02-Sep-2024

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ମିଶନଶକ୍ତି ଭବନ ସଭା ଗୃହରେ ଅଭିଯୋଗ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି  l ଏଥିରେ ମୁଖ୍ୟଅତିଥି ଭାବେ ବଲାଙ୍ଗୀର ଜିଲ୍ଲାପାଳ ଗୌରବ ଶିବାଜୀ ଓ ଆରକ୍ଷୀ ଅଧିକ୍ଷକ ଋଷିକେଶ ଖିଲାରି ଯୋଗ ଦେଇଥିଲେ l ପ୍ରଚାର ପ୍ରସାର ଅଭାବ ଯୋଗୁଁ ବହୁତ୍ କମ ଲୋକ ଉପସ୍ଥିତ ଥିଲେ l ସମୁଦାୟ 134 ଜଣ ଅଭିଯୋଗ କାରୀ ଅଭିଯୋଗ କରିଥିଲେ l ସେଥି ମଧ୍ୟରୁ 90 ଜଣ ଭିନ୍ନ ଭିନ୍ନ ଅଭିଯୋଗ କରିଥିବା ବେଳେ 44 ଜଣ ପ୍ରଧାନମନ୍ତ୍ରୀ ଆବାସ ଗୃହ ଉପରେ ଦରଖାସ୍ତ ଦେଇଥିଲେ l ମୁଖ୍ୟତଃ  ପୂର୍ବତନ ସାଂସଦ ବାଳଗୋପଲ୍ ମିଶ୍ର ଆଗଲପୁର ରୁ ସାଲେଭଟ।

ପୀଡବ୍ଲୁଡ଼ି ରାସ୍ତା ନିର୍ମାଣ ରେ ଅଭିଯୋଗ ପାଇଁ ଆସିଥିଲେ l ଯାହାକି ବିନା ଜମି ଚିହ୍ନଟ ଓ ରାସ୍ତାର ଗଛ ଗୁଡ଼ିକ କରାଯାଇଥିଲା ଏହା ଉପରେ କ୍ଷୋଭ ପ୍ରକାଶ କରିଥିଲେ l ଏହା ସହିତ ବିଳମ୍ବରେ ଜିଲ୍ଲାପାଳ ଆସି ଥିବାରୁ ଦୂର ଦୁରାନ୍ତ ରୁ ଆସିଥିବା ଲୋକ ଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା l ଏହି କାର୍ଯ୍ୟକ୍ରମ ରେ ଜିଲ୍ଲା ର ସମସ୍ତ ବିଭାଗ ର ଅଧିକାରୀ ମାନେ ଯୋଗ ଦେଇଥିଲେ l ଉକ୍ତ କାର୍ଯ୍ୟକ୍ରମ କୁ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ରୁଦ୍ର ପ୍ରସାଦ ସୁନା ଙ୍କ ସଂଯୋଜନାରେ ଚାଲିତ ହୋଇଥିଲା l ଏହି କାର୍ଯ୍ୟକ୍ରମ ରେ ଜି ପି ଓ ସୌଭାଗ୍ୟ ପଧାନ, ଜଳ ଓ ପରିମଳ ବିଭାଗ ଯନ୍ତ୍ରୀ ଦୁର୍ଗା ପ୍ରସାଦ ମିଶ୍ର, ଅରବିନ୍ଦ ମହାନ୍ତି , ବିଆର ସି ଅଂଶୁମାନ ବାବୁ , ଏମ୍ ଆଇ ସୌମ୍ୟରଞ୍ଜନ ମହାନନ୍ଦ , ବି ଏସ ଏସ ଓ ସୁଶାନ୍ତ ମହାକୁର , ଏ ପି ଓ ଜଗତ ଜିତ ସେଠୀ , କନିଷ୍ଟ ଯନ୍ତ୍ରୀ ଦୀନବନ୍ଧୁ କୁମ୍ଭାର , ଯୋଗେଶ୍ୱର ପଧାନ , ସହକାରୀ ଯନ୍ତ୍ରୀ ପ୍ରମୁଖ ସହ ଯୋଗ କରିଥିଲେ l