31-Aug-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ର ଦାତବ୍ୟ ଅନୁଷ୍ଠାନ ଫିଡ୍ ତରଫରୁ  ସୋହେଲା ବ୍ଲକର ବିର୍ଜାମ ଗ୍ରାମର ଶୁଭମ୍ ରାଜହଂସ ଙ୍କୁ ତାଙ୍କର ଏମ.ବି.ବି.ଏସ ରେ ନାମ ଲେଖାଇବା ନିମନ୍ତେ ଦଶ ହଜାର ଟଙ୍କାର ସହାୟତା ରାଶି ଯୋଗାଇ ଦିଆ ଯାଇଛି। ମେଧାବୀ ଛାତ୍ର ଶୁଭମ୍ ରାଜହଂସ ନବୋଦୟ ବିଦ୍ୟାଳୟରେ ଦ୍ବାଦଶ ଶ୍ରେଣୀ ରେ ଉତ୍ତୀର୍ଣ୍ଣ ହୋଇ ମାଗଣାରେ ପୁନେ ଠାରେ ଥିବା ଏକ ଦାତବ୍ୟ ମେଡିକାଲ କୋଚିଂ ସେଣ୍ଟର "ଦକ୍ଷିଣା" ରେ ଯୋଗଦାନ କରି ସର୍ବ ଭାରତୀୟ ସ୍ତରୀୟ ମେଡିକାଲ ପ୍ରବେଶିକା ପରୀକ୍ଷା ନିଟ୍ ରେ ୫୯୭ ନମ୍ବର ରଖି କୋରାପୁଟ ମେଡିକାଲ କଲେଜରେ ନାମ ଲେଖାଇବା ପାଇଁ ଚୟନ ହୋଇଛନ୍ତି। 
 ଆଡ଼ମିଶନ ପାଇଁ ୪୦୦୦୦/ ଟଙ୍କା ଦରକାର ହେଉ ଥିଲା, ମାତ୍ର ତାଙ୍କର ପରିବାର ଆର୍ଥିକ ଅବସ୍ଥା ସ୍ୱଚ୍ଛଳ ନ ଥିବାରୁ ତାଙ୍କ ବାପା ଶ୍ରୀ ଭାବଗ୍ରାହୀ ରାଜହଂସ ଆର୍ଥିକ ସହାୟତା ନିମନ୍ତେ ଫିଡ୍ ଟ୍ରଷ୍ଟ ର ଦ୍ବାରସ୍ଥ ହୋଇଥିଲେ।  ଫିଡ୍ ଟ୍ରଷ୍ଟ ର ଚେୟାରମେନ୍ ଶ୍ରୀ ଫଣିନ୍ଦ୍ର କୁମାର ତାଣ୍ଡିଙ୍କ ନେତୃତ୍ୱରେ  ଏକ ଟିମ୍ ବିର୍ଜାମ ରେ ପହଞ୍ଚି ଶୁଭମଙ୍କ ପରିବାରର ହାଲ ଚାଲ୍ ପଚାରି ବୁଝି ଥିଲେ ଏବଂ ସେଇଠି ତାଙ୍କୁ ଦଶ ହଜାର ଟଙ୍କାର ସହାୟତା ରାଶି ପ୍ରଦାନ କରିଥିଲେ। ଏହି ସମୟରେ ଶୁଭମ୍ ଏବଂ ତାଙ୍କର ପିତାମାତା ସହିତ ଫିଡ୍ ର ଚେୟାରମେନ  ଫଣିନ୍ଦ୍ର କୁମାର ତାଣ୍ଡି ଓ ଅନ୍ୟାନ୍ୟ ସଦସ୍ୟ ଶ୍ରୀ  ପ୍ରଦୀପ ନାଗ, ସୁବାସ ତାଣ୍ଡି ,  ଗୋପାଳ ନାଗ, ସଞ୍ଜୁ ନାରାୟଣ, ଲକ୍ଷ୍ମଣ ଛୁରିଆ,  ଯମୁନା ସୁନା ଉପସ୍ଥିତଥିଲେ। ଫିଡ୍ ର ଏହି ଉଦ୍ୟମକୁ ସମସ୍ତ ମହଲରେ ପ୍ରଶଂସା କରାଯାଉଛି।