29-Oct-2024

ପାଟଣାଗଡ଼  (ପୂର୍ଣ୍ଣଶଶୀ ରେଖା ରାଓ )
ବର୍ତ୍ତମାନ ଦାଦନ ପ୍ରବଣ ଜିଲ୍ଲା ଭାବେ ପରିଗଣିତ ହେଉଥିବା ବଲାଙ୍ଗିର ଜିଲ୍ଲା ପୋଲିସ ପ୍ରଶାସନ ପକ୍ଷରୁ ବେଆଇନ ଦାଦନ ଶ୍ରମିକ ଚାଲାଣ ଉପରେ ରୋକ୍ ଲଗାଇବା ପାଇଁ ଉଦ୍ୟମ କରାଯାଉଅଛି। ପ୍ରଥମେ ବେଲ ପଡ଼ା ପୋଲିସ ଦ୍ବିତୀୟ ରେ ତୁରେକେଲା ପୋଲିସ ତୃତୀୟ ରେ ଖପ୍ରାଖୋଲ ପୋଲିସ ଚତୁର୍ଥ ରେ କଣ୍ଟାବାଞ୍ଜି ପୋଲିସ ବେଆଇନ ଦାଦନ ଶ୍ରମିକ ଉଦ୍ଧାର କରିଥିବା ବେଳେ ପଞ୍ଚମ ରେ ଏକା ଥରେ ପାଟଣାଗଡ଼ ପୋଲିସ ଓ ଲାଠୋର ପୋଲିସ ଦ୍ବାରା ବେଆଇନ ଦାଦନ ଶ୍ରମିକ ଉଦ୍ଧାର ହୋଇଥିବା ଘଟଣା ଚର୍ଚ୍ଚା ରେ ରହିଛି। ଗୋଟିଏ ଦିନରେ ପାଟଣାଗଡ଼ ଉପଖଣ୍ଡର ତିନୋଟି ପୋଲିସ ଷ୍ଟେସନ ଦାଦନ ଶ୍ରମିକ ଉଦ୍ଧାର କରିଛନ୍ତି। ସୂଚନା ଅନୁସାରେ ବଲାଙ୍ଗିର ଜିଲ୍ଲା ଲାଠୋର ଥାନା ଲାଠୋର ଗାଁ ରେ ୧୨ ଜଣ ଦାଦନ ଶ୍ରମିକ କୁ ବାହାର ରାଜ୍ୟ କୁ ଚାଲାଣ କରାଯିବା ପାଇଁ ରଖାଯାଇଥିବା ବେଳେ ଲାଠୋର ଥାନା ଅଧିକାରୀ ରାକେଶ କୁମାର ବେହେରା ଖବର ପାଇ ଏ, ଏସ, ଆଇ ଦେବାର୍ଚନ ମିର୍ଦ୍ଧା ଙ୍କୁ ପଠାଇ ଚଢ଼ାଉ କରିଥିଲେ।୧୨ ଜଣ ଦାଦନ ଶ୍ରମିକ ଙ୍କ ମଧ୍ୟରେ ୬ ଜଣ ପୁରୁଷ ୬ ଜଣ ମହିଳା ଓ ଗୋଟିଏ ଶିଶୁ ଥିବା ବେଳେ ଲାଠୋର ଗାଁ ଷ୍ଟେସନ ପଡ଼ା ର ସର୍ଦ୍ଦାର ରିକ୍ସା ମୁଦୁଲି ଓ ଖପ୍ରାଖୋଲ ଥାନା ଅନ୍ତର୍ଗତ କଣ୍ଟାପାଲି ଗାଁ ର ସର୍ଦ୍ଦାର ଗଦା ଝାଙ୍କର ନାଁ ରେ ଲାଠୋର ଥାନା କେଶ୍ ନମ୍ବର ୨୩୫ ତା.୨୮.୧୦.୨୪ ୟୁ, ଏସ ୧୪୩/୧୪୬/୩୧୮(୪)/୩(୫) ବି ଏନ୍ ଏସ/ସେକ୍ସନ ୨୫ ଆଇ ଏସ ଏମ୍ ଡବ୍ଳୁ ଧାରା ଅନୁସାରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ଥାନାଧିକାରୀ ରାକେଶ ବେହେରା ସୂଚନା ଦେଇଛନ୍ତି। ପାଟଣାଗଡ଼ ଉପଖଣ୍ଡ ର ଦାଦନ ସର୍ଦ୍ଦାର ପେଣ୍ଠସ୍ଥଳୀ ବୋଲାଯାଉଥିବା ଲାଠୋର ରେ ଆହୁରି ଅନେକ ଗୁଡ଼ିଏ ମାଛଅଛନ୍ତି ସେମାନଙ୍କ ପ୍ରତି ମଧ୍ୟ ଦୃଷ୍ଟି ଦିଅନ୍ତୁ ବୋଲି  ବୁଦ୍ଧୀଜିବୀ ମହଳରେ ଚର୍ଚ୍ଚା ହେଉଛି।