15-Jul-2024

ବୋଡ଼େନ (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ବିଭିନ୍ନ ସ୍ଥାନରେ ବାହୁଡ଼ା ଯାତ୍ରା ଅନୁଷ୍ଠିତ ହୋଇଥିବାବେଳେ ଜିଲ୍ଲା ପ୍ରଶାସନ ଓ ବ୍ଲକ ପ୍ରଶାସନ ଶାନ୍ତି ଶୃଙ୍ଖଳା ଏବଂ ସଂସ୍କୃତି ଯେମିତି ବାଧାପ୍ରାପ୍ତ ନହେଉ ତା ପାଇଁ ପଦକ୍ଷେପ ନେବା ସହିତ ସରକାରୀ କର୍ମଚାରୀଙ୍କୁ ନିୟୋଜିତ କରିଥିଲେ ।ପୁରାତନ  ଜଗନ୍ନାଥ ମନ୍ଦିର ତରାପୁର ଠାରେ ପ୍ରଭୁ ମାଉସୀ ମନ୍ଦିରରେ ଯଥାବିଧି ରୀତି ନୀତିରେ ପୂଜା ପାଇ ଆଜି ନିଜ ଦେଉଳକୁ ଫେରିଥିଲେ ।ଅଭିମାନରେ ମାଁ ଲକ୍ଷ୍ମୀ କବାଟ ବନ୍ଦ କରି ପ୍ରଭୁଙ୍କୁ ଅନେକ କଥା କହି ଥିଲେ ।ବଡ଼ ଠାକୁର ଲକ୍ଷ୍ମୀଙ୍କୁ କଥା ମାଧ୍ୟମରେ ଲକ୍ଷ୍ମୀଙ୍କ ମନକୁ ଶାନ୍ତ କରିଥିବା ଓ କବାଟ ଫିଟାଇବାର ସମୟଟି ଭକ୍ତ ମାନଙ୍କୁ ଭକ୍ତି ରସରେ ଛନ୍ଦି ଦେଇଥିଲା ।ଗ୍ରାମର ଅନେକ ମହିଳା ଓ ପୁରୁଷ ଏଇଥିରେ ଭାଗ ନେଇଥିଲେ । ନୂଆପଡ଼ା ଏ ଡି ଏମ ଭୀମ ସେନ ଶବର ଏବଂ  ବୋଡ଼େନ ବି ଡି ଓ ପ୍ରିୟରଞ୍ଜନ କୁମାର ଆଜି ବୋଡ଼େନ ବ୍ଲକର ଅନେକ ବାହୁଡ଼ା ଯାତ୍ରା ପରିଦର୍ଶନ କରିଥିବା ସହ ତରାପୁର ଠାରେ ଅନୁଷ୍ଠିତ ବାହୁଡ଼ା ଯାତ୍ରାରେ ପ୍ରଭୁଙ୍କ ଦର୍ଶନ ପ୍ରାପ୍ତ କରି ପରିଦର୍ଶନ ମଧ୍ୟ କରିଛନ୍ତି ।ସରକାରୀ କର୍ମଚାରୀ ଜି ପି ଇ ଓ ପ୍ରଫୁଲ୍ଲ କୁମାର ନାଏକ,ପି ଇ ଓ ବାବୁଜୀ ମାଝୀ ଓ କ୍ଷୀରୋଦ ଚନ୍ଦ୍ର ନାଏକ,ପୋଲିସ ଷ୍ଟାଫ ମଦନ ସଗଡିଆ ଓ ଚୈତନ୍ୟ ଶଗଡ଼ିଆ ସାମିଲ ଥିଲେ ।ବାସ୍ତବରେ ପ୍ରଶାସନର ଭୂମିକା ଅତୁଳନୀୟ ।