06-Jul-2024

ଲୋଇସିଂହା, (ବିନୋଦ କୁମାର ଦୀପ) ସାରା ଓଡିଶା ରେ ୭୫ତମ୍ ବନ ମହୋତ୍ସବ ସପ୍ତାହ ପାଳନ କରୁଥିବା ବେଳେ ଆଜି ଷଷ୍ଠ ଦିନରେ ଲୋଇସିଂହା ଅଧିନସ୍ଥ କୁସଂଗ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ବନ ମହୋତ୍ସବ ସପ୍ତାହ ପାଳନ ହୋଇଯାଇଛି l ବିଦ୍ୟାଳୟ ର ଅଧ୍ୟକ୍ଷ ଶ୍ରୀଯୁକ୍ତ ପରମେଶ୍ୱର ସିଂ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ  ମୁଖ୍ୟଅତିଥି ଭାବେ ଲୋଇସିଂହା ବନାଞ୍ଚଳ ଅଧିକାରୀ ଶ୍ରୀ ପାଉଲ ହରପାଲ  ଯୋଗଦେଇ ଥିବାବେଳେ ସମ୍ମାନିତ ଅତିଥି ଭାବେ ଫରେଷ୍ଟର ସମୀର ରଞ୍ଜନ ମହାପାତ୍ର   ଯୋଗ ଦେଇଥିଲେ l ଏହାସହ ଶିକ୍ଷା ବିଭାଗ ଅଧ୍ୟାପକ ତଥା ଜାତୀୟ ସେବା ଯୋଜନା ଅଧିକାରୀ ଏବଂ ଯୁବ ରେଡକ୍ରସ ଅଫିସର ଶ୍ରୀଯୁକ୍ତ ସରୋଜ କୁମାର ବାରିକ, ବିଦ୍ୟାଳୟ ର ଅଧ୍ୟାପକ ଅଧ୍ୟାପିକା ଓ ଯୁବ ରେଡକ୍ରସ ଶାଖାର ଶତାଧିକ ଛାତ୍ରଛାତ୍ରୀ ଉକ୍ତ କାର୍ଯ୍ୟକ୍ରମ ରେ ଉପସ୍ଥିତ ରହି ଗୋଟିଏ ଲେଖାଏଁ ବୃକ୍ଷରୋପଣ କରିଥିବା ଦେଖିବାକୁ ମିଳିଥିଲା l

ପରେ ଲୋଇସିଂହା ବନାଞ୍ଚଳ ଅଧିକାରୀ ଶ୍ରୀ ପାଉଲ ହରପାଲ  ତାଙ୍କ ବକ୍ତବ୍ୟ ରେ ଛାତ୍ରଛାତ୍ରୀ ମାନଙ୍କୁ ବୃକ୍ଷର ଆବଶ୍ୟକତା ତଥା ଜଳବାୟୁ ପରିବର୍ତ୍ତନ ,ମୃତ୍ତିକା ସଂରକ୍ଷଣ ,ପ୍ରାକୃତିକ ଦୁର୍ବିପାକ, ସୁସ୍ଥ ଓ ସ୍ୱଚ୍ଛ ପରିବେଶ, ଟାଙ୍ଗରା ଭୂମିରେ ବୃକ୍ଷ ରୋପଣ, ଆଜିକାର ଦିନରେ ବୃକ୍ଷରୋପଣ ସଠିକ ଭାବେ ନ ହେବାରୁ ସମାଜ ପ୍ରତି ଏହାର କୁ ପ୍ରଭାବ ପଡିବା ସହ ମଣିଷ କୁ ବିଭିନ୍ନ ସମସ୍ୟା ର ସମ୍ମୁଖୀନ ହେବାକୁ ପଡୁଛି l ଏହି ସମସ୍ୟା କୁ ଦୃଷ୍ଟି ଆଗରେ ରଖି ଯଶ୍ୱସୀ ପ୍ରଧାନମନ୍ତ୍ରୀ ମାଁ ପାଇଁ ଗଛଟିଏ ଲଗେଇବା ପାଇଁ ଜନସମାଜ କୁ ଆହ୍ବାନ  ଦେଇଛନ୍ତି l ତେଣୁ ସମସ୍ତ ଛାତ୍ରଛାତ୍ରୀ ପ୍ରତିବର୍ଷ ଗୋଟାଏ ଲେଖାଏଁ ବୃକ୍ଷରୋପଣ କଲେ ଆମଦେଶ ସବୁଜିମା ଜଙ୍ଗଲମୟ ଦେଖାଯିବା ସହ ପରିବେଶ ର ସୁରକ୍ଷା ହୋଇପାରିବ ବୋଲି ପ୍ରକାଶ କରିଥିଲେ l ଶେଷରେ ବନବିଭାଗ ର ଅଧିକାରୀ, କର୍ମଚାରୀ ଏବଂ ବିଦ୍ୟାଳୟ ର ଅଧ୍ୟାପକ ଓ ଛାତ୍ରଛାତ୍ରୀ ମାନେ ସମସ୍ତେ ପରିବେଶ ର ସୁରକ୍ଷା ନିମନ୍ତେ ଗାଁ କୁ ଯାଇ ଗୋଟାଏ ଲେଖାଏଁ ବୃକ୍ଷ ଲଗାଇବା ପାଇଁ ଶପଥ ନେଇଥିଲେ