23-Oct-2024

ସୋନପୁର(ପ୍ରେରଣା ଖବର): ଝାଡେଶ୍ବରୀ ଡିଗ୍ରୀ ମହାବିଦ୍ୟାଳୟର ଇତିହାସ ବିଭାଗର ନବାଗତ ଛାତ୍ରଛାତ୍ରୀଙ୍କୁ ସ୍ବାଗତକରି ମହାବିଦ୍ୟାଳୟରେ ଅଧ୍ୟୟନରତ ଦ୍ବିତୀୟ ଓ ତୃତୀୟ ବର୍ଷ ଛାତ୍ରଛାତ୍ରୀଙ୍କ ପକ୍ଷରୁ ଏକ ସ୍ବାଗତ ସମ୍ବଦ୍ଧନା ସଭାର ଆୟୋଜନ କରାଯାଇଛି। ସଭାରେ ଯୁକ୍ତି ୩ ସ୍ରୋତର ଅଧ୍ଯକ୍ଷ ଶ୍ରୀମାନ ଅନିଲ ପଧାନ ସଭାପତିତ୍ବ କରିଥିଲାବେଳେ ମୁଖ୍ୟ ଅତିଥ୍‌ ଭାବରେ ମହାବିଦ୍ୟାଳୟର ଯୁକ୍ତ ୨ ସ୍ରୋତର ଅଧ୍ଯକ୍ଷ ଅଶୋକ କୁମାର ପୁରୋହିତ ଛାତ୍ରଛାତ୍ରୀଙ୍କ ପାଇଁ ଏକ ରୋମାଞ୍ଚକର ଭବିଷ୍ୟତ ନିର୍ମାଣ ପାଇଁ ଉଦ‌ବୋଧନ ଦେଇଥିଲେ । ସଭାର ଶୋଭା ମଣ୍ଡନ କରୁଥିବା ଅନ୍ୟ ଅଧ୍ୟାପକ ଅଧ୍ୟାପିକାଙ୍କ ମଧ୍ୟରେ ସତ୍ୟନାରାୟଣ ଦାସ, ବ୍ୟାସଦେବ ପଣ୍ଡା, ଶ୍ରୀମତୀ ମିନତୀ ଦାସ, ଶ୍ରୀଯୁକ୍ତ ସଂସାର ପଧାନ, ବଳଦେବ ମହାକୁଡ, ଶ୍ରୀଯୁକ୍ତ ପ୍ରମୋଦ ଦେହେରୀ, ଲମ୍ବୋଦର ପାଢ଼ୀ ନିଜ ନିଜ ଶୈଳୀରେ ନିଜସ୍ବ ବକ୍ରବ୍ୟ ଛାତ୍ରଛାତ୍ରୀଙ୍କ ସମ୍ମୁଖରେ ଉପସ୍ଥାପନ କରିଥିଲେ । ଯୁକ୍ତ ୩ ସ୍ରୋତର ଅଧ୍ଯକ୍ଷ ଅନିଲ ପଧାନ ମହୋଦୟ ନିଜସ୍ବ ଶୈଳୀରେ ଏକ ଗୀତ ମାଧ୍ୟମରେ ଛାତ୍ରଛାତ୍ରୀଙ୍କୁ ଉଦ‌ବୋଧନ ଦେଇଥିଲେ । ଅନ୍ୟାନ୍ୟ ନିମନ୍ତ୍ରିତ ଅଧ୍ୟାପକ ଅଧ୍ୟାପିକାଙ୍କ ମଧ୍ୟରେ ଶ୍ରୀମତୀ ମୌସୁମୀ ଷଡ଼ଙ୍ଗୀ, ଶ୍ରୀମତୀ ସୁଶ୍ରୀ ପାଢ଼ୀ, ସ୍ମାରକୀ ମାହାର, ତନ୍ମୟା ବେହେରା, ରେଣୁକା ମାଝୀ, ଗାୟତ୍ରୀ ଅଚାରି ପ୍ରମୁଖ ଯୋଗଦାନ କରିଥିଲେ । ପରିଶେଷରେ ଇତିହାସ ବିଭାଗର ଅଧ୍ୟାପିକା ଅମ୍ରିତା ପଟ୍ଟନାୟକ ଧନ୍ୟବାଦ୍ ଅର୍ପଣ କରିବା ସଙ୍ଗେ ସଙ୍ଗେ ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।

ଛାତ୍ରଛାତ୍ରୀ ତଥା ମହାବିଦ୍ୟାଳରେ କର୍ମରତ ଅଧ୍ୟାପକ ଅଧ୍ୟାପିକା ଓ କର୍ମଚାରୀ ମାନଙ୍କ ପାଇଁ ଏକ ମଧ୍ୟାହ୍ନ ଭୋଜନର ଆୟୋଜନ କରାଯାଇଥିଲା ।