06-Jul-2024

ବୋଡ଼େନ (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ବିଭିନ୍ନ ସ୍ଥାନରେ ବନ ମହୋତ୍ସବ ସପ୍ତାହ ପାଳିତ ହେଉଥିବା ବେଳେ ଆଜି ମହୁଲ ପଡା  ଉଚ୍ଚ ବିଦ୍ୟାଳୟ ପରିସରରେ ପ୍ରଧାନ ଶିକ୍ଷକ ଗୌର ହରି ମେହେରଙ୍କ ସଭାପତିତ୍ବରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ସମାଜ ସେବୀ ସଞ୍ଜୀବ କୁମାର ପାତ୍ର,ଫରେଷ୍ଟ ଅଫିସର ଗଗନ ବିହାରୀ ହଂସ ମୁଖ୍ୟ ବକ୍ତା ରୂପେ ଅଳଙ୍କୃତ ଥିଲେ ।ବିଶିଷ୍ଟ ଅତିଥି ଡ଼ା ମୋହନ ଖମାରୀ,ସମ୍ମାନିତ ଅତିଥି ଭାବେ ଫରେଷ୍ଟ ଅଫିସର ଶିବ ରାମ ପଟେଲ,ସାମ୍ବାଦିକ ରାମ ନାଥ ପଣ୍ଡା,ସମାଜ ସେବୀ ବନ ବିହାରି ହଂସ,ଫରେଷ୍ଟ ଗାର୍ଡ ନନ୍ଦିନୀ ସୁନାନି ଓ ଜୟନ୍ତୀ ମାଝୀ ମଞ୍ଚାସିନ ଥିଲେ ।ବିଦ୍ୟାଳୟର ଖେଳ ଶିକ୍ଷକ ଦେବାଶିଷ ଯୋଶୀଙ୍କ ନିର୍ଦ୍ଦେଶନାରେ କଳର ପାର୍ଟି ଓ ସ୍କାଉଟ ଗାଇଡ ଅତିଥି ମାନଙ୍କୁ ସ୍ଵାଗତ ଜଣାଇବା ସହ ପାଛୋଟି ନେଇଥିଲେ । ବରିଷ୍ଠ ଶିକ୍ଷକ ବିଘ୍ନ ରାଜ ସୂପକାର ମଞ୍ଚ ପରିଚାଳନା କରିଛନ୍ତି ।ମୁଖ୍ୟ ବକ୍ତା ଶ୍ରୀଯୁକ୍ତ ହଂସ ୧୯୫୦ ମସିହାରୁ ଆଜି ଯାଏଁ ସମାଜ ପରିବର୍ତ୍ତନରେ ଭୌଗଳିକ ପରିବର୍ତ୍ତନର ପ୍ରଭାବ ଜନ ସମାଜରେ କେତେ କ୍ଷତି କରୁଛି ଏବଂ ସେହି କ୍ଷତି ଆମ୍ଭେମାନେ ସହ୍ୟ କରିଚାଲିଛୁ ତାହା ବିବିଧ ଉଦାହରଣ ମାଧ୍ୟମରେ ଛାତ୍ର ଛାତ୍ରୀଙ୍କୁ ପ୍ରେରଣା ଯୋଗାଇବା ନିମିତ୍ତ ଉପସ୍ଥାପନ କରିଥିଲେ ।ସେ ଯେଉଁଠି ଗଲେ କୁଇଜ୍ ପ୍ରତିଯୋଗିତା କରାଇବା ତାଙ୍କର ନିୟମିତ ଅଭ୍ୟାସ ହୋଇ ଗଲାଣି ତାହା ଆଜି ମଧ୍ୟ ଦେଖିବାକୁ ମିଳିଥିଲା ।

ବୃକ୍ଷ ରୋପଣ କରିବା ଦ୍ଵାରା ତିଆରି ହେଉଥିବା ବନାନୀ ଆମ୍ଭମାନଙ୍କୁ ବଞ୍ଚିବାରେ କେମିତି ସହଯୋଗ କରେ ଏବଂ କିଭଳି ଭାବରେ ମେଘ ଆକର୍ଷଣ କରି ଭୁପୃଷ୍ଠରେ ବର୍ଷା କରାଏ , ବନ ଭୂମି ଅବା ବୃକ୍ଷ ହିଁ କେବଳ ମେଘକୁ ଟାଣି ରଖେ ଯଦ୍ୱାରା ଜଳା ଭାବ ଦେଖା ଦିଏନି ବୋଲି ଅନ୍ୟ ଅତିଥି ମତ ବ୍ୟକ୍ତ କରିଛନ୍ତି ।ବିଦ୍ୟାଳୟରେ ଛାତ୍ର ଛାତ୍ରୀଙ୍କ ମଧ୍ୟରେ ବତ୍କୃତା,ଚିତ୍ରାଙ୍କନ ଓ  କୁଇଜ୍ ପ୍ରତିଯୋଗିତା କରାଯାଇ କୃତି ଛାତ୍ର ଛାତ୍ରୀଙ୍କୁ ଅତିଥିଙ୍କ ଦ୍ଵାରା ପୁରସ୍କୃତ କରାଯାଇଛି ।ବିଦ୍ୟାଳୟ ପରିସରରେ ଆମ୍ବ ଗଛ ସମେତ ଅନ୍ୟ କିଛି ବୃକ୍ଷ ରୋପଣ କରାଯାଇଛି ।କାର୍ଯ୍ୟକ୍ରମରେ ଶିକ୍ଷକ ଗଣ ଯୋହସ୍ୟ ଛତ୍ରିଆ,ବନ୍ଦନା ପତି,ଦୁର୍ଜନ ବଗର୍ତ୍ତୀ,ରୁପେସ କୁମାର ନାଏକ,ଦେବାଶିଷ ଯୋଶୀ, ସୌମିତ କୁମାର ମଣ୍ଡଳ,ବିନୟ କୁମାର ସିଂ ଙ୍କ ସମେତ ଅଣ ଶିକ୍ଷକ ଜଗବନ୍ଧୁ ହଂସ,ଭବାନୀ ଶଙ୍କର ନାଗ,ବିକାଶ କୁମାର ହଂସ, ଡିଗ୍ରେ ଶ୍ୱର ନିଆଳ ଏବଂ ସମସ୍ତ ଛାତ୍ର ଛାତ୍ରୀ ଉପସ୍ଥିତ ରହି ସକ୍ରିୟ ଭୂମିକା ନିର୍ବାହ କରି ଛନ୍ତି ।ଶିକ୍ଷକ ବିରେନ୍ଦ୍ର ବଢେଇ ଧନ୍ୟବାଦ୍ ଅର୍ପଣ କରିଥିଲେ ।ଠିକ୍ ସେହିଭଳି ବ୍ଲକର ଅନ୍ୟ ଦୁଇ ବିଦ୍ୟାଳୟ ତରାପୁର ପ୍ରାଥମିକ ବିଦ୍ୟାଳୟ ଓ କରଙ୍ଗାମାଲ ଉଚ୍ଚ ବିଦ୍ୟାଳୟରେ ଉପରୋକ୍ତ ବନ କର୍ମଚାରୀ ଉପସ୍ଥିତ ରହି ବୃକ୍ଷ ରୋପଣ ସହିତ ବନ ମହୋତ୍ସବ ସପ୍ତାହ ପାଳନ କରିଥିଲେ ।