28-Oct-2024

(ନିରଞ୍ଜନ ତ୍ରିପାଠୀ)-ବଲାଙ୍ଗୀର ପେଲେସ ଲାଇନ ଠାରେ ଭଗବାନ ଶ୍ରୀ ପର୍ଶୁରାମ ବାହିନୀ କଲ୍ୟାଣ କମିଟିର ଏକ ସଭା ଅନୁଷ୍ଠିତ ହୋଇଯାଇଛି।ଏହି ଭବ୍ୟ ସଭାରେ ସିଦ୍ଧେଶ୍ୱର ପାଣିଗ୍ରାହୀଙ୍କୁ କମିଟି ପକ୍ଷରୁ ସମ୍ବର୍ଦ୍ଧନା ଦିଆ ଯାଇଥିଲା। ଅଖିଳ ଓଡ଼ିଶା ବ୍ରାହ୍ମଣ ମହାସଭାର ପଶ୍ଚିମଓଡିଶା କୋଶଳାଞ୍ଚଳ ଶାଖାର ରାଜ୍ୟ ସଂଯୋଜକ ଭାବରେ ସିଦ୍ଧେଶ୍ୱର ପାଣିଗ୍ରାହୀ ସର୍ବସମ୍ମତି କ୍ରମେ ମନୋନୀତ ହୋଇଛନ୍ତି। ଉକ୍ତ ସଭାରେ ସଭାପତିତ୍ବ କରିବା ପାଇଁ ବଲାଙ୍ଗୀର ବ୍ରାହ୍ମଣ ମହାସଭାର ଉପସଭାପତି ଗୋପବନ୍ଧୁ ଶତପଥୀ ଙ୍କ ନାମକୁ ସଂଘର ସମ୍ପାଦକ ଜୟରାମ ମିଶ୍ର ପ୍ରସ୍ତାବ ଆଗତ କରିଥିବାବେଳେ, ବରିଷ୍ଠ ସଦସ୍ୟ ଶିବ ଶଙ୍କର ଖୁଆସ ସମର୍ଥନ ଜଣାଇଥିଲେ। ବଲାଙ୍ଗୀର ନଗର ସଂଗଠକ ନରେନ୍ଦ୍ର ଆଚାର୍ଯ୍ୟ  ସ୍ୱାଗତ ଭାଷଣ ପ୍ରଦାନ କରିଥିଲେ। ସଭାରେ ଉପସ୍ଥିତ ଅତିଥି ବୃନ୍ଦ ଶ୍ରୀ ପାଣିଗ୍ରାହୀଙ୍କୁ ପୁଷ୍ପମାଲ୍ୟ ଓ ଉତ୍ତରୀୟ ପ୍ରଦାନ କରିଥିଲେ। ସଭାପତି ଓ ଉପସ୍ଥିତ ବ୍ୟକ୍ତିଗଣ ରାଜ୍ୟ ବ୍ରାହ୍ମଣ ମହାସଭାର ପଦକ୍ଷେପକୁ ଭିନ୍ନ ଭିନ୍ନ ବକ୍ତବ୍ୟରେ ପ୍ରଶଂସା କରିଥିଲେ। ଏହି ସଭାରେ ସଜ୍ୱନ ଆଚାର୍ଯ୍ୟ,ପ୍ରଶନ୍ନ କୁମାର ମିଶ୍ର, ଅନନ୍ତ ନାରାୟଣ ବିଶୋଇ, ସନ୍ତୋଷ କୁମାର ତ୍ରିପାଠୀ, କୃପାସିନ୍ଧୁ ମିଶ୍ର, ସୁବାଷ ଚନ୍ଦ୍ର ଶତପଥୀ, ଜଗଦିଶ ନାଥ,ତକ୍ଷକର ସମ୍ପାଦକ ବିଶ୍ୱମୟ ପୂଜାରୀ, ସୁବାଷ ଚନ୍ଦ୍ର ଦାଶ, ପ୍ରଶାନ୍ତ କୁମାର ଶତପଥୀ, ମନୋଜ କୁମାର ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ। ଶେଷରେ ଶିବ ନାରାୟଣ ରଥ ଧନ୍ୟବାଦ ଅର୍ପଣ କରିଥିଲେ।