07-Nov-2024

ବୌଦ୍ଧ/ହରଭଙ୍ଗା(ଦେବବ୍ରତ ଦାସ)-ଶିକାରୀ ଜାଲ ରେ ପଡିଲେ ୩ଟି ବିରଳ ପକ୍ଷୀ । ଜାଲରେ ପଡି ଦୁଇଟି ପକ୍ଷୀମୃତ । ଗୋଟିଏ ବିରଳ ପକ୍ଷୀ କୁ ଉଦ୍ଧାର କଲେ ଗ୍ରାମବାସୀ । ସୂଚନାମୁତାବକ ଦୀର୍ଘଦିନ ହେଲା ବୌଦ୍ଧ ବ୍ଲକ ମନମୁଣ୍ଡା ରେଞ୍ଜ କୁମରକାନୀ ଗ୍ରାମରେ କିଛି ଅସାଧୁ ପକ୍ଷୀ ଶିକାରୀ ଜାଲ ବିଛାଇ ପକ୍ଷୀ ଶିକାର କରୁଛନ୍ତି । ସବୁ ଜାଣି ବନ ବିଭାଗ କୌଣସି କାର୍ଯ୍ୟାନୁଷ୍ଠାନ ନେଉନାହିଁ । ଯାହାଫଳରେ ବହୁ ନିରୀହ ପକ୍ଷୀଙ୍କ ଜୀବନ ଯାଉଛି । ଆଜି ସକାଳୁ କିଛି ଗ୍ରାମବାସୀ ପ୍ରାତହ ଭ୍ରମଣ ରେ ଯାଇଥିବା ବେଳେ ଏକ ଶିକାରୀ ଜାଲ ରେ ତିନୋଟି ବିରଳ ପକ୍ଷୀ ଫସିଥିବା ଦେଖିବାକୁ ପାଇଥିଲେ । ପରେ ଗ୍ରାମର ଆଶୁତୋଷ ହୋତା ଓ ନରହରି ଜାଲ ଟି କାଟି ପକ୍ଷୀ ଗୁଡିକୁ ଉଦ୍ଧାର କରିଥିଲେ କିନ୍ତୁ ପକ୍ଷୀ ଗୁତିକ ବିଳମ୍ବିତ ରାତିରେ ଜାଲ ରେ ଲାଗିଥିବାରୁ

ସେଥିମଧ୍ୟରୁ ଦୁଇଟି ପକ୍ଷୀର ମୃତୁ ଘଟିଥିବା ବେଳେ ଗୋଟିଏ ଜୀବିତ ଥିଲା । ଯାହାକୁ ଉଦ୍ଧାର କରି ସହ ପାଣି ପିଇବା ପାଇଁ ଦିଆଯାଇଥିଲା । ପରେ ପକ୍ଷୀ ଟିକୁ ଉଡାଇ ଦିଆଯାଇଥିଲା । ପକ୍ଷୀ ଗୁଡିକ ପେଚା କିମ୍ବା ଚିଲ ପ୍ରଜାତି ପକ୍ଷୀ ହୋଇଥିବା ଅନୁମାନ କରାଯାଉଥିବା ବେଳେ ଆଗରୁ ମଧ୍ୟ ଏଠାରେ ଜାଲ ରେ ପଡି ବହୁ ପକ୍ଷୀ ଙ୍କ ଜୀବନ ଯାଉଛି । ତେବେ ଜାଲ ବିଛାଇ ଥିବା ପକ୍ଷୀ ଶିକାରୀଙ୍କ ଉପରେ ବନ ବିଭାଗ ପକ୍ଷରୁ କୋଠର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବୀ ହେଉଛି l