17-Oct-2024

ରେଙ୍ଗାଲିକ୍ୟାମ୍ପ/ଅତାବିରା (ଆକାଶ ମିଶ୍ର): ବରଗଡ ଜିଲ୍ଲା  ଅତାବିରା ବ୍ଲକ ଖଲିଆପାଲି ଗ୍ରାମରେ ସମ୍ପନ୍ନ ହୋଇଯାଇଛି  ମାଁ  ସମଲେଶ୍ଵରୀ ଙ୍କ ଶାରଦୀୟ ପୂଜା । ଆଶ୍ୱିନ ଶୁକ୍ଳପକ୍ଷ ଦ୍ଵାଦଶୀ ତିଥିରେ ଏହି ପୂଜା ପାଇଁ ପୂର୍ଣ୍ଣ କଳସ ସ୍ଥାପନ କରାଯାଇ ମାଁ ଙ୍କ ଷୋଡ଼ଶ ପୂଜା ସହ ବା ମୁଖ୍ୟ ପୂଜା ସହ ଚଣ୍ଡୀପାଠ କରାଯାଇଥିଲା ।ଗାଆଁ ମଝିରେ ଥିବା ବହୁ ପୁରାତନ ବରଗଛ ତଳେ ମାଁ ଙ୍କ ଅlସ୍ଥାନ  କରାଯାଇ ,ପୂଜା ମଣ୍ଡପକୁ ଆଲୋକର  ତୋରଣ ମାଳାରେ ସୁସଜ୍ଜିତ କରି  ମାଁ ସମଲେଶ୍ଵରୀ ଙ୍କୁ ପୂଜା କରାଯାଏ ।ଦୀର୍ଘ ୨୯ ବର୍ଷ ଧରି ଏହି ପୂଜା  ବହୁ ରୀତି ନୀତି ଅନୁଯାୟୀ କରାଯାଇ ଆସୁଅଛି।ଚଳିତ ବର୍ଷ  ପ୍ରକାଶ ମିଶ୍ର ସପତ୍ନିକ  କର୍ତ୍ତା ଦାୟିତ୍ୱରେ ରହିଥିଲେ ।ବାବୁଲାଲ ପାଣ୍ଡିଆ, ଆଲୋକ ପଣ୍ଡିତ,ରତ୍ନାକର ଦେବତା ପ୍ରମୁଖ  ପଣ୍ଡିତ ରୂପେ ବରଣ ହୋଇ ପୂଜାକାର୍ଯ୍ୟ ସମ୍ପାଦନ କରିଥିଲେ ।ସକାଳ ୮ ଟା ରୁ ପୂଜାକାର୍ଯ୍ୟ ଆରମ୍ଭ ହୋଇ ଚଣ୍ଡିହୋମ ଆରମ୍ଭ ହୋଇଥିଲା  ।ଅପରାହ୍ନ ୫ ଟା ରେ ପୂର୍ଣ୍ଣାହୁତି ଦିଆଯାଇ ଆରତୀ ହୋଇଥିଲା । ଏହି ଅବସରରେ ନିକଟସ୍ଥ ଭୂର୍ଶି ପାଲି ଗ୍ରାମରୁ ମଧ୍ୟ ମାଁ  ପୀଠକୁ ପାହୁର ଭାର ପହଞ୍ଚିଥିଲା ।
ସନ୍ଧ୍ୟା ୮ ଟାରେ କର୍ତ୍ତା ଙ୍କ ଘରୁ ଦୁଲୁଦୁଲି ବାଜା ସହ ପାହୁର ଭାର   ଅଣାଯାଇ ଗ୍ରାମ ପରିକ୍ରମା କରି ମାଁ ଙ୍କ ପୀଠରେ ପହଞ୍ଚିଥିଲା ।ଏହାପରେ ମାଁ ସମଲେଶ୍ଵରୀ ଙ୍କ ବଡ଼ ପୂଜା ସହ ମହା ଆରତୀ କରାଯାଇଥିଲା ।ରାତିରେ ମନୋରଞ୍ଜନ ପାଇଁ  ବାଲେଶ୍ଵର ର ତାରିଣୀ  ଗଣନାଟ୍ୟ ପରିବେଷଣ କରାଯାଇ ଥିଲା ।ପର ଦିନ ସକାଳୁ ମାଁ ଙ୍କର ଖଣ୍ଡା କୁ ଗ୍ରାମରେ ବୁଲାଯାଇ ଥାଏ ।ପ୍ରତି ଘରେ ବଡ ଶ୍ରଦ୍ଧାର ସହ ମାଁ ସମଲେଶ୍ଵରୀ ଙ୍କ ଅସ୍ତ୍ର କୁ ତାଙ୍କର ପ୍ରତୀକ  ରୂପେ ପୂଜା କରିଥାନ୍ତି ।ଏହି  ଯାତ୍ରା ରେ ଆଖପାଖ ଅଞ୍ଚଳର ଲୋକଙ୍କ ବେଶ୍ ଭିଡ଼ ଜମିଥିଲା ।ଦୁଇମାସ ପୂର୍ବରୁ ଏହି ପୂଜା ପାଇଁ  ପ୍ରସ୍ତୁତି କରାଯାଇଥାଏ ।ପୂଜା କମିଟି ର ସଭାପତି ରାଜକୁମାର ଖୁଣ୍ଟୁଲା , ସମ୍ପାଦକ ଉର୍କୁଲୁ ସୁସାରି , ସଭ୍ୟ ନନ୍ଦିଘୋଷ ଦେବତା ,  ରାହାସ ବିହାରି ଦେବତା , ଲଳିତ ମୋହନ ଦେବତା  ,ହଜାରୁ ଦେବତା ,ସଦାନନ୍ଦ ଦେବତା ,,ସରୋଜ ସୁସାରି ,ରାଧା ବଲ୍ଲଭ ଦେବତା ,ମହେନ୍ଦ୍ର ସୁଷାରି,ମୋହନ ଶୁସାରି , ମୋତିଲାଲ୍ ଦେବତା  ଓ ଯାତ୍ରା କମିଟିର ସଭ୍ୟ,ଶମ୍ଭୁ ଭୋଇ,ଗଙ୍ଗାଜଳ ସେଠ୍ ,କିଶୋର ଦେବତା ,ପ୍ରମୋଦ ରାଉତ,ବଳରାମ ଦେବତା ପ୍ରମୁଖ ତଥା ଗ୍ରାମବାସୀଙ୍କ ସହଯୋଗରେ ଏହି ଯାତ୍ରା ସୂଚାରୁ ରୂପେ ସମ୍ପନ୍ନ ହୋଇଛି।  ସେହିପରି ଭାଲୁ ପାଲି, ପରମାନ ପୁର ଆଦି ଗ୍ରାମରେ ମଧ୍ୟ ଯାତ୍ରା ସମ୍ପନ୍ନ ହୋଇଯାଇଛି ।