02-Nov-2024

କେନ୍ଦ୍ର ସରକାରଙ୍କ ଯୁବବ୍ୟାପାର ଓ ଖେଳମନ୍ତ୍ରଣାଳୟ ଦ୍ବାରା ପ୍ରାୟୋଜିତ ମେରା ଯୁବା ଭାରତକୁ ପୁରିଛି ଗୋଟିଏ ବର୍ଷ। ଗତ ବର୍ଷ ମେରା ଯୁବା ଭାରତ କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୌଲମାନବ ସର୍ଦ୍ଧାର ବଲ୍ଲଭ ଭାଇ ପଟେଲଙ୍କ ଜନ୍ମତିଥିରେ ଶୁଭାରମ୍ଭ କରିଥିଲେ। ଭାରତର ଯୁବ ବର୍ଗଙ୍କୁ ଦେଶ ସେବାରେ ନିୟୋଜିତ ହେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆହ୍ବାନ ଦେଇଥିଲେ। ଏହି ଯୋଜନା ଅନୁଯାୟୀ ମାଇଁ ଭାରତ ପୋର୍ଟାଲରେ ସବୁ ସରକାରୀ ବିଭାଗର ସୂଚନା ରହିବ। ଏହି କ୍ରମରେ ଚଳିତ ବର୍ଷ ମଧ୍ୟ ୨୮ ଅକ୍ଟୋବର ରୁ ୩୦ ଅକ୍ଟୋବର ପର୍ଯ୍ୟାନ୍ତ ସବୁ ଜିଲ୍ଲାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ବଲାଙ୍ଗିର ଜିଲ୍ଲାର ସଦର ମହକୁମାରେ ମଧ୍ୟ ସ୍ବଛ୍ଛତା,ଟ୍ରାପିକ ନିୟନ୍ତ୍ରଣ ଓ ଆଶୁ ଚିକିତ୍ସା ପଦ୍ଧତି ଉପରେ ନିଜେ ପ୍ରଶିକ୍ଷିତ ହେବା ସହ ଜନସାଧାରଣଙ୍କୁ ସଚେତନ କରିଛନ୍ତି ଯୁବବର୍ଗ। ବଲାଙ୍ଗିରରେ ମଧ୍ୟ ଆଜି ମେରା ଯୁବା ଭାରତର ସ୍ବେଛ୍ଛାସେବୀମାନେ ଭୀମଭୋଇ ମେଡିକାଲ କଲେଜରେ ସଫେଇ ଅଭିଯାନ କରିଥିଲେ। ମେଡିକାଲର ଓପିଡି ସାମ୍ନାରେ ଆବର୍ଜନାକୁ ସଫା କରିଥିଲେ। ଆରଟିଓ ଛକରେ ଟ୍ରାଫିକ ନିୟନ୍ତଣ କରିବା ସହ ଟ୍ରାଫିକ ନିୟମ ମାନି ଗାଡି ଚଲାଇବାକୁ ଗାଡିଚାଳକଙ୍କୁ ସଚେତନ କରିଥିଲେ ସ୍ବେଛ୍ଛାସେବୀ। ଶେଷରେ ବଲାଙ୍ଗିର ସହରାଞ୍ଚଳ ସ୍ବାସ୍ଥ୍ୟକେନ୍ଦ୍ରରେ ରୋଗୀଙ୍କୁ ସେବା ଯୋଗାଇଥିଲେ। ଜଣେ ଯୁବକ ସାଧାରଣ ରୋଗୀକୁ କିପରି ପ୍ରାଥମିକ ଚିକିତ୍ସା ଯଥା ଡ୍ରେସିଂ,ବ୍ଲଡପ୍ରେସର ମାପିବା ଆଦି ଉପରେ ଶଖିବା ସହ ଲୋକଙ୍କୁ ସଚେତନ କରାଇଥିଲେ। ମେରା ଯୁବା ଭାରତ କାର୍ଯ୍ୟକ୍ରମକୁ ସଂଯୋଜନା କରିଥିଲେ ବଲାଙ୍ଗିର ଜିଲ୍ଲାର ପ୍ରୋଗ୍ରାମ ସୁପରଭାଇଜର ବିପିନ ବିହାରୀ ଜେନା। ଆଗକୁ ଆହୁରି ଯୁବକ ଏହି କାର୍ଯ୍ୟକ୍ରମରେ ସାଭିଲ ହେବାକୁ ନିବେଦନ କରିଥିଲେ ବିପିନ ବିହାରୀ ଜେନା।