20-Nov-2024

ଅତାବିରା(ଆକାଶ ମିଶ୍ର): ଭୁବନେଶ୍ୱର ସ୍ଥିତ ଜୟଦେବ ଭବନ ଠାରେ  ଅନୁଷ୍ଠିତ  ଓଡ଼ିଶା ରାଜ୍ୟ ସମବାୟ ଦୁଗ୍ଧ ସଂଘ  ତରଫରୁ ଭୁବନେଶ୍ୱରର  ୭୧ତମ ନିଖିଲ ଭାରତ ସମବାୟ  ସପ୍ତାହ ୨୦୨୪ ରେ ଅତାବିରା  ଦୁଗ୍ଧ ସମବାୟ ସମିତି ପ୍ରଥମ ସ୍ଥାନ ଅଧିକାର କରିଥିବା ନେଇ ଅଞ୍ଚଳର ଦୁଗ୍ଧ ଚାଷୀ ମାନଙ୍କ ମଧ୍ୟରେ  ଖୁସିର ଲହରୀ ଖେଳିଯାଇଛି ।ଏହି  ଅବସରରେ 

 ସୁରମା ପାଢ଼ୀ , ବାଚସ୍ପତି ଓଡ଼ିଶା, ମୁଖ୍ୟ ଅତିଥି ରୂପେ ଯୋଗ ଦେଇ ଥିବା ବେଳେ ଓଡ଼ିଶା ରାଜ୍ୟ  ସମବାୟ ସମିତିର ସଭାପତି ପ୍ରଭାସିନୀ ଷଡ଼ଙ୍ଗୀ, ରେଜିଷ୍ଟାର ପ୍ରଭୁ କଲ୍ୟାଣ ପଟ୍ଟନାୟକ, କମିଶନର ତଥା ସମ୍ପାଦକ   ରାଜେଶ ପ୍ରଭାକର ପାଟିଲ ,   ସମବାୟ ମନ୍ତ୍ରୀ  ପ୍ରଦୀପ ବଳ ସାମନ୍ତ ସମ୍ମାନିତ ଅତିଥି ଭାବରେ ମଞ୍ଚାସିନ ଥିଲେ । ଅତାବିରା ଦୁଗ୍ଧ ସମବାୟ  ସମିତି ର ସଭାପତି ଦୟାନିଧି ପ୍ରଧାନ ଓ ସଂପାଦକ  ରବୀନ୍ଦ୍ର ପ୍ରଧାନ ଯୋଗ ଦେଇ ମୁଖ୍ୟ ଅତିଥିଙ୍କ ଠାରୁ  ପୁରସ୍କାର  ଗ୍ରହଣ କରିଥିଲେ l ସମିତିର  ଉତ୍ତମ କାର୍ଯ୍ୟଦକ୍ଷତା ଯୋଗୁଁ ଏହି ପୁରସ୍କାର ମିଳିଥିବା  ନେଇ ସମିତିର କର୍ମକର୍ତ୍ତା, ସଭ୍ୟ ଓ  ଦୁଗ୍ଧ ଚାଷୀ ମହଲରେ ଉତ୍ସାହ ସୃଷ୍ଟି ହୋଇଛି ।