28-Dec-2020

ଆଗଲପୁର, (ପ୍ରେରଣା ଖବର) :ବଲାଙ୍ଗୀର ଜିଲ୍ଲା ଆଗଲପୁର କୃଷିସେବା ସମବାୟ ସମିତିରେ ପ୍ରତିବର୍ଷ ଧାନମଣ୍ଡି ଆରମ୍ଭ ହୋଇଥାଏ l ପ୍ରତିବର୍ଷ ଭଳିଏହି ବର୍ଷ ମଧ୍ୟ ଅଚଳାବସ୍ଥା ଦେଖାଦେଇଛି l ଠିକ ସମୟରେ ଧାନ ଉଠୁନଥିବାରୁ ଚାଷୀ ମାନଙ୍କର ହଜାର ହଜାର ବସ୍ତା ଧାନ  ଶୀତକାକରରେ ମଣ୍ଡିରେ ପଡ଼ିରହିଛି l ଏନେଇ ଚାଷୀ ମହଲରେ ତୀବ୍ର ଅସନ୍ତୋଷ ଦେଖାଦେଇଛି  l ଏହି ମଣ୍ଡି ଉପରେ ଆଗଲପୁର ପଞ୍ଚାୟତର ଇଂସା, ନଗରାଜ, ଗୁଡିମୁଣ୍ଡା ଓ ଆଗଲପୁର ତଥା ରିନବଚନ ପଞ୍ଚାୟତର ଉଚ୍ଚବାହାଲ, ବାଗଝୁଲା, ବଣ୍ଡାବାହାଲ ଓ ରିନବଚନ ଗ୍ରାମର ଚାଷୀ ମାନେ ନିର୍ଭର କରୁଛନ୍ତି l ହେଲେ ଧାନ ମଣ୍ଡି ରେ ଅନେକ ଅବ୍ୟବସ୍ଥା ଯୋଗୁ ଚାଷୀ ମାନେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି lଏଫଏକ୍ୟୁ ମାନର ଧାନ ହେଲେ ମଧ୍ୟ ପ୍ରତି କ୍ୟୁଣ୍ଟାଲରେ ୩ କେଜି ଲେଖାଏଁ କଟନି ଛଟନି କରାଯାଉଛି l ମଣ୍ଡିରେ ଦଲାଲରାଜ ଚାଲିଛି l ଧାନ ମଣ୍ଡିକୁ ନଆଣି ସିଧାସଳଖ ମିଲକୁ ଯାଉଛି ଓ ପରେ ଦଲାଲମାନେ ସିଧାସଳଖ  ଚାଷୀ ମାନଙ୍କ ନାମରେ ଏଣ୍ଟ୍ରି କରୁ ଥିବା ଅଭିଯୋଗ ହେଉଛି lଏଥିରେ ଫେକ୍ସ କର୍ମଚାରୀଙ୍କ ହାତ ରହୁଛି l ଜିଲ୍ଲା ପ୍ରଶାସନ ତୁରନ୍ତ ଦୃଷ୍ଟି ଦେଇ ମଣ୍ଡି ରେ ଚାଲିଥିବା ଦଲାଲରାଜ ବନ୍ଦକରିବା ପାଇଁ ଦାବି ହେଉଛି l