14-Jul-2024

ବିନିକା(ହିମାଂଶୁ ଶେଖର ପୁଟେଲ): ଜଣେ ଅଙ୍ଗନୱାଡି କର୍ମୀଙ୍କୁ କାର୍ଯ୍ୟରତ ଜଣେ ଶିକ୍ଷକ ଦୁଷ୍କର୍ମ ଉଦ୍ୟମ କରିବା ଘଟଣା ଓ ମରଣାତ୍ମକ ଆକ୍ରମଣ କରିବାର ୨୨ଦିନ ବିତି ଯାଇଥିଲେ ମଧ୍ୟ ଅଦ୍ୟାବଧି ଏଥିରେ ସଂପୃକ୍ତ ଶିକ୍ଷକ ଓ ତାର ସହଯୋଗୀକୁ ପୋଲିସ ଗିରଫ କରିପାରିନାହିଁ ।ଫଳରେ ସାଧାରଣ ଲୋକଙ୍କ ସୁରକ୍ଷାର ହତାକର୍ତ୍ତା ପୋଲିସର କାର୍ଯ୍ୟ ଦକ୍ଷତାକୁ ସନ୍ଦେହ ସୃଷ୍ଟି କରିଛି।ଅନ୍ୟପଟରେ ବାରମ୍ବାର ତାଗିଦ କରିବା ସତ୍ତ୍ୱେ ବି କାର୍ଯ୍ୟରତ ଅଭିଯୁକ୍ତ ଶିକ୍ଷକ କାର୍ଯ୍ୟରେ ଯୋଗଦାନ ନକରିବାରୁ ଶୁକ୍ରବାର ବିନିକା ବିଇଓ କାର୍ଯ୍ୟାଳୟରୁ ତାଙ୍କୁ ଚାକିରୀରୁ ନିଲମ୍ବିତ କରାଯାଇଥିବା ଜଣାପଡ଼ିଛି । ସୂଚନା ଯୋଗ୍ୟ ଯେ ଘଟଣା ଘଟିବାର ଦୁଇଦିନ ପରେ ଅଭିଯୁକ୍ତ ଶିକ୍ଷକ ଘନଶ୍ୟାମ ମୁଦୁଲି ନିଜର ସ୍ବାସ୍ଥ୍ୟ ସମସ୍ୟା ବାହାନା ନେଇ ଦୁଇଦିନ ଛୁଟି ରହିଥିଲେ । ପରେ ବିଧିବଦ୍ଧ ଭାବେ ସ୍କୁଲରେ ଯୋଗଦାନ କରି କର୍ତ୍ତବ୍ୟ କରିବା କଥା ହେଲେ ପୁଣି ସ୍ବାସ୍ଥ୍ୟ ସମସ୍ୟା ନେଇ ବିନିକା ଗୋଷ୍ଟି ଶିକ୍ଷା ଅଧିକାରୀଙ୍କ ନିକଟକୁ ୧୫ଦିନ ଛୁଟିର ଦରଖାସ୍ତରର ଅବିକଳ କପି ସ୍ଥାନୀୟ ସ୍କୁଲର କାର୍ଯ୍ୟରତ ଶିକ୍ଷକ ବଟକୃଷ୍ଣ ଭୋଇଙ୍କୁ ଦେବା ସହ ଏଲିମେଣ୍ଟାରି ଏଚଏମ ଗ୍ରୁବରେ ପଠାଇଥିଲେ ଯାହାକି ବିଇଓ ନଟ ଏପ୍ରୁଭ କରିଥିଲେ ।ପୁନର୍ବାର ଅଭିଯୁକ୍ତ ଶିକ୍ଷକ ଜୁଲାଇ ୧୦ତାରିଖରୁ ୨୦ତାରିଖ ପର୍ଯ୍ୟନ୍ତ ଛୁଟି ଦରଖାସ୍ତ କରିବାରୁ ବିଇଓ ତାକୁ ନଟ ଏପ୍ରୁଭ କରି ଜଏନ ଡ୍ୟୁଟି ଇମିଡିଏଟଲି ଏଣ୍ଡ ବି ଫିଜିକାଲି ପ୍ରେଜେନ୍ତ ବିଫୋର ମି ଇନ ବିଇଓ ବିନିକା । ଅଲସୋ କୋପେରେଟ ପୋଳିସ ଇନଭେଷ୍ଟିଗେସନ । ଡିଭାଇଟେସନ ଷ୍ଟିକଲି ଡିସପିଲିନାରୀ ଏକସନ ବୋଲି ଉତ୍ତର ଦେଇଥିଲେ । ତଥାପି ବି  ଅଭିଯୁକ୍ତ ଶିକ୍ଷକ ଜଣକ କାର୍ଯ୍ୟରେ ଯୋଗଦାନ କଲେନାହିଁ ।ତେବେ ବିଇଓ ଦେଇଥିବା ସୂଚନା ଅନୁସାରେ ସିଆରସିସିଙ୍କ ଜରିଆରେ କାର୍ଯ୍ୟରେ ଯୋଗଦାନ ନେଇ ଘରକୁ ଚିଠି ପଠାଇଥିଲେ ।ହେଲେ ସେ ଫେରାର ଥିବାରୁ ଚିଠି ସିଆରସିସି ଫେରସ୍ତ କରିଥିଲେ ।