02-Sep-2024

ସାଲେଭଟା, ତା.୨/୯-(ପ୍ରେରଣା ଖବର):ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ହରଭଙ୍ଗା ଉଚ୍ଚ ପ୍ରାଥମିକ ସ୍କୁଲରେ ବଜ୍ରପାତ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ବଜ୍ରପାତ ବା ବିଜୁଳି ମାରିବା ଯୋଗୁଁ ଅନେକ ଧନ ଜୀବନ ହାନି କ୍ରମାଗତ ଭାବରେ ହେଉଛି । ବଜ୍ରପାତ ସମୟରେ ଘର ଭିତରେ ଓ ଘର ବାହାରେ ଥିବାବେଳେ ବିଭିନ୍ନ ଉପାୟମାନ ଅବଲମ୍ବନ କରି ସମ୍ଭବତଃ ଜୀବନ ରକ୍ଷା ମିଳିପାରିବ । ଓଡିଶା ରେ ଏବେ ବିକୁଳି ଜନିତ ମୃତ୍ୟୁ ସଂଖ୍ୟା ବଢିବାରେ ଲାଗିଛି । ଏଣୁ, ସ୍ଥାନୀୟ ହରଭଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ତଥା ରେଡକ୍ରସ ସାଧନକର୍ମି ଦୂର୍ଯ୍ୟୋଧନ ପଶାୟତଙ୍କ ଅଧ୍ୟକ୍ଷତାରେ ଏକ ସଚେତନା କାର୍ଯ୍ୟକ୍ରମ ହୋଇଯାଇଛି । ଛାତ୍ରଛାତ୍ରୀ ମାନଙ୍କୁ ଡେମୋନେଷ୍ଟ୍ରେସନ ମାଧ୍ୟମରେ ଶ୍ରୀପଶାୟତ ତାଲିମ ଦେଇଥିଲେ । ଶିକ୍ଷକ, ଛାତ୍ରଛାତ୍ରୀ ଙ୍କ ଅଭିଭାବକ ମାନେ ସମସ୍ତେ ସତର୍କ ଆପ ନିଜ ନିଜ ମୋବାଇଲରେ ଡାଉନଲୋଡ କରିବାକୁ ମାର୍ଗଦର୍ଶନ  କରିବା ସହିତ ସମ୍ଭବତଃ ଆବଶ୍ୟକୀୟ  ତଥ୍ୟ ମାନିଲେ ଅନେକ ଜୀବନ ସୁରକ୍ଷିତ ରହିପାରିବ ।

ଏଥି ସହିତ ବର୍ଷା ମାସ ଚାଲୁ ରହିଥିବାରୁ ସାପ କାମୁଡା ପ୍ରତି ମଧ୍ୟ ସଚେତନ ରହିବାକୁ ପରାମର୍ଶ ଦେଇଥିଲେ । ସାପ କାମୁଡା ପ୍ରତି କେଉଁ ସମସ୍ତ ଦିଗ ପ୍ରତି ସାବଧାନ ରହି କଣ କରିବେ ଏବଂ କଣ ନ କରିବେ ସେ ବିଷୟରେ ବୁଝାଇଥିଲେ । କାର୍ଯ୍ୟକ୍ରମରେ ଶିକ୍ଷକ ଗୋବିନ୍ଦ ସାହୁ, ମଂଟେଶ କୁମାର ସାହୁ, ପିଙ୍କି କର୍ଣ୍ଣ ପ୍ରମୁଖ ସହଯୋଗ କରିଥିବା ବେଳେ ରାଜ କିଶୋର ମାହାକୁର ଧନ୍ୟବାଦ ଅର୍ପଣ କରିଥିଲେ ।