02-Sep-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ): ପ୍ରହସନ ପାଲଟିଛି ଜିଲ୍ଲାପାଳ ଙ୍କ ଅଭିଯୋଗ ଶୁଣାଣି। ଅଭିଯୋଗ ପରେ ବି ସମସ୍ୟାର ହେଉନି ସମାଧାନ । ସୂଚନାମୁତାବକ ଗତ ଅଗଷ୍ଟ ମାସ ୫ ତାରିଖ ରେ ହରଭଙ୍ଗା ବ୍ଲକରେ ଅନୁଷ୍ଠିତ ହୋଇଥିବା ଜିଲ୍ଲାପାଳ ଙ୍କ ଅଭିଯୋଗ ଶୁଣାଣି ଶିବିରରେ ଚାରିଛକ ବିନାୟକ ଯୁବକ ସଂଘ ପକ୍ଷରୁ ୫୭ନମ୍ବର ଜାତୀୟ ରାଜପଥ ରେ ଷ୍ଟ୍ରିଟ ଲାଇଟ,ଡ୍ରେନେଜ ଓ ରାସ୍ତାର ଅବ୍ୟବସ୍ଥାକୁ ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଥିଲା ।

ଅଭିଯୋଗ ର ୧୫ଦିନ ମଧ୍ୟରେ ସମାଧାନ ହେବା ବୋଲି ଶିବିର ରେ ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଥିଲା । କିନ୍ତୁ ଅଭିଯୋଗ ର ୧୫ ଦିନ ବିତି ଆଜକୁ ୩୦ ଦିନ ବିତି ଯାଇଥିଲେ ସୁଦ୍ଧା କୌଣସି ଅସୁବିଧାର ସମାଧାନ ହେଲା ନାହିଁ । ଯାହାଫଳରେ ଆଜି ପୁଣି ବିନାୟକ ଯୁବକ ସଂଘ ,ରାମ ସେନା ଓ ମା ଦୁର୍ଗା ବଣିକସଂଘ ପକ୍ଷରୁ ସମସ୍ତ ସଦସ୍ୟମାନେ ମିଶି ପୁନଃ ଜିଲ୍ଲାପାଳ ଙ୍କ ଅଭିଯୋଗ ଶୁଣାଣି ଶିବିର ରେ  ଆଉ ଏକ ଅଭିଯୋଗ ଦାଖଲ କରିଥିଲେ । ପରେ ଉପଜିଲ୍ଲାପାଳ ଜାତୀୟ ରାଜପଥ ବିଭାଗ ର ଅଧିକାରୀଙ୍କୁ ଯୋଗାଯୋଗ କରିଥିଲେ । କିନ୍ତୁ ଅଧିକାରୀ ଜଣକ ଅନ୍ୟକାମ ରେ ଵ୍ୟସ୍ତ ଥିବାରୁ ଜିଲ୍ଲାପାଳ ଙ୍କ ଜନ ଅଭିଯୋଗ ଶୁଣାଣି ଶିବିରକୁ

ଆସିପାରିନଥିଲେ ବୋଲି ଉତ୍ତର ରଖିଥିଲେ । ଅନ୍ୟପଟେ ଅଭିଯୋଗକୁ ଗୋଟିଏ ସପ୍ତାହ ମଧ୍ୟରେ ସମାଧାନ କରିବେ ବୋଲି ଜିଲ୍ଲାପାଳ କହିଥିଲେ । ଯଦି ସମାଧାନ ନ ହୁଏ ତେବେ ପୁନଃ ଉପଜିଲ୍ଲାପାଳଙ୍କୁ ଯୋଗାଯୋଗ କରିବା ପାଇଁ କହିଲେ । ତେବେ ଯଦି ଅଭିଯୋଗ ନେଇ ବାରମ୍ବାର ଆସିବା ପରେ ଅଭିଯୋଗକାରୀଙ୍କ ଅଭିଯୋଗର ସମାଧାନ ହେଉନାହିଁ ତେବେ କାହାସ୍ୱାର୍ଥ ରେ ଜିଲ୍ଲାପାଳଙ୍କ ଅଭିଯୋଗ ଶୁଣାଣି ବୋଲି ବୁଦ୍ଧିଜୀବୀ ମହଲ ରେ  ପ୍ରଶ୍ନସୃଷ୍ଟି ହୋଇଛି ।