ପରେ ପୁନର୍ବାର ନିଜେ ବିଇଓ ସାତ ଦିନ ମଧ୍ୟରେ କାର୍ଯ୍ୟରେ ଯୋଗଦାନ କରିବା ନେଇ ଚିଠି କରିବାରୁ ଅଭିଯୁକ୍ତଙ୍କ ବାପା ତାହା ରିସିଭ କରିଥିଲେ ।କିନ୍ତୁ ବେଖାତିର ଅଭିଯୁକ୍ତ ଶିକ୍ଷକ ବର୍ତମାନ ସୁଦ୍ଧା କାର୍ଯ୍ୟରେ ଯୋଗଦାନ ନକରିବାରୁ ଜିଲ୍ଲା ଶିକ୍ଷା ଅଧିକାରୀଙ୍କ ନିର୍ଦ୍ଦେଶ କ୍ରମେ ବିନିକା ବିଇଓ ଲକ୍ଷ୍ମଣ ମିଶ୍ର ଗତକାଲି ତାଙ୍କୁ କାର୍ଯ୍ୟରୁ ନିଲମ୍ବିତ କରିଥିବା ସୂଚନା ଦେଇଛନ୍ତି ।ପ୍ରକାଶ ଥାଉ କି ଯେ ବିନିକା ବ୍ଲକ ବାଉଁସୁଣି ଗ୍ରାମର ୧ନଂ ଅଙ୍ଗନୱାଡି କେନ୍ଦ୍ରର ଅଙ୍ଗନୱାଡି କର୍ମୀ ଘରେ ଏକୁଟିଆ ଥିବା ବେଳେ ନକଟାମୁଣ୍ଡା ସ୍କୁଲର ଶିକ୍ଷକ ଘନଶ୍ୟାମ ଓ ତାର ସହଯୋଗୀ ଏକାଦସିଆ ମଲ୍ଲିକ ଜୁନ ମାସ ୧୯ତାରିଖ ରାତିରେ ଘରକୁ ଯାଇ ୱାଇଟନର ମାଗିବାରୁ ଅଙ୍ଗନୱାଡି କର୍ମୀ ଘର ଭିତରକୁ ନେଇ ଯାଉଥିବା ବେଳେ ତାର ସୁଯୋଗକୁ ହାତଛଡ଼ା ନକରି ଶିକ୍ଷକ ଜଣକ ଦୁଷ୍କର୍ମ କରିବାକୁ ଉଦ୍ୟମ କରିବା ସହ ମାଡ ମାରି ମରଣାତ୍ମକ ଆକ୍ରମଣ କରିଥିଲେ ।ଅଙ୍ଗନୱାଡି କର୍ମୀ ଜଣକ ଏନେଇ ଗତ ୨୨ତାରିଖରେ ବିନିକା ଥାନାରେ ଅଭିଯୋଗ କରିବାରୁ ପୋଲିସ ତରଫରୁ ମାମଲା ରୁଜୁ ହୋଇଛି ।ତାର ଦିନକ ପରେ ସୁବର୍ଣ୍ଣପୁର ଜିଲ୍ଲା ବିଜେପି ମହିଳା ମୋର୍ଚ୍ଚା ସଭାନେତ୍ରୀ ସୁଦେଷ୍ମା ନେଗି ବିନିକା ଥାନାକୁ ଆସି ଅଭିଯୁକ୍ତ ଶିକ୍ଷକକୁ ତୁରନ୍ତ ଗିରଫ କରିବାକୁ ଦାବି କରିଛନ୍ତି ।ସେହିପରି ଜୁଲାଇ ୪ତାରିଖରେ  ବିନିକା ଏନଏସି  ସମୀକ୍ଷା କରିବାକୁ ଆସିଥିବା ବୀରମହାରାଜପୁର ବିଧାୟକ ଇଞ୍ଜିିନିୟର ରଘୁନାଥ ଜଗଦଲା ମଧ୍ୟ ଏହି ଶିର୍ଷକାତର ପ୍ରସଙ୍ଗରେ ସ୍ଥାନୀୟ ପୋଲିସ ଅଭିଯୁକ୍ତକୁ ଗିରଫ ନକରିବା ନେଇ  ଅସନ୍ତୋଷ ପ୍ରକାଶ କରିଥିଲେ । ଡ୍ୟୁଟିରେ ଖିଲାପ ଯୋଗୁଁ ଅଭିଯୁକ୍ତ ଶିକ୍ଷକଙ୍କୁ ଶିକ୍ଷା ବିଭାଗ କାର୍ଯ୍ୟରୁ ନିଲମ୍ବିତ କଲା ହେଲେ  ଅଭିଯୁକ୍ତ ଶିକ୍ଷକଙ୍କ ଫେରାର ହେବା ଘଟଣା ୨୨ଦିନ ବିତିଗଲା ଅଭିଯୁକ୍ତ ଶିକ୍ଷକଙ୍କୁ ପୋଲିସ ଗିରଫ କରିବାରେ ସଫଳ ହେବ ନା ନାହିଁ ତାହା ସମୟ ହିଁ କହିବ।