26-Aug-2024

ଗଣିଆ ଥାନା କିଶୋର ପ୍ରସାଦ ଠାରେ ଗୋଟିଏ ହରିଣକୁ କୁକୁର ଗୋଡାଉ ଥିବା ବେଳେ କୁକୁର କବଳରୁ ହରିଣକୁ ଉଦ୍ଧାର କରିଛନ୍ତି ଗ୍ରାମବାସୀ । କୁକୁରଟି ହରିଣଟିର ବେକକୁ କାମୁଡି ଥିବା ବେଳେ ଉଦ୍ଧାର ହରିଣ ଟିକୁ ବନବିଭାଗକୁ ହସ୍ତାନ୍ତର କରାଯାଇଥିବା ଜଣାପଡ଼ିଛି । ଘଟଣାରୁ ଜଣାପଡିଛି କିଶୋର ପ୍ରସାଦ ଗ୍ରାମର ଗଣେଷ ଗଣ୍ଠିଆ ନିଜ ବିଲରେ କାମ କରୁଥିବା ବେଳେ ହଠାତ୍ ଗୋଟିଏ ହରିଣକୁ କୁକୁର ଗୋଡାଉଥିବା ଦେଖିବାକୁ ପାଇଥିଲେ । ଏପରିକି କୁକୁର ଟି ହରିଣଟିର ବେକକୁ କାମୁଡି ଦେଇଥିଲା । ତେବେ ଗଣେଶ ତାଙ୍କ ଗ୍ରାମର ପୁରିଆ ବେହେରା, ଲିଙ୍ଗରାଜ ରାଉତଙ୍କ ସହାୟତାରେ କୁକୁର କବଳରୁ ହରିଣକୁ ଉଦ୍ଧାର କରି ଗଣିଆ ବନବିଭାଗକୁ ଖବର ଦେଇଥିଲେ । ଗଣିଆ ଫରେଷ୍ଟର ସନ୍ତୋଷ କୁମାର ପ୍ରଧାନ ଘଟଣାସ୍ଥଳରେ ପହଞ୍ଚି ହରିଣ ଟିକୁ ଉଦ୍ଧାର କରି ପ୍ରାଣୀ ଚିକିତ୍ସାଳୟରେ ହରିଣଟିର ଚିକିତ୍ସା କରିଥିବା ଜଣାପଡିଛି ‌। ହରିଣଟି ସୁସ୍ଥ ହେବା ପରେ ତାକୁ ଜଙ୍ଗଲରେ ଛଡ଼ାଯିବ ବୋଲି ବନବିଭାଗ ତରଫରୁ ଜଣାପଡିଛି । 

(ଗଣିଆରୁ ବିଜୟଲକ୍ଷ୍ମୀ ରାଉତ ଙ୍କ ରିପୋର୍ଟ)