04-Aug-2024

ବଲାଙ୍ଗୀର// ବଲାଙ୍ଗିର ନାଗରିକ କମିଟିର ସଂପାଦକ ମଧୁସୁଦନ ନାୟକଙ୍କ ନେତୃତ୍ୱରେ ବିଭିନ୍ନ ଅନୁଷ୍ଠାନର ନରେନ୍ଦ୍ର କବାଟ, ଦେବାଳୟ ସୁରକ୍ଷା କମିଟିର ପ୍ରଶାନ୍ତ ମହାକୁର, ଯୁବ କୁଲତା ସମାଜର ରିଙ୍କୁ ସାହୁ, ଶମ୍ଭୁ ଶତପଥି, ଜୟକୃଷ୍ଣ ମିଶ୍ର ସର୍ବ ପୁରାତନ ପାଟଣା ଶାସନର ଦୋଳଗଞ୍ଜନ ପ୍ରେସ ସୁରକ୍ଷା ପାଇଁ ବିଭାଗ ସହିତ ଆଲୋଚନା କରିଥିଲେ । ବିଭିଗର ବସନ୍ତ ବେହେରା ଇନଚାର୍ଜ ସହ ବିଭିନ୍ନ ଆଲୋଚନା କରିଥିବା ବେଳେ ଆଗାମୀ ୧୨ ତାରିଖ ଦିନ ଉପ-ମୁଖ୍ୟମନ୍ତ୍ରୀଙ୍କୁ ବଲାଙ୍ଗିର ଗସ୍ତ ସମୟରେ ଦାବି ଉପସ୍ଥାପନ କରିବେ ଏବଂ ଏ ନେଇ ଜିଲ୍ଲାପାଳଙ୍କୁ ମଧ୍ୟ ଦାବି ଉପସ୍ଥାପନ କରିବେ ବୋଲି କମିଟି ନିଷ୍ପତ୍ତି ନେଇଛି ।
    ଅବହେଳିତ ଅବସ୍ଥାରେ ରାଜା ଅମଳର ଛାପାଖାନା । ବଲାଙ୍ଗିର ର ଦଳଗଞ୍ଜନ ମୁଦ୍ରଣ କେନ୍ଦ୍ର ବା ପ୍ରେସ ଏବେ ଜରାଜିର୍ଣ୍ଣ ଅବସ୍ଥାରେ ରହିଛି । ଦିନେ ସରକାର ଓ ଲୋକଙ୍କୁ ସେବା ଦେଉଥିବା ଏହି ପ୍ରେସ ଏବେ ଇତିହାସ ପାଲଟି ଯିବାକୁ ବସିଛି । ଜିଲ୍ଲାରେ କଳାକାରଖାନା ନ ଥିବା ବେଳେ ଯାହା କିଛି ଥିଲା ତାହା ଧୀରେ ଧୀରେ ବନ୍ଦ ହେବାରେ ଲାଗିଛି । ସରକାରଙ୍କ ଆନ୍ତରିକତା ଅଭାବରୁ ଏଭଳି ଘଟୁଥିବାର ଘଟୁଥିବାର ଅଭିଯୋଗ ହୋଇଆସୁଛି । ଦଳଗଞ୍ଜନ ମୁଦ୍ରଣ କେନ୍ଦ୍ରକୁ ପାଟଣା ମମହାରାଜ ପୃଥ୍ୱୀରାଜ ସିଂଦେଓ ୧୯୧୩ ମସିହାରେ ସ୍ଥାପିତ କରିଥିଲେ । ପ୍ରେସର ନାମକରଣ ନିଜ ବାପା ଦଳଗଞ୍ଜନଙ୍କ ନାଁରେ ନାମିତ କରିଥିଲେ । ତେବେ ସେ ସମୟରେ ରାଜୁଡା ଶାସନ ପାଇଁ ସବୁ ଛପା କାମ ଏହି ପ୍ରେସରେ ହୋଇଆସୁଥିଲା । ସେପଟେ ଭାରତ ସ୍ୱାଧୀନ ହେବା ପରେ ପାଟଣା ରାଜ୍ୟ ଓଡିଶାରେ ମିଶିଥିଲା ଏବଂ ଏହି ପ୍ରେସ ସରକାରଙ୍କ ଅଧୀନକୁ ଚାଲି ଯାଇଥିଲା । ସେ ସମୟରେ ଓଡିଶାର ସବୁ ଜରୁରୀ ସରକାରୀ କାଗଜପତ୍ର, ବହି ଏଠୁ ଛପା ହେଉଥିବା ବେଳେ ୬୨ ଜଣ କର୍ମଚାରୀ କାମ କରୁଥିଲେ । ଏହି ପ୍ରେସ ଜିଲ୍ଲା ଗୌରବ ଆଣିଥିଲା । ହେଲେ ଏବେ ଏହି ପ୍ରେସ ଘୋର ଅବହେଳିତ ଅବସ୍ଥାରେ ଅଛି । ଏଠାକାର ସବୁ କୋଠା ଘର ଭୁଷୁଡି ପଡିଥିବା ବେଳେ ଏହା ଭୂତକୋଠି ପାଲଟିଛି । ଅଳ୍ପ କେତେକ କର୍ମଚାରୀ ଅଛନ୍ତି ଓ ସେମାନେ ଅତି ବିପଦ ସଂକୁଳ ଅବସ୍ଥାରେ କାମ କରୁଛନ୍ତି  ଏବଂ ଏହି କର୍ମଚାରୀ ଘର ଦିର୍ଘ ବର୍ଷ ହେବ ବ୍ୟବହାର ପାଇଁ ଅଯୋଗ୍ୟ ବିପଦଶଙ୍କୁଳ ଅବସ୍ଥାରେ ଏଠାକାର କାମ କରୁଛନ୍ତି । ପ୍ରେସରେ ଥିବା ଛପା ମେସିନ ଓ ଅନ୍ୟାନ୍ୟ ମେସିନ ପୁରୁଣା ଓ ଅଯୋଗ୍ୟ ହୋଇ ପଡିଥିବାରୁ ଗତ ୬ ମାସ ତଳେ ସବୁ ପୁରୁଣା ମେସିନକୁ କବାଡିକୁ ହସ୍ତାନ୍ତର କରିଦେଇଥିବେ ପୂର୍ବ ସରକାର ରେ ଥିବା ବିଭାଗୀୟ ଯନ୍ତ୍ରୀ । ବଲାଙ୍ଗିର ବୁଦ୍ଧିଜିବି ଦାବି କରିଆସିଛନ୍ତି ଯେ ଓଡିଶା ସରକାର ଏବେ ଓଡିଶା ଅସ୍ମିତା କୁ ସୁରକ୍ଷା ଦେବା ପାଇଁ ବଜେଟ ହୋଇଥିବା ବେଳେ ଏହି ସରକାରୀ ପ୍ରେସ କୁ ଏବେ ଦୃଷ୍ଟି ଦେବା ପାଇଁ ଦାବି କରିଥିଲେ ।