14-Jul-2024

ତରଭା(କପିଳାସ ସେଠ) ତରଭା ବ୍ଲକ କନ୍ଧ ସମାଜର ଝାଙ୍କର(ଗଡୁଧାରା) ଦାୟିତ୍ଵ ଉତ୍ସବ ଭୁରାଡ଼ଠାରେ ଅନୁଷ୍ଠିତ ହୋଇଯାଇଛି I ପଣ୍ଡିରାପିଟା ଗ୍ରାମର  କନ୍ଧସମାଜର ମୁଖ୍ୟ ଦେହେରି  କିଶୋର କୁଅଁରଙ୍କ ନେତୃତ୍ୱରେ ଉପସ୍ଥିତ ଅଞ୍ଚଳର  ସମସ୍ତ ଝାଙ୍କର, କୁଅଁର ଭାଇ ମାନଙ୍କ ସର୍ବସମ୍ମତିରେ  ବ୍ରାହ୍ମଣି ପଞ୍ଚାୟତର ଭୁରାଡ଼ ଗ୍ରାମର ସ୍ଵର୍ଗତ ଲଳିତ କୁଅଁରଙ୍କ ପୁଅ ସ୍ୱପ୍ନେଶ୍ଵର କୁଅଁରକୁ ନୂତନ ଝାଙ୍କର ଦାୟିତ୍ୱ ନେବା ପାଇଁ ପ୍ରସ୍ତାବ ନିଆଯାଇ ଥିଲା I  ଭୁରାଡ଼ ସ୍ଥିତ ଝାଙ୍କରଙ୍କ ଘରେ  କନ୍ଧେନବୁଢ଼ି ପୀଠରେ ରୀତିନୀତିରେ ପୂଜାର୍ଚ୍ଚନା  ହେବା ପାରେ ନୂତନ ଝାଙ୍କର ସ୍ଵପ୍ନେଶ୍ଵରଙ୍କୁ ଝାଙ୍କର ଦାୟିତ୍ୱ ନେବା ପାଇଁ କିଶୋର ଝାଙ୍କର ସହିତ ଉପସ୍ଥିତ ସମସ୍ତ ଝାଙ୍କର, କୁଅଁର, ଭାଇବନ୍ଧୁ ପାନିଗଡୁ ଧରାଇ ଥିଲେ I କନ୍ଧ ସମାଜର ରୀତିନୀତିରେ, ଆଠ ଭାଇର ପୁଅ ନାତି, ସାତ ଭାଇର ଶକ୍ତି, ବାର ଭାଇ, ବତିଶ କନ୍ଧ ଓ ଗ୍ରାମ, ଜାତି, ବନ୍ଧୁବାନ୍ଧବଙ୍କ ଉପସ୍ଥିତିରେ ଢ଼ୋଲ, ମୁହୁରି, ନିଶାନ, ତାସା, ଘଣ୍ଟଶଙ୍ଖ, ହୁଳହୁଳି, ହରିବୋଲ ଦେଇ ପୂଜାର୍ଚ୍ଚନା କରି ନୂତନ ଝାଙ୍କରଙ୍କୁ ପାନିଗଡୁ ଧରା ଯାଇଥିଲା I ଏହି ଉତ୍ସବକୁ ଭୁରାଡ଼ ଗ୍ରାମର  ଖଗେଶ୍ଵର କୁଅଁର ଆୟୋଜନ କରିଥିଲେ l ଲକ୍ଷ୍ମଣ କୁଅଁର, ଦୀର୍ଜୁ କୁଅଁର, ଭକ୍ତି କୁଅଁର, ଶନାତନ କୁଅଁର, ବ୍ରାହ୍ମଣୀ ଗ୍ରାମର ଯଜ୍ଞଶ୍ୱର କୁଅଁର, ବିରଞ୍ଚି କୁଅଁର, ଶିବ ଭୋଇ, କନକଡ଼ା ଗ୍ରାମର  ଚନ୍ଦନ ଭୁଏ,  ବୌଦ୍ଧ ଜିଲ୍ଲା କରେଲଧୁଅ ଗ୍ରାମର   ସରୋଜ ମାଝି, ଡ଼ୁମାଳପାଲି ଗ୍ରାମର ଇଶ୍ଵର କୁଅଁର,  ବହିରା ମୁହାଁଣ ଗ୍ରାମର ନୀଳମଣି ଭୁଏ, ବାବାଶଙ୍କର ଗ୍ରାମର  ପଙ୍କଜ ମାଝି, ଭୁରାଡ଼ ଗ୍ରାମର  ବିଶ୍ଵନାଥ ଭୋଇ, ରୁଗୁଡ଼ିପାଲି ପୁରନ୍ଦ୍ରର ମାଝି, ବନ୍ଧପାଲି  ଗ୍ରାମର ମାଧବ ନାଏକଙ୍କ  ସମେତ ବିଭିନ୍ନ ଅଞ୍ଚଳର କନ୍ଧ ସମାଜ ଓ ଆଦିବାସୀ ସମାଜର ବହୁ କର୍ମକର୍ତ୍ତା ଉପାସ୍ଥିତ ଥିଲେ  I