18-Nov-2024

ବଲାଙ୍ଗୀର ଜିଲ୍ଲା ସିନ୍ଧେକେଲା ପଲ୍ଲୀଶ୍ରି ହାଇସ୍କୁଲ ନିକଟରେ ଅଲଣ୍ଡା ଯିବା ରାସ୍ତାରେ ଏକ ଠିଆ ହୋଇଥିବା ଟ୍ରକ ରେ ପିଟିହୋଇ ଜଣେ ମୃତ ଜଣେ ଗୁରୁତର। ସୁଚନାନୁଯାଇ ଶନିବାର ରାତି ପ୍ରାୟ ୧୧ ଟା ସମୟରେ ମୁରିବାହାଳ ବ୍ଲକ ଅର୍ନ୍ତଗତ ଲେବଡା ଗ୍ରାମର ଶିବ କୁମାର ସାହୁ (୧୯) ଓ ଅରବିନ୍ଦ ସାହୁ (୨୦) କୌଣସି କାମରେ ଏକ ପଲସର ବାଇକ ନମ୍ବର ଓଡି ୦୩ ୟୁ ୪୮୬୬ ରେ ଚାନ୍ଦୋତରା ଆସି ରାତିରେ ଘରକୁ ଫେରୁଥିଲେ। ଆଗରୁ ହାଇସ୍କୁଲ ନିକଟରେ ଏକ ମାଳ ବୋଝେଇ ଟ୍ରକ ନମ୍ବର ଟିଏନ ୩୪ ଏସ ୭୫୮୫ ଅଟକି ରହିଥିଲା। କୌଣସି କାରଣରୁ ସେହି ଟ୍ରକରେ ପିଟିହୋଇ

ଦୁର୍ଘଟଣା ସ୍ଥଳରେ ଦୁହେଁ ଛଟପଟ ହେଉଥିଲେ। ତେବେ ଜୋରରେ ଆବାଜ ହୋଇଥିବାରୁ ସ୍ଥାନୀୟ ଲୋକେ ଘଟଣାସ୍ଥଳକୁ ପହଞ୍ଚି ଆମ୍ବୁଲାନ୍ସ ଓ ପୋଲିସ କୁ ଖବର କରିଥିଲେ। ପରେ ସ୍ଥାନୀୟ ପୋଲିସ ଓ ଆମ୍ବୁଲାନ୍ସ ପହଞ୍ଚି ଆମ୍ବୁଲାନ୍ସ ଯୋଗେ ସିନ୍ଧେକେଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ଆଣିଥିଲେ। ତେବେ ଚିକିତ୍ସାଧୀନ ଅବସ୍ଥାରେ ଶିବ କୁମାର ସାହୁ ଙ୍କ ମୃତ୍ୟୁ ହୋଇଥିବା ବେଳେ ଅରବିନ୍ଦ ଙ୍କ ଗୋଡ଼ରେ ଗଭୀର ଆଘାତ ଲାଗିଥିବାରୁ ତାଙ୍କୁ ଭବାନୀପାଟଣା ସ୍ଥାନାନ୍ତରିତ କରାଯାଇଥିବା ସିନ୍ଧେକେଲା ଆଇଆଇସି ବସନ୍ତ କୁମାର ଦଲାଇ ଙ୍କ ଠାରୁ ସୁଚନା ମିଳିଛି।