11-Aug-2024

ବଲାଙ୍ଗିର(ପ୍ରେରଣାଖବର): ପରିବେଶ ସୁରକ୍ଷା ଓ ବଲାଙ୍ଗୀରକୁ ଏକ ସବୁଜ ସୁନ୍ଦର ସହର ଭାବରେ ଗଢି ତୋଳିବା ପାଇଁ ସ୍ଵେଚ୍ଛାସେବୀ ସଂଗଠନ ଶାଗୁଆ ବଲାଙ୍ଗୀର ଆଉ ଏକ ପାଦ ଆଗେଇ ଆସିଛି l ବୃକ୍ଷରୋପଣକୁ ଏକ ଅଭିଯାନରେ ରୂପ ଦେବାପାଇଁ ନିଷ୍ପତ୍ତି ନେଇଛି ଶାଗୁଆ ବଲାଙ୍ଗୀର l ଆଜି ଅଗଷ୍ଟ  11 ବଲାଙ୍ଗୀରର ବୁଦ୍ଧିଜୀବୀ ଓ ପରିବେଶ ପ୍ରେମୀମାନଙ୍କର ସହଯୋଗରେ "ବଲାଙ୍ଗିର ଗଛ ଲଗାଦିନ" ଆୟୋଜନ ହୋଇଛି l ବଲାଙ୍ଗୀର ଜିଲ୍ଲାରେ ପ୍ରଥମ ଥର ପାଇଁ ଏପରି ବ୍ୟାପକ ଭାବରେ ତଥା ଶତାଧିକ ଜନସାଧାରଣଙ୍କ ଉପସ୍ଥିତିରେ 

ବୃକ୍ଷରୋପଣ କରାଯାଇଥିଲା l ଏଥି ପାଇଁ ଶାଗୁଆ ବଲାଙ୍ଗୀର ତରଫରୁ ବଲାଙ୍ଗିର ସଚେତନ ନାଗରିକ, ସ୍କୁଲ କଲେଜ ଛାତ୍ରଛାତ୍ରୀ, ପରିବେଶପ୍ରେମୀ, ସାମ୍ବାଦିକ ଓ ବିଭିନ୍ନ ସାମାଜିକ ଅନୁଷ୍ଠାନର କର୍ମକର୍ତ୍ତା ମାନଙ୍କୁ ନେଇ ସମ୍ବଲପୁର ରୋଡ ସ୍ଥିତ  ଅରୁନ୍ଧତୀ ହିରୋ ଶୋରୁମ ଠାରୁ ସଦେଇପାଲି  ରାସ୍ତା ପର୍ଯ୍ୟନ୍ତ ଏକ ସାମୁହିକ ବୃକ୍ଷରୋପଣ କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା  l  ରାସ୍ତାର ଉଭୟ ପାର୍ଶ୍ଵରେ ଶାଗୁଆ ବଲାଙ୍ଗୀରର ସଭ୍ୟ ମାନେ ନିମ୍ବ, କ'ଗଛ, ଜlମ୍ବୁ, ଶିରିସ, ବଡଚାଖୁଣ୍ଡା, ସେରସୁଆଁ ଆଦି ଚାରାରୋପଣ କରିଥିଲେ l ମୁମ୍ଵାଇରୁ ଆସିଥିବା ପରିବେଶବିତ୍ ପ୍ରତ୍ୟୁଷ ରଞ୍ଜନ ପଣ୍ଡା ଓ ବଲାଙ୍ଗୀର ପୌରାଧ୍ୟକ୍ଷା ଲିକl ସାହୁ ଏଥିରେ ଅତିଥି ଭାବରେ ଯୋଗଦେଇ ନିଜେ ଗଛ ଲଗାଇବା ସହ ସମସ୍ତଙ୍କୁ ଉତ୍ସାହିତ କରିଥିଲେl l ନାଗରିକ କମିଟିର ସଭାପତି ଶ୍ରୀକର ମିଶ୍ର, ଶାଗୁଆ ବଲାଙ୍ଗୀରର ଶାଗୁଆପ୍ରେମୀ ଜୟ ପୁରୋହିତ, ରାଜୁ ମହାପାତ୍ର ପରିବେଶପ୍ରେମୀ ଅରୁଣ ମିଶ୍ର, ସୂଚନା ଅଧିକାର କର୍ମୀ ହେମନ୍ତ ପଣ୍ଡା, ନେସନାଲ୍ ପିସ୍ ୟୁନିସନ ର ସତ୍ୟ ମିଶ୍ର, ରବିରଞ୍ଜନ ପୁଝାରୀ, ଆନନ୍ଦ ବଡପଣ୍ଡା, ରବିଚନ୍ଦ୍ର ଉଦଗାତା ପ୍ରମୁଖ ଯୋଗ ଦେଇ 

 ରାସ୍ତାରେ ଗଛ ଲଗାଇବା ସହ ଏହାର ରକ୍ଷଣାବେକ୍ଷଣ ଦିଗରେ ସମସ୍ତେ ତତ୍ପର ହେବାକୁ ପରାମର୍ଶ ଦେଇଥିଲେ l ଏହି କାର୍ଯ୍ୟକ୍ରମରେ ବଲାଙ୍ଗିର ୟୁବୋଦୟ କଲେଜ, ସାଇଟ୍ କଲେଜ, ମଣ୍ଟେସୋରି ପବ୍ଲିକ୍ ସ୍କୁଲ୍, ସେଣ୍ଟ ଜାଭିଅର ପବ୍ଲିକ୍ ସ୍କୁଲ୍, ଦୟାନନ୍ଦ ପବ୍ଲିକ୍ ସ୍କୁଲ୍,  ବିନାୟକ ପବ୍ଲିକ୍ ସ୍କୁଲ୍, ବିଶ୍ୱାତ୍ମା ବିଦ୍ୟା ମନ୍ଦିର ର ଛାତ୍ରଛାତ୍ରୀ ଙ୍କ ସମେତ ସିଆରପିଏଫ୍ ଟିମ୍,  ରେଡକ୍ରସ ଓ ବଲାଙ୍ଗିର ପୋଲିସ ସକ୍ରିୟ ସହଯୋଗ କରିଥିଲେ l