01-Jan-2021

ଭୁବନେଶ୍ୱର,(ଶୁଭାଶିିଷ ନାୟକ) - କରୋନା ଟିକା ପାଇଁ Co-WIN ଆପ୍‌ରେ ପଞ୍ଜୀକରଣ କରିବା ଜରୁରୀ ବୋଲି ସୂଚନା ମିଳିଛି। କୁହାଯାଇଛି,ପଞ୍ଜୀକରଣ ପାଇଁ ୧୨ ପ୍ରକାର ପରିଚୟପତ୍ର ଦେଖାଇବା ଜରୁରୀ।

     ଜାନୁଆରୀ ୨ ତାରିଖରୁ ଅର୍ଥାତ ଆସନ୍ତାକାଲି ଦେଶର ସମସ୍ତ ରାଜ୍ୟରେ ଆରମ୍ଭ ହେବ କୋଭିଡ୍ ଟିକାର ଡ୍ରାଏ ରନ୍ । ଏହା ଭିତରେ ଓଡିଶା ମଧ୍ୟ ଟିକାର ଡ୍ରାଏ ରନ୍ ପାଇଁ ପ୍ରସ୍ତୁତି ଆରମ୍ଭ କରିଛି ।  ଟିକାକରଣର ସବୁ ପ୍ରକ୍ରିୟା ହେବ। ଖାଲି ଟିକା ଦେବାକୁ ଛାଡ଼ି ସବୁ ପ୍ରକ୍ରିୟା ହେବ। ଲୋକେ କେମିତି ଅପେକ୍ଷା କରିବେ। ସାମାଜିକ ଦୂରତା ରକ୍ଷା କରିବା ସହ ଟିକା ପାଇଁ ଲୋକଙ୍କୁ ସଚେତନତା କରାଯିବ। ଟିକା ପାଇଁ Co-WIN ଆପ୍‌ରେ ପଞ୍ଜୀକରଣ କରିବା ଜରୁରୀ ବୋଲି କୁହାଯାଇଛି। ପଞ୍ଜୀକରଣ ପାଇଁ ୧୨ ପ୍ରକାର ପରିଚୟପତ୍ର ଦେଖାଇବା ଜରୁରୀ। ଭୋଟର ପରିଚୟପତ୍ର, ଆଧାର, ଡିଏଲ୍ ଆଦି ୧୨ ପ୍ରକାର ପରିଚୟପତ୍ର ଦେଖାଇବାକୁ ପଡିବ।

   କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଆଜି ସବୁ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ନେଇ ଭିଡିଓ କନ୍‌ଫରେନ୍ସିଂ ହୋଇଥିଲା। ଭୁବନେଶ୍ୱର ସମେତ ରାଜ୍ୟର ସବୁ ଜିଲ୍ଲା ମୁଖ୍ୟାଳୟରେ ଡ୍ରାଏ ରନ୍‌ କରିବାକୁ ଆଇଟି (ଇନ୍‌ଫର୍ମେସନ ଟେକ୍ନୋଲୋଜି) ଯୋଗାଇ ଦେବାକୁ କେନ୍ଦ୍ରକୁ ଅନୁରୋଧ କରିଛନ୍ତି ରାଜ୍ୟ ସରକାର। ରାଜ୍ୟ ସରକାରଙ୍କ ପକ୍ଷରୁ କ୍ୟାପିଟାଲ ହସ୍ପିଟାଲ ସମେତ ସବୁ ଜିଲ୍ଲା ହସ୍ପିଟାଲରେ ଡ୍ରାଏରନ୍‌ ପାଇଁ ଜାଗା ଚିହ୍ନଟ ହୋଇଛି। କୋ-ୱିନ୍‌ ୱେବ୍‌ ପୋର୍ଟାଲରେ ଡ୍ରାଏରନ୍‌ କରିବାକୁ ହେବ। ପ୍ରତ୍ୟେକ ସାଇଟ୍‌ରେ ୨୫ରୁ ଅଧିକ ହେଲଥ୍‌ ୱାର୍କର ଡ୍ରାଏରନ୍‌ ପାଇଁ ପଞ୍ଜିକୃତ ହେବେ। ୫ ଜଣଙ୍କୁ ନେଇ ଟିକାକରଣ ଟିମ୍‌ ଗଠନ ହେବ। ଡ୍ରାଏରନ୍‌ ବେଳେ କରୋନା ଟିକାକରଣର ସମସ୍ତ ପ୍ରୋଟୋକୋଲକୁ ପାଳନ କରାଯିବ। ପ୍ରଥମ ପର୍ଯ୍ୟାୟରେ ରାଜ୍ୟରୁ ୩ ଲକ୍ଷ ୨୦ ହଜାର ଟିକା ଦିଆଯିବ। ଏଥିରେ ୧ ଲକ୍ଷ ୪୦ ହଜାର ଅଙ୍ଗନବାଡ଼ି, ହେଲପର୍‌, ସୁପରଭାଇଜର ଓ ସିଡିପିଓ ରହିଛନ୍ତି । ସରକାରୀ ଓ ଘରୋଇ ସ୍ୱାସ୍ଥ୍ୟକର୍ମୀଙ୍କୁ ସାମିଲ କରାଯାଇଛି। ୮ହଜାର ୨୬୭ ଜଣ ଭ୍ୟାକ୍ସିନେଟରଙ୍କୁ ୨୯ହଜାର ୨୭୬ ସେସନ୍‌ ସାଇଟ ଚିହ୍ନଟ କରାଯାଇଛି । ସ୍ୱାସ୍ଥ୍ୟକର୍ମୀଙ୍କ ତଥ୍ୟ କୋ-ୱିନ୍‌ ୱେବ୍‌ ପୋର୍ଟାଲରେ ଅପ୍‌ଲୋଡ୍‌ ମଧ୍ୟ କରାଯାଇ ସାରିଛି । ଟିକା ସଂରକ୍ଷଣ ଓ କୋଲ୍ଡଚେନ୍‌ ପାଇଁ ୧୨୨୨ ପଏଣ୍ଟକୁ ଚିହ୍ନଟ କରାଯାଇଛି । ଏହାବାଦ୍‌ ଜିଲ୍ଲା ଓ ରାଜ୍ୟସ୍ତରରେ ଟିକାକରଣର ପର୍ଯ୍ୟବେକ୍ଷକ ପାଇଁ ଟାର୍ସ୍କଫୋର୍ସ ଗଠନ ସରିଛି । ଟିକାକରଣ ପାଇଁ ୨୧ ଲକ୍ଷ ସିରିଞ୍ଜ ମଧ୍ୟ ଆସି ପହଞ୍ଚି ସାରିଛି ।