହ ଗଙ୍ଗାଧର ସାହିତ୍ୟ ଆଲୋଚନା, ସାଂସ୍କୃତିକ କାର୍ଯ୍ୟକ୍ରମ, ବୁଣାକାର ସମ୍ମିଳନୀ ଆଦି କାର୍ଯକ୍ରମ ଅନୁଷ୍ଠିତ ହେବ ବୋଲି ଅଧ୍ୟାପକ ଶୁକମୁନି ମେହେର ସୂଚନା ପ୍ରଦାନ କରିଥିଲେ । ଏହି ସମ୍ମିଳନୀରେ ରାଜ୍ୟ ଓ ରାଜ୍ୟ ବାହାର ରୁ ପ୍ରାୟ ଦଶ ହଜାର ସଭ୍ୟ ଯୋଗ ଦେବେ ବୋଲି ସୂଚନା ପ୍ରଦାନ କରିଛନ୍ତି । ଆଜିର ଏହି ସାମ୍ବାଦିକ ସମ୍ମିଳନୀରେ ରାଜ୍ୟ କାର୍ଯକାରୀ ସଭାପତି ସୁରେନ୍ଦ୍ର ମେହେର, ଡାକ୍ତର ଶଙ୍କର୍ଷଣ ମେହେର, ସରୋଜ ମେହେର, ଅବନୀ ମେହେର, ବଜରଙ୍ଗ ମେହେର, ନବ କୁମାର ମେହେର ପ୍ରମୁଖ ଉପସ୍ଥିତ ଥିଲେ ।