14-Jul-2024

ତୁଷୁରା, (ପଞ୍ଚାନନ ନାଏକ) ତୁଷୁରା ସହର ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସରରେ ଶନିବାର ଦୁଇଦିନିଆ ସମ୍ପାଦକ ଓ ପ୍ରଧାନ ଆଚାର୍ଯ୍ୟ ବୈଠକ ଆରମ୍ଭ ହୋଇ ଯାଇଛି ।ଦକ୍ଷିଣ ପଶ୍ଚିମ ସମ୍ଭାଗର ସଭାପତି ଇଂ. ବେଲାର ସିଂ ଭୋଇଙ୍କ  ସଭାପତିତ୍ୱ ଉଦଘାଟନୀ ସଭା ଅନୁଷ୍ଠିତ ହୋଇଥିଲା ।  ମୁଖ୍ୟ ବକ୍ତା  ଭାବେ ରାଜ୍ୟ ଶିକ୍ଷା ବିକାଶ ସମିତିର ସଭାପତି ଡା. କିଶୋର ଚନ୍ଦ୍ର ମହାନ୍ତି ଯୋଗଦେଇ ଥିବା ବେଳେ   ଦକ୍ଷିଣ ପଶ୍ଚିମ ସମ୍ଭାଗ ସହ ସମ୍ଭାଗ ସଂଯୋଜକ ଚନ୍ଦ୍ର ମହାନ୍ତି ଅତିଥି ପରିଚୟ ପ୍ରଦାନ କରିଥିଲେ ।ଦକ୍ଷିଣ ପଶ୍ଚିମ ସମ୍ଭାଗ କୋଷାଧକ୍ଷଣ ଦତ୍ତା ନନ୍ଦ ପଣ୍ଡା ମଞ୍ଚ ପରିଚାଳନା କରିଥିଲେ ।ଏହି ବୈଠକରେ ବଲାଙ୍ଗୀର, ସୋନପୁର, ବୌଦ୍ଧ ଓ ନୂଆପଡା ରୁ ୨୩୪ ଜଣ ପ୍ରଧାନ ଆଚାର୍ଯ୍ୟ ଓ ସମ୍ପାଦକ ଯୋଗ ଦେଇଥିଲେ l ଏହି ଅବସରରେ ଶିକ୍ଷା ବିକାଶ ସମିତି ର ସଭାପତି ଡା. କିଶୋର ଚନ୍ଦ୍ର ମହାନ୍ତି ସମସ୍ତ ପ୍ରଧାନ ଆଚାର୍ଯ୍ୟ ଓ ସମ୍ପାଦକ ବନ୍ଧୁ ମାନଙ୍କୁ କିପରି ଭାବେ ବିଦ୍ୟାଳୟ ପରିଚାଳନା ଓ ଶିଶୁ ମାନଙ୍କ ଶୈକ୍ଷିକ ବିକାଶ ହୋଇ ପାରିବ ସମସ୍ତଙ୍କୁ ବୁଝାଇଥିଲେ l ନରେନ୍ଦ୍ର କୁମାର ରାଉଳ (ପୂର୍ବ କ୍ଷେତ୍ର ପ୍ରଶିକ୍ଷଣ ସଂଯୋଜକ ), ଆଶିଷ କୁମାର ରଥ (ପ୍ରାନ୍ତ ବିଦ୍ୟା ମନ୍ଦିର ବିଭାଗ ସଂଯୋଜକ ) ପ୍ରସନ୍ନ କୁମାର ବିଶ୍ୱାଳ (ପ୍ରାନ୍ତ ନିରୀକ୍ଷକ ) ମନୋରଞ୍ଜନ କର (ବିଭାଗ ନିରୀକ୍ଷକ, ସୁବର୍ଣ୍ଣପୁର )  ଯୁବରାଜ କୁଦେଇ (ବିଭାଗ ନିରୀକ୍ଷକ, ନୂଆପଡା ), ସୁଶୀଲ କୁମାର ଦାସ (ପ୍ରଧାନ ଆଚାର୍ଯ୍ୟ ), ବେଣୁଧର ମନହିରା (ସମ୍ପାଦକ, ପରିଚାଳନା କମିଟି, ତୁଷୁରା )ଉପସ୍ଥିତ ଥିଲେ । ବିଦ୍ୟାଳୟର ସମସ୍ତ ଗୁରୁଜୀ ଗୁରୁମା, ସେବକ ସେବିକା ସହଯୋଗ କରିଥିଲେ ।