31-Aug-2024

ରେଢ଼ାଖୋଲ(ଅନିଲ କୁମାର ପୃଷ୍ଟି): ସମ୍ବଲପୁର ଜିଲ୍ଲା ରେଢ଼ାଖୋଲ ଏନ‌ଏସି କାର୍ଯ୍ୟାଳୟରେ ଶନିବାର ସକାଳେ ସ୍ବାୟତ ଶାସନ ଦିବସ ପାଳିତ ହୋଇଯାଇଛି । ପ୍ରଥମେ ଭୋର ସକାଳ ୫ ଟାରେ ସହରରେ ରାମଧୁନ ବଜା ଯାଇଥିଲା  । ମୁଖ୍ୟ ଅତିଥି ଭାବରେ ଏନ‌ଏସି ଅଧ୍ୟକ୍ଷ ଶିବରାମ ସାହୁ ଯୋଗଦେଇ  ୮ ଟାରେ ସହରରେ ଥିବା ବିଭିନ୍ନ ମହାପୁରୁଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । ଏବଂ ଉପଖଣ୍ଡ ଚିକିତ୍ସାଳୟରେ ରୋଗୀଙ୍କୁ ଫଳ ବଣ୍ଟନ କରାଯାଇଥିଲା । ୮: ୪୫ ସମୟରେ ଏ‌ନ‌ଏସି କାର୍ଯ୍ୟାଳୟ ପରିସରରେ ମୁଖ୍ୟ ଅତିଥି ଅଧ୍ୟକ୍ଷ ଶିବରାମ ସାହୁ ଜାତୀୟ ପତାକା ଉତ୍ତୋଳନ କରି ଅଭିଭାଷଣ ରଖିଥିଲେ । ରେଢ଼ାଖୋଲ ସହରକୁ ଏକ ସୁନ୍ଦର ସ୍ବାସ୍ଥ୍ୟକର ପରିବେଶରେ ଗଢିତୋଳିବାକୁ ସମସ୍ତଙ୍କର ସହଯୋଗ କାମନା କରି ସହରର ସମସ୍ତ ସାହି ଓ ରାସ୍ତା ସଫା

ରଖିବା ସହ ପରିବେଶ ପରିଷ୍କାର ରଖିବାକୁ ଏନ‌ଏସି କୁ ସହଯୋଗ କରିବାକୁ କହିଥିଲେ । ସଭାଗୃହରେ ସ୍ବଛସାଥି , ସ୍ବଛକର୍ମୀ ଓ ଚତୁର୍ଥ ଶ୍ରେଣୀ କର୍ମଚାରୀଙ୍କୁ ପୋଷାକ ବଣ୍ଟନ କରି ଶେଷରେ ଫରେଷ୍ଟ ପାର୍କ ନିକଟରେ ଏକ ବୃକ୍ଷ ରୋପଣ କାର୍ଯ୍ୟକ୍ରମ କରାଯାଇଥିଲା । ଏହି କାର୍ଯ୍ୟକ୍ରମରେ ଏନ‌ଏସି କାର୍ଯ୍ୟନିର୍ବାହୀ ଅଧିକାରୀ ବିରଞ୍ଚି ଧରୁଆ , ସିଇଓ ଭାରତୀ ପ୍ରଗଣୀୟା , ମୁଖ୍ୟ କିରାଣୀ ବିରେନ୍ଦ୍ର ପୁରୋହିତ , ଉପାଧ୍ୟକ୍ଷା ଅନୁସୟା ପ୍ରଧାନ , ସମସ୍ତ ୱାଡ଼ର୍ କାଉନସିଲର , ସ୍ବଛ ସାଥୀ , ସ୍ବଛ ସୁପରଭାଇଜର,  ସ୍ବଛକର୍ମୀ , ସମସ୍ତ ୱାଡ଼ ଅଫିସର ଓ କର୍ମଚାରୀ ମାନେ ଉପସ୍ଥିତ ଥିଲେ ।