22-Jun-2024

ବଲାଙ୍ଗୀର(ପ୍ରେରଣା ଖବର): ଗତକାଲି ସାରା ବିଶ୍ୱରେ ଆନ୍ତର୍ଜାତିକ ଯୋଗଦିବସ ପାଳିତ ହୋଇଯାଇଛି । ସେହିକ୍ରମରେ ବଲାଙ୍ଗୀରର ବିଭିନ୍ନ ସ୍ଥାନରେ ମଧ୍ୟ ଯୋଗଦିବସ ପାଳିତ ହୋଇଛି। ସ୍ଥାନୀୟ ଗାନ୍ଧୀଷ୍ଟାଡିୟମ ଠାରେ ଜିଲ୍ଲାପ୍ରଶାସନ ଆନୁକୂଲ୍ୟରେ ଅନୁଷ୍ଠିତ ଯୋଗ ଦିବସରେ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ, ସଂସଦୀୟ ବ୍ୟାପାର, ସୂଚନା ଓ ବୈଷୟିକ ବିଭାଗର ମନ୍ତ୍ରୀ ଡ.ମୁକେଶ ମହାଲିଙ୍ଗ ମୁଖ୍ୟଅତିଥି ଭାବରେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଯୋଗଦିବସ ଉପରେ ବକ୍ତବ୍ୟ ରଖି ମନ୍ତ୍ରୀ ଡ.ମହାଲିଙ୍ଗ କହିଲେ ଯେ, ଭାରତୀୟ ପରଂମ୍ପରା ଓ ସଂସ୍କୃତିରେ ଯୋଗ ରହି ଆସିଛି l

ଆଜିର ବାର୍ତ୍ତା ହେଉଛି ନିଜ ଓ ସମାଜ ପାଇଁ ଯୋଗର ଆବଶ୍ୟକତା। ମନ ଓ ଶରୀରର ସୁସ୍ଥତା ପାଇଁ ଯୋଗର ଆବଶ୍ୟକତା ରହିଛି। ତେଣୁ ସମସ୍ତେ ମାନସିକ ଚାପରୁ ମୁକ୍ତି ଓ ସୁସ୍ଥ ରହିବାକୁ ହେଲେ ନିଜର ପ୍ରତ୍ୟହ ଦୈନିକଚର୍ଯ୍ୟାରେ ଯୋଗକୁ ସାମିଲ କରନ୍ତୁ ବୋଲି ମନ୍ତ୍ରୀ ବାର୍ତ୍ତା ଦେଇଥିଲେ । ଏହି କାର୍ଯ୍ୟକ୍ରମରେ ବଲାଙ୍ଗୀର ଜିଲ୍ଲାପରିଷଦ ସଭାପତି ଦେବକୀ ସାହୁ, ପୌରାଧ୍ୟକ୍ଷା ଲିକା ସାହୁ, ସଦର ବ୍ଲକଅଧ୍ୟକ୍ଷା ସରିତା ବାଗ,ବଲାଙ୍ଗୀର ଏସପି ଋଷିକେଶ ଖିଲାରୀ, ଅତିରିକ୍ତ ଜିଲ୍ଲାପାଳ ଡ.ବିଜୟକୁମାର ସେଠୀ, ଜିଲ୍ଲା ଉନ୍ନୟନ ଅଧିକାରୀ ପ୍ରଭାତକୁମାର ମହାପାତ୍ର ପ୍ରମୁଖ ମଞ୍ଚାସୀନ ଥିଲେ । ଯୋଗାଗୁରୁ ସ୍ୱାମୀ ତ୍ୟାଗରାଜ ସରସ୍ୱତୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଏହି ଯୋଗ କାର୍ଯ୍ୟକ୍ରମରେ ବଲାଙ୍ଗୀର ଜିଲ୍ଲାର ଜିଲ୍ଲାସ୍ତରୀୟ ଅଧିକାରୀ, କ୍ରିଡାବିତ, ସାମ୍ବାଦିକ ଓ ବୁଦ୍ଧିଜୀବୀ ସାମିଲ ହୋଇଥିଲେ । ଏହି ଅବସରରେ ଫେନ୍ସିଂ ପ୍ରତିଯୋଗିତାରେ କୃତିତ୍ଵ ହାସଲ କରିଥିବା ୪ଜଣ ରାଜ୍ୟସ୍ତରୀୟ ଶିଶୁ କ୍ରୀଡାବିତଙ୍କୁ ମନ୍ତ୍ରୀ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ସ୍ୱାମୀଜୀ ଯୋଗର ଆବଶ୍ୟକତା ଉପରେ ଲୋକଙ୍କୁ ବୁଝାଇଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ୱାନରେ ଗତ ୨୦୧୪ ମସିହାଠାରୁ ଜୁନ ୨୧ ତାରିଖକୁ ଆନ୍ତ୍‌ର୍ଯ୍ୟାତିୟ ଯୋଗଦିବସ ପାଳନ କରାଯାଇ ଆସୁଥିବା ବିଷୟରେ ମନ୍ତ୍ରୀ ଡ.ମହାଲିଙ୍ଗ କହିଥିଲେ ।  
   ସେହିପରି ସ୍ଥାନୀୟ ଆଇଟିଆଇ ପଡିଆରେ ପାତଞ୍ଜଳି ଯୋଗ ସମିତି ପକ୍ଷରୁ 

ରାଜେନ୍ଦ୍ର ପାର୍କଠାରେ ପୌରପାଳିକା ପକ୍ଷରୁ ଓ ହାଟପଦା ପାର୍କଠାରେ ମେଟାକାନୀମନ୍ଦିର ଯୋଗସମିତି ପକ୍ଷରୁ ଆନ୍ତର୍ଯ୍ୟାତିକ ଯୋଗଦିବସ ପାଳିତ ହୋଇଯାଇଛି । ଆଇଟିଆଇ ପଡିଆଠାରେ ସ୍ୱାସ୍ଥ୍ୟମନ୍ତ୍ରୀ ଡ.ମୁକେଶ ମହାଲିଙ୍ଗ,ରାଜେନ୍ଦ୍ର ପାର୍କରେ ପୌରାଧ୍ୟକ୍ଷା ଲିକା ସାହୁ ପ୍ରମୁଖ ଅତିଥି ଭାବରେ ଯୋଗଦେଇଥିଲେ । ଠିକ ସେହିପରି ସ୍କୁଲ ଖୁଲିଥିବାରୁ ପ୍ରଥମ ଦିନରେ ଯୋଗଦିବସରୁ ସମସ୍ତ ସ୍କୁଲକଲେଜମାନେ ଯୋଗଦିବାସ ପାଳନ କରି ଆରମ୍ଭ କରିଥିଲେ ।