01-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଅନ୍ତର୍ଗତ ଗାଇସିଲେଟ ବ୍ଲକ ଅଞ୍ଚଳ ଗସ୍ତରେ ବିଜେପୁର ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ ସନତ କୁମାର ଗଡତୀୟା । ବିଭିନ୍ନ ଗ୍ରାମରେ ଭୂମିପୂଜନ ଉଦଘାଟନ ସହ ସଭାସମିତି ଅନୁଷ୍ଠିତ ହୋଇଥିଲା।ଏହି ଅବସରରେ ବୁରୋମୁଣ୍ଡା ଗ୍ରାମର  ଆଇନଜୀବୀ ସୁରେନ୍ଦ୍ର କୁମାର ସାହୁଙ୍କ ତୃତୀୟ ଶ୍ରାଦ୍ଧବାର୍ଷିକୀ ଅବସରରେ  ଅନୁଷ୍ଠିତ ମେଗା ସ୍ବାସ୍ଥ୍ୟ ଶିବିରର ଉଦଘାଟନ କରିଥିଲେ। ପରେ ରାଇସଲପଦର  ଗ୍ରାମରେ ନୂତନ  ସ୍ବାସ୍ଥ୍ୟ ଉପକେନ୍ଦ୍ରର ଶିଳାନ୍ୟାସ ,ଅମଲିପାଲିରେ ଜନତାଙ୍କ ସହିତ ଗ୍ରାମରେ ସଭା,  ଫିରିଙ୍ଗିମାଲ ଠାରେ ନୂତନ ପ୍ରାଥମିକ କୃଷି  ସେବା ସମବାୟ ସମିତିର ଉଦଘାଟନ ପରେ ଜନକେଡା ଠାରେ ଏକ ସମ୍ବର୍ଦ୍ଧନା ସଭାରେ ଯୋଗଦାନ କରିଥିଲେ। ଗାଇସିଲେଟ ଜୋନ ୨ର ଜିଲ୍ଲାପରିଷଦ ସଦସ୍ୟା ଶ୍ରୀମତୀ ଝରଣା ପାଣିଗ୍ରାହୀ ,ବିଜେପି ବରଗଡ ଜିଲ୍ଲା ଉପସଭାପତି  ପ୍ରବୀଣ କୁମାର ପାଣିଗ୍ରାହୀ, ପୂର୍ବତନ ଜିଲ୍ଲା ଉପସଭାପତି ମଦନ ଦୀପ,ପୂର୍ବତନ ଜିଲ୍ଲାପରିଷଦ ସଦସ୍ୟ ଘନଶ୍ୟାମ ସାହୁ,ମଣ୍ଡଳ ସଭାପତି ବିପିନ ବିହାରି ସାହୁ ଓ ଆନନ୍ଦ ମଟାରି  ତଥା ସ୍ଥାନୀୟ ସରପଞ୍ଚ ଓ ଦଳୀୟ କର୍ମକର୍ତ୍ତା ଉପସ୍ଥିତ ଥିଲେ । ପ୍ରତ୍ୟେକ ସ୍ଥାନରେ ଜନସାଧାରଣ ବିଧାୟକଙ୍କୁ ସ୍ଥାନୀୟ ସମସ୍ୟା ଓ ତାଙ୍କର  ଆବଶ୍ୟକତା ସମସ୍ୟା ଗୁଡିକ ଉପସ୍ଥାପନ କରିଥିଲେ ।  ପ୍ରାୟତଃ ପାନୀୟ ଜଳ ଯୋଗାଣ ଓ କୃଷି ନିମନ୍ତେ ଜଳର ସମସ୍ୟା ସଂପର୍କରେ ଲୋକେ ଦାବୀ କରିଥିବା ଜଣାପଡିଛି । ରାଇସଲପଦର ଠାରେ ପାର୍ବତୀ ଗିରି ମେଗା ଜଳସେଚନ ପ୍ରକଳ୍ପ ଅନ୍ୟତ୍ର ହୋଇଥିବାର ଅଭିଯୋଗ କରିଥିଲେ ।ଏହାର ଉତ୍ତର ମଧ୍ୟ  ମାନ୍ୟବର ବିଧାୟକ ରଖିଥିଲେ ।କହିଥିଲେ ସମସ୍ୟାର କାରଣ ଖୋଜିବାରେ ଯେଉଁ ସମୟ ନଷ୍ଟ ହେବ ସେତିକି ସମୟରେ ତାର ନିରାକରଣ ହୋଇପାରିବ ।  ଏହା ସହିତ ପାନୀୟ ଜଳ ସଂକ୍ରାନ୍ତରେ ଆର.ଡବ୍ୟୁ.ଏସ.ଏସ ବିଭାଗୀୟ  ଅଧିକ୍ଷଣ ଯନ୍ତ୍ରୀ ସମେତ ବିଭିନ୍ନ ଅଧିକାରୀ ଓ ଠିକା ସଂସ୍ଥାକୁ ଡାକି ବୈଠକ କରି ମାର୍ଚ୍ଚରେ ପାନୀୟ  ଜଳ ସଂକଟ ହେବା ପୂର୍ବରୁ ପାଣି ଦେବାକୁ  ନିର୍ଦେଶ ଦେଇଥିବା ଜଣାପଡ଼ିଛି । ଖୁବ ଶିଘ୍ର ଜଳସେଚନ ବିଭାଗର ଏକ ଅନୁରୂପ ବୈଠକ ଡାକିବା ସହିତ ଏହାର ମଧ୍ୟ ସମାଧାନ କରାଯିବ ବୋଲିି ବିଧାୟକ ଶ୍ରୀ ଗଡତୀୟାଙ୍କ ଠାରୁ ପ୍ରକାଶ। ଗାଇସିଲେଟ ବ୍ଲକର ବକ୍ଷରେ ପ୍ରବାହିତ ଅଙ୍ଗ ନଦୀ କୃଷି କ୍ଷେତ୍ରରେ ବିନିଯୋଗ  ହିଁ  ସମସ୍ୟା ସମାଧାନର ଏକ ବଳିଷ୍ଠ ଉପାୟ ଅଟେ ।ଏଣୁ ଏହା ଉପରେ ଗୁରୁତ୍ବ ଦିଆଯାଉ ବୋଲି ଜଣାଇଥିଲେ। ସାମ୍ବାଦିକ ମାନଙ୍କ ପ୍ରଶ୍ନର ଉତ୍ତରରେ ବିଧାୟକ ଶ୍ରୀଯୁକ୍ତ ଗଡତୀୟା ପାନୀୟ ଜଳ ଯୋଗାଣ ଓ ବିଲକୁ ପାଣି ଉପରେ କାମ କରିବା ମୋର ପ୍ରାଥମିକତା ଅଟେ ବୋଲି ମତ ବ୍ୟକ୍ତ କରିଛନ୍ତି।