10-Oct-2024

ବିନିକା(ହିମାଂଶୁ ଶେଖର ପଟେଲ) ବିନିକା ବ୍ଲକ ଫୁଲମୁଠି ଗ୍ରାମର ଇଷ୍ଟଦେବୀ ମାଁ ମାହେଶ୍ୱରୀଙ୍କ ସ୍ୱାନ ଯାତ୍ରା ବିପୁଳ ଆନନ୍ଦ ଉଲ୍ଲାସ ମଧ୍ୟରେ ପାଳିତ ହୋଇଯାଇଛି l ପ୍ରକାଶ ଥାଉକିଯେ ଅଷ୍ଟମୀରେ ଦେବୀଙ୍କ ମନ୍ଦିରରେ ଯାତ୍ରା ଅନୁଷ୍ଟିତ ହୋଇ ନବମୀରେ ସମ୍ପନ୍ନ ହୋଇଥାଏ l ଏହି ପରିପ୍ରେକ୍ଷୀରେ ମାହେଶ୍ୱରୀ ଓ ବାଡ଼ି ଦେବତାଙ୍କ ପୂଜା ରୀତିନୀତି ଅନୁଯାୟୀ ପୂଜା କରାଯାଏ । ଘଣ୍ଟ ଶଙ୍ଖ ହୁଳହୁଳି ଧ୍ୱନୀରେ ଦେବୀଙ୍କ ପୂଜାର୍ଚ୍ଚନା ଚାଲିଥିବା ବେଳେ ମନ୍ଦିର ଚତୁଃପାର୍ଶ୍ଵରେ ହଜାର ହଜାର ଶ୍ରଦ୍ଧାଳୁ ଭକ୍ତ ଭକ୍ତି ଭାବନା ସହ ପୂଜାକୁ ଉପଭୋଗ କରିଥିଲେ ଏହି ପରିପ୍ରେକ୍ଷୀରେ ମନ୍ଦିର ସମ୍ଭୁଖ ରେ ଗାଁ ର ଯୁବଗୋଷ୍ଟି ତରଫରୁ ବାଡି ଖେଳ ଅନୁଷ୍ଟିତ ହୋଇଥିଲା ।ଏଥିରେ ଭାଗ ନେଇଥିବା ଯୁବକ ମାନେ ବିଭିନ୍ନ ପ୍ରକାରର ଖେଳ କସରତ କରି ଶ୍ରଦ୍ଧାଳୁ ଭକ୍ତଙ୍କୁ ବାନ୍ଧି ରଖିଥିଲେ ।ପରେ ଘଣ୍ଟ ବାଦ୍ୟର ତାଳେ ତାଳେ ବାଡ଼ି ଦେବତା,ଛତର ସହ ସେବାୟତ କାରୀ ଏକ ବିରାଟ ଶୋଭାଯାତ୍ରାରେ ପୁଣ୍ୟତୋୟା ମହାନଦୀ ପାପକ୍ଷୟ ଘାଟକୁ ସ୍ୱାନ ପାଇଁ ଯାଇଥିଲେ l ସ୍ୱାନ ସାରି ଫେରିବା ବେଳେ ଉର୍ଲ୍ଲେ ଗ୍ରାମର ରଘୁନାଥ ମନ୍ଦିର ପରିସରରେ ଗ୍ରାମବାସୀଙ୍କ ତରଫରୁ ପୂଜାର୍ଚ୍ଚନା ପରେ ନିଜ ଗ୍ରାମକୁ ଫେରି ସମସ୍ତଙ୍କ ଦ୍ଵାରରେ ପୂଜା ପାଇଥାନ୍ତି l ଭାଇର ଶୁଭ ମନାସି ଉପବାସ କରିଥିବା ଭଉଣୀ ମାନେ ଦେବୀଙ୍କ ଠାରେ ଜୁଇଁତିଆ,ଦୁବ ପୂଜାର୍ଚ୍ଚନା କରି ଭାଇ ହାତରେ ଜୁଇଁତିଆ ବାନ୍ଧିଥାନ୍ତି l ବାଡ଼ି ଦେବତା ଗାଁ ସାରା ପରିକ୍ରମା ପରେ ନିଜ ମନ୍ଦିରରେ ଯାଇ ବିରାଜମାନ ହୋଇଥାନ୍ତି l ସୁବର୍ଣ୍ଣପୁରର ଖମ୍ବେଶ୍ୱରୀ ଦେବୀଙ୍କ ପୀଠ ଭଳି ମାହେଶ୍ୱରୀ ଦେବୀ ମଧ୍ୟ ଖମ୍ବରେ ପୂଜା ପାଇଥାନ୍ତି l ଚଳିତ ବର୍ଷ ମାଁଙ୍କ ଦର୍ଶନ ପାଇଁ ବହୁ ଭକ୍ତଙ୍କ ଭିଡ଼ ଜମିଥିଲା l ସେହିପରି ବିନିକା ଅଞ୍ଚଳର ଡଭଲା, ଅରିଗାଁ,ଭଣ୍ଡାର,ଗୁଳୁଣ୍ଡା, କର୍ତ୍ତଙ୍ଗ,ବଳାରଙ୍ଗା ପ୍ରଭୃତି ସ୍ଥାନରେ ମାହେଶ୍ୱରୀଙ୍କ ସ୍ୱାନ ଯାତ୍ରା ଧୁମଧାମରେ ପାଳିତ ହୋଇଯାଇଛି ।