22-Jun-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପ୍ରତ୍ୟୋକ ସରକାରୀ କାର୍ଯ୍ୟାଳୟ ଠାରେ ୧୦ କିଲୋମିଟର ରୁ ଉର୍ଦ୍ଧ୍ବ ରାସ୍ତାର ଉକ୍ତ ବିଭାଗର ସରକାରୀ କର୍ମଚାରୀଙ୍କ ରହିବା ପାଇଁ ଗୃହର ବ୍ୟବସ୍ଥା କରାଯାଇଛି। କିନ୍ତୁ ଅନେକ କାର୍ଯ୍ୟାଳୟ ଠାରେ ଅଧିକାରୀ ମାନେ ନିଜ ଲାଭ ପାଇଁ ଅନ୍ୟ ବିଭାଗ ର କର୍ମଚାରୀ ମାନଙ୍କୁ ଭଡା ଦେଇ ଟଙ୍କା ଆତ୍ମସାତ କରୁଥିବା ଦେଖିବାକୁ ମିଳୁଛି। ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ବ୍ଲକ କାର୍ଯ୍ୟାଳୟ ଠାରେ ବ୍ଳକ କଲୋନୀ ରେ ଅନ୍ୟ ବିଭାଗ ର କର୍ମଚାରୀ ମାନେ ଦୀର୍ଘ ଦିନ ଧରି ରହିଆସୁଥିବା ବେଳେ ବ୍ଳକରେ କାର୍ଯ୍ୟରତ କର୍ମଚାରୀ ମାନେ ଦୂର ଦୂରଦୂରାନ୍ତରୁ ଯିବା ଆସିବା କରୁଛନ୍ତି। ଫଳରେ ଜନସାଧାରଣ ଙ୍କ କାର୍ଯ୍ୟ ରେ ବାଧାପ୍ରାପ୍ତ ହେଉଛି। ଯଦିଓ ବାହାର ଲୋକ ଙ୍କୁ ହଟାଯାଇ ବ୍ଳକ ର କର୍ମଚାରୀଙ୍କୁ କ୍ବାଟର ର ବ୍ୟବସ୍ଥା କରାଯାଆନ୍ତା ତାହେଲେ କର୍ମଚାରୀ ମାନେ ସୂଚାରୁରୂପେ କାର୍ଯ୍ୟ ତୁଲାଇପାରନ୍ତେ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଉଛି। ଅନ୍ୟପକ୍ଷେ ବିଡ଼ିଓ ଙ୍କ ଛୋଟ ପରିବାର ଥାଇ ଦୁଇ ମହଳା କୋଠା ଘର ଅକ୍ତିଆର ଆଡ଼ମ୍ବରରେ ଜୀବନ ଅତିବାହିତ କରୁଥିବା ବେଳେ ୬୦ ରୁ ଉର୍ଦ୍ଧ୍ବ କିଲୋମିଟରରୁ କର୍ମଚାରୀ ମାନେ ଖରା, ବର୍ଷା, ଶୀତ ସହ୍ୟ କରି ନିଜର ଦାୟିତ୍ଵ ତୁଲାଇବା ପାଇଁ ବ୍ଳକ କାର୍ଯ୍ୟାଳୟ କୁ ଆସୁଛନ୍ତି।ଏ ବିଷୟରେ ବଲାଙ୍ଗିର ଜିଲ୍ଲାପାଳ ସ୍ବତନ୍ତ୍ର ଦୃଷ୍ଟି ଆକର୍ଷଣ କରି ବିଡ଼ିଓ ଙ୍କୁ ତାଗିଦ୍ କରିବା ସହ ବ୍ଳକ ବିଭାଗ ରେ ସମ୍ପୃକ୍ତ ନଥିବା କର୍ମଚାରୀଙ୍କୁ ଯଥାଶୀଘ୍ର ତଡାଯାଉ ବୋଲି ଜନସାଧାରଣରେ ମତ ପ୍ରକାଶ ପାଉଛି।