25-May-2024

ବିନିକା(ହିମାଂଶୁ ଶେଖର ପୁଟେଲ)ବୀରମହାରାଜପୁର ବିଧାନସଭା ନିର୍ବାଚନ ମଣ୍ଡଳୀରେ ଗତ ୨୦ତାରିଖ ଦିନ ମତଦାନ ହୋଇଥିଲା ।ଇଭିଏମ ଅଚଳ,କା ଭା ବାକ ବିତଣ୍ଡା କୁ ଛାଡ଼ିଦେଲେ ଏଠାରେ ଭୋଟଦାନ ଶାନ୍ତି ଶୃଙ୍ଖଳା ସହ ସମ୍ପନ୍ନ ହୋଇଛି।ଏବେ କର୍ମୀଙ୍କ ଠାରୁ ଆରମ୍ଭ କରି ରାଜନେତାଙ୍କ ପର୍ଯ୍ୟନ୍ତ ସଭିଁଏ ଅଙ୍କ କଷିବାରେ ଲାଗିଛନ୍ତି ।କେତେ ଭୋଟରେ ପ୍ରତିଦ୍ବନ୍ଦୀ ମାତ ଖାଇବେ ସେନେଇ ଏବେ ସବୁ ପ୍ରାର୍ଥୀ ହିସାବ କିତାବ କରୁଛନ୍ତି ।କେତେକ ବୁଥ ରେ ମତଦାନ କୁ ନେଇ ଦ୍ଵନ୍ଦ ଓ ଆଶଙ୍କା ମଧ୍ୟ ସୃଷ୍ଟି ହୋଇଛି।କେଉଁ ଦଳର ପ୍ରାର୍ଥୀଙ୍କୁ କେଉଁଠୁ କେତେ ଭୋଟ ମିଳିବ, କେତେ ଭୋଟରେ ପ୍ରାର୍ଥୀ ବିଜୟୀ ହେବେ,ବିରୋଧୀଙ୍କ ଭିତରେ କିଏ ପ୍ରଥମ ହେବ,ସ୍ଵାଧୀନ ପ୍ରାର୍ଥୀଙ୍କ ସ୍ଥାନ କେଉଁ ନମ୍ବର ରେ ରହିବ,ଏପରି ନାନା ପ୍ରଶ୍ନ ଏବେ ସାଧାରଣ ଲୋକଙ୍କ ଭିତରେ ଜୋରଦାର ଆଲୋଚନା ହେଉଛି । ଚା ଖଟି ଠାରୁ ଆରମ୍ଭ କରି ପାନ ଦୋକାନ,କ୍ଲବ ଘର,ବିଭିନ୍ନ ଛକ ଏପରିକି ବିଭିନ୍ନ ସ୍ଥାନରେ ଲୋକ ଜମାଟ ବାନ୍ଧିଲେ ଚଳିତ ସାଧାରଣ ନିର୍ବାଚନର ଫଳାଫଳକୁ ନେଇ ଚର୍ଚ୍ଚା କରୁଥିବା ଦେଖିବାକୁ ମିଳୁଛି।ଚର୍ଚା ଏପରି ହେଉଛି ଯେ ନିଜ ନିଜ ଜିତିବା ନେଇ ଯୁକ୍ତିତର୍କ ହେଉଥିବା ଜଣାପଡିଛି ।ବିଜେଡ଼ି କର୍ମୀ ଦାବୀ କରୁଛନ୍ତି ଆମ ନେତା ପଦ୍ମନାଭ ବେହେରା ନିଶ୍ଚୟ ବିଜୟୀ ହେବେ ଏବଂ ଚତୁର୍ଥ ଇନିଙ୍ଗସ ଆରମ୍ଭ କରିବେ ।ବିଜେପି ସମର୍ଥକ କର୍ମୀ ମାନେ ମୋଦି ଲହର ସାରା ଓଡ଼ିଶାରେ ବୋହିଛି ।ଯେଉଁ ଆଡେ ପଚାରିବ ଭୋଟର ପଦ୍ମ ଫୁଲକୁ ଭୋଟ ଦେଇଥିବା କହୁଛନ୍ତି।ତେଣୁ ଏଥର ଆମ ପ୍ରାର୍ଥୀ ରଘୁନାଥ ଜଗଦଲାଙ୍କ ବିଜୟ ସୁନିଶ୍ଚିତ ବୋଲି ଦାବି କରୁଛନ୍ତି ।ଅନ୍ୟ ପକ୍ଷରେ ମାଟିର ଛୁଆ ପ୍ରଦୀପ ସେଠୀ କଂଗ୍ରେସ ଦଳରୁ ପ୍ରଥମ କରି ନିର୍ବାଚନ ମୈଇଦାନରେ ଥିବାରୁ ତାଙ୍କ ପ୍ରତି ଲୋକଙ୍କ ସହାନୁଭୂତି ଭୋଟ ପଡ଼ିଛି ।ତେଣୁ ଉଭୟ ବିଜେଡ଼ି/ବିଜେପି ପ୍ରାର୍ଥୀଙ୍କ ବିଜୟରେ କଂଗ୍ରେସ ପ୍ରାର୍ଥୀ କଣ୍ଟା ସାଜିବେ ଏବଂ ରାଜନୀତି ଅଭିଜ୍ଞତା କ୍ଷେତ୍ରରେ ଚକମା ଦେଖାଇ ପାରନ୍ତେ ବୋଲି ତାଙ୍କ କର୍ମୀ ମହଲରେ ଆଲୋଚନା ପର୍ଯ୍ୟାଲୋଚନା ହେଉଛି ।ସେ ଯାହା ବିହେଉ ଏଥର କମ ବ୍ୟବଧାନରେ ହେଲେ ମଧ୍ୟ ବିଜେଡ଼ି ଦଳର ବିଜୟ ହେବ ବୋଲି କର୍ମୀ ଆଶା ବାନ୍ଧିଛନ୍ତି ।ତେବେ ଆସନ୍ତା ଜୁନ ୪ତାରିଖରେ ନିର୍ବାଚନ ଫଳାଫଳ ଘୋଷଣା ହେବା ପରେ ଚାଲିଥିବା ସବୁ ଅଙ୍କ ସ୍ୱଷ୍ଟ ହେବ ।