27-May-2024

ଟିକାବାଲି (ରମେଶ ପଣ୍ଡା ): କନ୍ଧମାଳ ଜିଲ୍ଲା ଚକାପାଦ ବ୍ଲକ ପସରା ଗ୍ରାମ ପଂଚାୟତର ଏକ ଦୁର୍ଗମ ଗାଁ ହେଉଛି ମତପଙ୍ଖାଳ ଗ୍ରାମ l ଏହି ଗାଁ କୁ ଯିବା ପାଇଁ ରାସ୍ତାର ଘୋର ଅସୁବିଧା ହେଉଛି l ଯେଉଁ ରାସ୍ତା ଅଛି ସେହି ରାସ୍ତାର ଅସୁବିଧା କହିଲେ ନ ସରେ l ପଥରରେ ପରିପୂର୍ଣ ଖାଲଢିପ ରାସ୍ତାରେ ଯାତାୟାତ ପାଇଁ ଅନେକ ଅସୁବିଧା ରେ ସମ୍ମୁଖୀନ ହେଉଛନ୍ତି ଉକ୍ତ ଗ୍ରାମର ଅଧିବାସୀ l ସ୍କୁଲ କଲେଜ ଛାତ୍ରଛାତ୍ରୀ କିମ୍ବା ବଜାର ଯିବା ଆସିବା ଲୋକ ବହୁଥର ଝୁଣ୍ଟି ହୋଇ ଖଣ୍ଡିଆ ଖାବରl ହୋଇଥିବାର ଜଣାଯାଇଅଛି l ଅସୁବିଧା ସମୟରେ ହଠାତ୍ ଗାଡି ଆସି ପାରୁନାହିଁ କିମ୍ବା ପେସେଣ୍ଟ ମାନଙ୍କୁ ମେଡିକାଲ ନେଇହେଉ ନାହିଁ l ପୂର୍ବରୁ ବହୁଥର ରାସ୍ତାକୁ କଂକ୍ରିଟି କରାଯିବା ପାଇଁ ସରକାରଙ୍କ ଦୃଷ୍ଟିଆକର୍ଷଣ କରିଥିଲେ ସୁଦ୍ଧା ଏଥି ପ୍ରତି ପ୍ରଶାସନ କର୍ଣ୍ଣପାତ କରି ନ ଥିବା ଜଣାପଡିଛି l ବାଦେମାହା ଛକ ରୁ ମତ ପଙ୍ଖାଳ ପୁଡା ସାହି ପର୍ଯ୍ୟନ୍ତ ଲମ୍ବିଥିବା ରାସ୍ତାକୁ କଂକ୍ରିଟି କରାଯିବା ଦାବିରେ କନ୍ଧମାଳ ପ୍ରଗତି ମିଳିତ ମହାସଂଘ ଏବଂ ଓ ଆର ଡି ଏ ସ୍ବେଛାସେବୀ ଅନୁଷ୍ଠାନ ସହଯୋଗରେ ଉକ୍ତ ଗାଁ ରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ରାମଚନ୍ଦ୍ର କହଁର, ସପ୍ତେଶ୍ୱର ମଳିକ, ଜଗନ୍ନାଥ ମଳିକ, ବୀରେନ୍ଦ୍ର ପ୍ରଧାନ ଓ ମହାସଂଘ ର ସଭାପତି ଶ୍ରୀ କ୍ରିଷ୍ଣା ଚନ୍ଦ୍ର ଦିଗାଲ ପ୍ରମୁଖ ଉକ୍ତ ବୈଠକରେ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ l