05-Jul-2024

ନୂଆଁପଡ଼ା(ଚିନ୍ତାମଣି ନେତାମ): ଗାଁ କୁ ଗାଁ ଯୋଡିବା ପାଇଁ ଓ ଗମନା ଗମନ ବ୍ୟବସ୍ଥା ଉନ୍ନତ କରିବା ପାଇଁ ପ୍ରଧାନ ମନ୍ତ୍ରୀ ସଡ଼କ ଯୋଜନା କାର୍ଯ୍ୟକାରୀ ହେଉଛି। କିନ୍ତୁ ପ୍ରଶାସନିକ ଅବହେଳା ଓ ଠିକାଦାରଙ୍କ ମନମୁଖୀ କାର୍ଯ୍ୟ ଯୋଗୁଁ ଏହାର ସୁଫଳତା ଲୋକଙ୍କୁ ମିଳି ପାରୁନି ଓ ଲୋକେ ହଇରାଣର ଶିକାର ହେଉଛନ୍ତି। ଯାହାର ଜ୍ୱଳନ୍ତ ଉଦାହରଣ ହେଉଛି 

ନୂଆପଡ଼ା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଲିଟିଗୁଡ଼ା ହାତୀ ବନ୍ଧା ରାସ୍ତା।ଏହି  ଅତି ଶୋଚନୀୟ ହୋଇପଡିଛି । ବିଶେଷ କରି ନାଏକ ପଡ଼ା ଠାରେ ପାଣି ଜମି ରାସ୍ତା କର୍ଦ୍ଦମାକ୍ତ ହୋଇ ପଡ଼ିଛି। ରାସ୍ତାର ବହୁ ଜାଗାରେ ଖାଲ ଖମା ହୋଇଥିବାବେଳେ

ଆଣ୍ଠୁଏ ପାଣି ଜମିବାରୁ ଯିବା ଆସିବାରେ ଅସୁବିଧାର ସମ୍ମୁଖୀନ ହେଉଛନ୍ତି ଅଞ୍ଚଳବାସୀ । ଏହି ରାସ୍ତା ଦେଇ ନୂଆପଡ଼ା,ଭରୁଆମୁଣ୍ଡା ତଥା ଲିଟିଗୁଡ଼ା ପଞ୍ଚାୟତ ଅଞ୍ଚଳର ଶହ ଶହ ଲୋକ ହାତୀବନ୍ଧାକୁ ବିଭିନ୍ନ କାମରେ ଯିବା ଆସିବା କରିଥାନ୍ତି । ଏହା ଏକ ମୁଖ୍ୟ ରାସ୍ତା ହୋଇଥିବା ବେଳେ ଏଭଳି ପରିସ୍ଥିତି ଲୋକଙ୍କୁ ଅସନ୍ତୋଷ କରିଛି। ଏଠାରେ ଡ୍ରେନେଜ୍ ସୁବିଧା ନଥିବାରୁ ସାମାନ୍ୟ ବର୍ଷା ହେଲେ ରାସ୍ତାରେ ଆଣ୍ଟୁଏ ପାଣି ରହୁଛି।  ବେଳେବେଳେ ଲୋକେ ଜାଣିନପାରି ଦୁର୍ଘଟଣାର ଶିକାର ମଧ୍ୟ ହେଉଛନ୍ତି  ।ଏହି ରାସ୍ତାଦେଇ ଛାତ୍ର ଛାତ୍ରୀମାନେ ମଧ୍ୟ ହାତୀବନ୍ଧା କଲେଜକୁ  ଯିବା ଆସିବା କରିଥାନ୍ତି । ଏବେ ବର୍ଷା ଆରମ୍ଭରେ ଯଦି ଏମିତି ପରିସ୍ଥିତି ଆଗକୁ କଣ ନହେବ ଏହି ରାସ୍ତାର ଅବସ୍ଥା।ତେଣୁ ବିଭାଗୀୟ କର୍ମଚାରୀ ଏଥି ପ୍ରତି ଦୃଷ୍ଟିଦେଇ ବର୍ଷାଦିନ ପୂର୍ବରୁ ମରାମତି କରିବାକୁ ଦାବି ହେଉଛି । ଏ ବିଷୟରେ ବିଭାଗୀୟ ଅଧିକାରୀ ଗଜେନ୍ଦ୍ର ପ୍ରଧାନଙ୍କୁ ପଚାରିବାରୁ ସେହି ରାସ୍ତାର ଉନ୍ନତି କରଣ ପାଇଁ ସରକାରଙ୍କୁ ପ୍ରସ୍ତାବ ପଠା ଯାଇଛି ଓ ଖୁବ ଶୀଘ୍ର କାର୍ଯ୍ୟକାରୀ ହେବ ବୋଲି କହିଥିଲେ ।