06-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲାରେ ଏବେ ଜମି ମାଫିଆଙ୍କ ଉତ୍ପାତ ବଢିବାରେ ଲାଗିଛି l ନିରୀହ ଚାଷୀଙ୍କ ଜମି ଉପରେ ଏବେ ମାଫିଆଙ୍କ ଆଖି l କିଛି ଦିନ ତଳେ SC ଜମିକୁ ସାଧାରଣ ବର୍ଗକୁ ବିକ୍ରି କରାଯାଇଥିଲା l ତାହା ପୁଣି ପୂର୍ବତନ ଉପଜିଲ୍ଲାପାଳଙ୍କ ଜାଲ ଦସ୍ତଖତରେ l ଏବେ ବରଗଡ଼ ଖେଦାପାଲିରେ ଚାଷୀଙ୍କ ଜମି ଉପରେ ରାତା ରାତି ଜମି ମାଫିଆ ମାଟି ପୋତି ଦେଇଥିବା ଅଭିଯୋଗ ଆସିଛି l ଗ୍ରାମବାସୀଙ୍କ ରାସ୍ତା ଅବରୋଧ ପରେ ମୁଖ୍ୟ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ବରଗଡ ଟାଉନ୍ ପୋଲିସ ।
ବରଗଡ଼ରେ ଜମି ମାଫିଆଙ୍କ ଦାଦାଗିରି।ରାତି ଅଧିଆ ମାଟି ପକାଇ ଚାଷୀଙ୍କ ଜମିକୁ କରୁଛନ୍ତି କବଜା ପ୍ରତିବାଦ କଲେ ଧମକ ଦେଉଥିବା ଅଭିଯୋଗ ଆଉ ଏଭଳି ଅଭିଯୋଗ ଆଣିଛନ୍ତି ଖେଦାପାଲି ଗାଁ ର ଚାଷୀ ଆନନ୍ଦ ପ୍ରଧାନ । ୧୧ ଏକର ୮୧ ଡିସିମିଲ ପରିମିତ ଏକଜମାଲି ଜମିରୁ ୮ ଏକର ୬ ଡିସିମିଲ ଜମି ବିନା ସହମତି ଓ ବିନା ଦସ୍ତଖତ ଜମି ବିକ୍ରି ହୋଇଯାଇଥିବା ଭଲି ସାଙ୍ଘାତିକ ଅଭିଯୋଗ ହୋଇଛି । ଏହାରି ଭିତରେ ପ୍ରାୟ ୧ ଏକର ଫଳନ୍ତି ଧାନଚାଷ ଉପରେ ମାଟି ପୋତି ଦେଇଥିବାରୁ ସଂପୂର୍ଣ୍ଣ ଚାଷ ନଷ୍ଟ ହେବା ଯୋଗୁଁ ରାଜ ରାସ୍ତା ଅବରୋଧ କରି ପ୍ରତିବାଦ କରିଥିବା କହିଛନ୍ତି ଚାଷୀ ଏବଂ ଗ୍ରାମବାସୀ ଏହି ଦୃଶ୍ୟ ଦେଖନ୍ତୁ କେମିତି ଅମଳ ପୂର୍ବରୁ ଚାଷୀର ଧାନ ଜମି ଉପରେ ଜମି ମାଫିଆ ମାଟି ପୋତି ନିଜ କବଜାକୁ ନେବାକୁ ଯୋଜନା କରିଥିଲେ l ଆଉ କିଛି ଦିନ ପରେ ଧାନ ଅମଳ ହୋଇଥାନ୍ତା, ହେଲେ ତା ପୂର୍ବରୁ ମାଟି ପୋତି ଦିଆଯାଇଛି l  ଏହାକୁ ଦେଖି ଚାଷୀଙ୍କ ବୁକୁ ଫାଟି ପଡିବା ସ୍ୱାଭାବିକ।ବାରମ୍ବାର ପ୍ରଶାସନ ପାଖରେ ଏଭଳି ଅଭିଯୋଗ ପରେ କୌଣସି ସୁଫଳ ନପାଇବାରୁ ଶେଷରେ ଖେଦାପାଲି ଠାରେ ରାସ୍ତା ଅବରୋଧ କରି ପ୍ରତିବାଦ କରିଛନ୍ତି ସ୍ଥାନୀୟ ଚାଷୀ l ରାସ୍ତା ଅବରୋଧ କରିବା ପରେ ଦୀର୍ଘ ଘଣ୍ଟା ଧରି ବରଗଡ଼ ଭଟଲି ରାସ୍ତାର ଉଭୟ ପାଶ୍ୱର୍ରେ ଅଟକି ରହିଥିଲା ସହ ସହ ଯାନ ବାହାନ l ପୋଲିସ ପ୍ରଶାସନ ପହଞ୍ଚି ଦୀର୍ଘ ସମୟ ଧରି ଲୋକଙ୍କୁ ବୁଝା ସୁଝା କରିଥିଲା। ଅନ୍ୟପଟେ ଜମିଜମା ସଂକ୍ରାନ୍ତରେ ଅସୁବିଧା ର ସମ୍ମୁଖୀନ ହେଲେ ପ୍ରଶାସନ ସହ ଯୋଗାଯୋଗ କଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ବରଗଡ ଉପ ଜିଲ୍ଲାପାଳ ପ୍ରସନ୍ନ କୁମାର ପାଣ୍ତେ କହିଥିବା ବେଳେ ଜମି ମାଫିଆଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବୀ କରିଛନ୍ତି ବରଗଡ଼ ଜିଲ୍ଲା ଓକିଲ ସଂଘ ସଭାପତି । ଜଣେ ଜମି ମାଫିଆକୁ ବରଗଡ଼ ଟାଉନ୍ ପୋଲିସ  ଢେଙ୍କାନାଳରୁ ଗିରଫ କରିବା ପରେ ବରଗଡ଼ ଜିଲ୍ଲାରେ ନିରିହ ବ୍ୟକ୍ତିଙ୍କ ଜମିକୁ   ବେ ଧଡକ ବିକ୍ରି କରୁଥିବା ଅନ୍ୟ ଜମି ମାଫିଆଙ୍କ ଉପରେ କି କାର୍ଯ୍ୟାନୁଷ୍ଠାନ ଗ୍ରହଣ ହେବ ତାହା ଦେଖିବାକୁ ବାକି ରହିଲା ।