03-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ପଶ୍ଚିମ ଓଡିଶାର କୃଷିଭିତ୍ତିକ ସ୍ବତନ୍ତ୍ର ପର୍ବ ପୁରା ଉଆଁସ ବାପୁଜୀ ସ୍ବତନ୍ତ୍ର ବିଦ୍ୟାଳୟ ପକ୍ଷରୁ ପ୍ରତିବର୍ଷ ପରି ଚଳିତ ବର୍ଷ ମଧ୍ଯ ଧୁମ୍ ଧାମ୍ ସହକାରେ ପାଳିତ ହୋଇ ଯାଇଛି । ବିଦ୍ୟାଳୟର ପ୍ରଧାନଶିକ୍ଷକ କିଶୋର ଚନ୍ଦ୍ର ସାହୁ, ଅଭୟ ପ୍ରଧାନଙ୍କ ସହ ଅନ୍ଯ ଶିକ୍ଷକ ଶିକ୍ଷୟିତ୍ରୀଙ୍କ ପରିଚାଳନାରେ ଅନୁଷ୍ଠିତ ହୋଇ ଥିଲା । ଏହି କାର୍ଯ୍ୟକ୍ରମକୁ ବରଗଡ଼ ପୌରାଧ୍ୟକ୍ଷା କଳ୍ପନା ମାଝୀ ଉଦଘାଟନ କରିବା ସହିତ ସମ୍ମାନୀତ ଅତିଥି ଭାବେ ବିଶିଷ୍ଟ ସମାଜସେବୀ ପବିତ୍ର ଦେହେରୀ ଯୋଗ ଦେଇଥିଲେ । ଅନ୍ଯ ଅତିଥି ମଧ୍ଯରେ ବିଶ୍ବ ପ୍ରସିଦ୍ଧ ବରଗଡ଼ ଧନୁଯାତ୍ରାର ମହାମନ୍ତ୍ରୀ କଳାକାର ନନ୍ଦିକେଶ୍ବର ମହାପାତ୍ର,  ଚିତ୍ର ଶିଳ୍ପୀ ରାଜେନ୍ଦ୍ର ସିକନ୍ଦର ପ୍ରମୁଖ ପିଲାମାନଙ୍କର ପୁରା ଉଆଁସର କାଠ,ମାଟି ତିଆରି ବଳଦକୁ ଫୁଳ ଏବଂ କାଶତଣ୍ଡି ଫୁଳରେ  ବେଶ କରି ଚକ ଲଗାଇ ପାରମ୍ପରିକ ବେଶରେ ଏକ ଶୋଭାଯାତ୍ରା କରିଥିଲେ । ସହରର ବହୁ ମାନ୍ଯଗଣ୍ଯ ବ୍ଯକ୍ତି ଯୋଗ ଦେଇ ଥିଲେ । ଦିନକୁ ଦିନ ଲୋପ ପାଇବାକୁ ବସିଥିବା ଏହି ପାରମ୍ପରିକ ପୂଜାକୁ ବିଦ୍ୟାଳୟ ତରଫରୁ ଅନୁଷ୍ଠିତ ଏହି  ନିଆରା କାର୍ଯ୍ୟକ୍ରମ ପାଇଁ ବୁଦ୍ଧିଜୀବି ମହଲରୁ ପ୍ରଶଂସା କରା ଯାଇଛି ।