21-Nov-2024

ବରପାଲି(ସୁଦାମ ଦୀପ). ବରଗଡ ଜ଼ିଲ୍ଲା ବରପାଲି ବ୍ଲକ କୁମ୍ଭାରି ଠାରେ ସକାଳ ସମୟରେ ସ୍ବର୍ଗତ ନାଟ୍ୟ ଗୁରୁ ଭଗବାନ ସାହୁଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଓ ଦିପ ପ୍ରଜ୍ବଳନ କରିବା ପରେ  ସନ୍ଧ୍ୟା ସମୟରେ ଗଙ୍ଗାଧର କ୍ଲବ୍ ଠାରେ କୋଶଲି ନାଟ୍ୟ ମହର୍ଷି ତଥା ଶବ୍ଦ ନୃତ୍ୟ ଗୁରୁ ଭଗବାନ ସାହୁଙ୍କ ୨୪ତମ ଶ୍ରାଦ୍ଧବାର୍ଷିକୀ ସୁବଳ ମାଝୀଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବରେ ବ୍ଲକ ଅଧ୍ୟକ୍ଷା ରୀନା ଥଇତ ,ସମ୍ମାନିତ ଅତିଥି ଭାବରେ ତହସିଲଦାର ରୁକ୍ମଣ ମେହେର,ଗଙ୍ଗାଧର କ୍ଲବ୍ ସଭାପତି ଘନଶ୍ୟାମ ପାଣିଗ୍ରାହୀ ଯୋଗଦାନ କରି ଶବ୍ଦନୃତ୍ୟ ଓ ସମ୍ବଲପୁରୀ କୋଶଲି ଭାଷା ସାହିତ୍ୟ ନାଟକ ମାଧ୍ୟମରେ ପ୍ରଚାର ଓ ପ୍ରସାର କରିବା ସହ ଭାରତୀୟ ନୃତ୍ୟ କଳାରେ ଶବ୍ଦ ନୃତ୍ୟ ନାମକ ଏକ ପୁସ୍ତକ ରଚନା କରି କଳାକାର ଓ ଗବେଷକଙ୍କ ପାଇଁ ହୀରା ଛାଡି ଯାଇଛନ୍ତି l ସେଥିପାଇଁ ମରି ନାହିଁ ସେତ ମରଣଜୟୀ ବୋଲି ମତ ପ୍ରକାଶ କରିଥିଲେ l ମହେନ୍ଦ୍ର ମେହେର ସ୍ୱାଗତ ପରିଚୟ ପ୍ରଦାନ କରିଥିବାବେଳେ ବିରେନ୍ଦ୍ର ନାଥ ନାଗ,ବସୁ ଦେବ ପଧାନ,ସାର୍ଥିକ ନାଏକ,ତେଜ ରାଜ ଭୋଇ ପ୍ରମୁଖ ସ୍ବର୍ଗତ ଭଗବାନ ସାହୁଙ୍କ ଗିତିଗାନ କରିଥିବା ବେଳେ ବିର ସୁରେନ୍ଦ୍ର ଭୁବନ ଭୋଇ ଗୁରୁବନ୍ଦନା ଗାନ କରିଥିଲେ ସଭା ଶେଷରେ ମହେନ୍ଦ୍ର ମେହେର ଧନ୍ୟବାଦ ଅର୍ପଣ କରିଥିଲେ l  ଏହି କାର୍ଯ୍ୟକ୍ରମକୁ ବିଜୟ ସାହୁ,ନିରଞ୍ଜନ ମେହେର, ରୋହିତ ମହାଣା ପ୍ରମୁଖ ସହଯୋଗ କରିଥିଲେ।ଏହି ସାରସ୍ବତ ସଭାରେ ବହୁ କଳା ପ୍ରେମୀ ମାନେ ଯୋଗଦାନ କରିଥିଲେ।