15-Oct-2024

ବୌଦ୍ଧ: ବରିଷ୍ଠ ଆଇନଜୀବୀ ଚନ୍ଦ୍ରଶେଖର ପାଢ଼ୀ ଜିଲ୍ଲା ପାଠଗାରକୁ ପୁନଃ ୧୮ ଗୋଟି ଆଇନ ପୁସ୍ତକ ଦାନ କରିଛନ୍ତି l ଏହା ଆଗରୁ  ସେ ଆଇନ,ଅଭିଧାନ , ସାଧାରଣଜ୍ଞାନ ଆଦି ୧୬ଟି ପୁସ୍ତକ ଦାନ କରିଥିଲେ l ପାଠଗାରର ପାଠକ , ପାଠିକାଙ୍କ ଉପସ୍ଥିତିରେ ସେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିୟାର ସିଂହଙ୍କୁ ସମସ୍ତ ପୁସ୍ତକ ହସ୍ତାନ୍ତର କରିଥିଲେ | ଉପସ୍ଥିତ ପାଠକ , ପାଠିକାମାନେ ଖୁସି ବ୍ୟକ୍ତ କରିବା ସହ ଏଭଳି ମହତ୍ କାର୍ଯ୍ୟ ପାଇଁ ଶ୍ରୀ ପାଢ଼ୀଙ୍କ ପ୍ରଶଂସା କରିଥିଲେ । ଏହି ସ୍ବତନ୍ତ୍ର କାର୍ଯ୍ୟକ୍ରମରେ ଗ୍ରନ୍ଥlଗାରିକ ଅକ୍ଷୟ କୁମାର ମହାକୁଡ଼,  କର୍ମଚାରୀ ଜିତେନ୍ଦ୍ର କୁମାର ମହାନ୍ତି,ବୀର କିଶୋର କର୍ମୀ , ଶ୍ରୀଯୁକ୍ତ ପାଢ଼ୀ ଙ୍କ ସୁପୁତ୍ର ଅଂଶୁଲ ବିନାୟକ, ବିଜୟ ପ୍ରଧାନ  ଉପସ୍ଥିତ ଥିଲେ । ସୁଶ୍ରୀ ସିଂହ ଆଗକୁ ମଧ୍ୟ ଏହି ପ୍ରକାର ଅଭିଯାନ ଜାରି ରଖିବା ପାଇଁ ସମସ୍ତଙ୍କୁ ଆହ୍ଵାନ କରିଛନ୍ତି ।ଏହା ଆଗରୁ  ଜ଼ିଲ୍ଲା ମସ୍ୟ ଅଧିକାରୀ  ଲିପ୍ସା ପଟ୍ଟନାୟକ ମଧ୍ଯ ପ୍ରତିଯୋଗିତା ମୂଳକ ବହୁ ଉପାଦେୟ ପୁସ୍ତକ ପାଠାଗାର  କୁ ଦାନ  କରିଥିଲେ l ପାଠଗାର ରେ ପାଠକ  ମାନଙ୍କ ଆଗ୍ରହ ଦେଖି  ଦାତା ମାନେ ପୁସ୍ତକ ଯୋଗାଇବାକୁ ଆଗ୍ରହ ପ୍ରକାଶ କରୁଛନ୍ତି l