05-Jun-2024

ସିନ୍ଧେକେଲା(ଦୀନେଶ ଜୈନ)- ସୁସ୍ଥ ଜୀବଜଗତ ତିଷ୍ଠି ରହିବା ପାଇଁ ସୁସ୍ଥ ପରିବେଶର ଆବଶ୍ୟକତା ରହିଛି । ଦିନକୁ ଦିନ ପରିବେଶର ସନ୍ତୁଳନ ନଷ୍ଟ ହେବାକୁ ଲାଗିଛି । ଜଙ୍ଗଲ , ବନ୍ୟପ୍ରାଣୀ ଓ ଜୀବଜଗତ ବଞ୍ଚି ରହିବା ପାଇଁ ପ୍ରତିବର୍ଷ ସରକାରୀ ଓ ବେସରକାରୀ ସ୍ତରରେ ବହୁ ସଚେତନତା

କରାଯାଉଛି । ଏହି ପରିପ୍ରେକ୍ଷୀରେ ବଲାଙ୍ଗିର ଜିଲ୍ଲା ସିନ୍ଧେକେଲା ଥାନା ଲେବଡା ଗ୍ରାମ ପଞ୍ଚାୟତ ତରଫରୁ ଲେବଡା ଓ ମାକ୍ରିପଡ଼ା ଗ୍ରାମର ଲୋକମାନଙ୍କୁ ନିର୍ମଳ , ସୁସ୍ଥ ପରିବେଶ ଓ ଜଙ୍ଗଲ ସୁରକ୍ଷା ପାଇଁ ସଚେତନତା କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା । ଓଡିଶୀ ସଂଗୀତ ଗୁରୁ ପ୍ରକୃତି ବନ୍ଧୁ ରବୀନ୍ଦ୍ର ସାଏଙ୍କ ନେତୃତ୍ବରେ ଅନୁଷ୍ଠିତ  କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଲେବଡା ଗ୍ରାମ ପଞ୍ଚାୟତ ସରପଞ୍ଚ ଦମୟୀନ୍ତି ହାତୀ ଯୋଗଦେଇ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ  । ସମ୍ମାନିତ ଅତିଥି ଭାବରେ ରଞ୍ଜିତ ଯୁଗନିଆ , ନକୁଳ ଲୁହା ,

ଅବସର ପ୍ରାପ୍ତ ପ୍ରଧାନ ଶିକ୍ଷକ ସତ୍ୟ ସାହୁ ପ୍ରମୁଖ ଯୋଗଦେଇ ପରିବେଶ ସୁରକ୍ଷା ଉପରେ ମତବ୍ୟକ୍ତ କରିଥିଲେ । ପୂଜା ବେହେରା , ପୂର୍ଣ୍ଣିମା ସାହୁ , ଲିଲି ଗୌଡ଼ ପ୍ରମୁଖ ଯୋଗଦେଇ ପରିବେଶର ସୁରକ୍ଷା ନିମନ୍ତେ ସୂଚନା ପ୍ରଦାନ କରିଥିବାବେଳେ ଜ୍ୟୋସ୍ନା ବଗର୍ତ୍ତି , ଧରିତ୍ରୀ ଯୁଗନିଆ ପରିବେଶର ସୁରକ୍ଷା ନିମନ୍ତେ ସଙ୍ଗୀତ ଗାନ କରିବା ସହ ଚୁଟକୁଲା  ମାଧ୍ୟମରେ ଲୋକମାନଙ୍କୁ ସଚେତନର ବାର୍ତ୍ତା ଦେଇଥିଲେ । କାର୍ଯ୍ୟକ୍ରମ ପରିଚାଳନା ସରପଞ୍ଚ ପ୍ରତିନିଧି ନବକିଶୋର ହାତୀ କରିଥିଲେ ।