20-May-2024

ନୂଆପଡ଼ା -ରାମନାଥ ପଣ୍ଡା ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଖୀରମାଲ ଗ୍ରାମର ଚୈତନ୍ୟ ଶବର ସି ଆର୍ ପି ଏଫ୍ ରେ କାର୍ଯ୍ୟ କରୁଥିଲେ ।ଗତକାଲି ସେ ନୂଆପଡ଼ା ଅଭିମୁଖେ ଯାଉଥିବା ସମୟରେ ତାଙ୍କୁ କୋଇଲା ବୋଝେଇ ଟ୍ରକ ଧକ୍କା ଦେଇଥିଲା ,ତାଙ୍କର ଦୁଇଟି ଗୋଡ଼ ଭାଙ୍ଗିବା ସହିତ ସମ୍ପୂର୍ଣ୍ଣ ଶରୀର ଆଘାତ ହୋଇଥିବା ଜଣାଯାଇଛି । ସ୍ଥାନୀୟ ଲୋକଙ୍କ ସହଯୋଗରେ ଅଗ୍ନିଶମ ବିଭାଗ ତାଙ୍କୁ ଘଟଣା ସ୍ଥଳରୁ ଡାକ୍ତରଖାନାକୁ ନେବାପରେ ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା ।ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।ଅନ୍ୟମାନଙ୍କୁ ତଥା ସମାଜକୁ ସୁରକ୍ଷା ପ୍ରଦାନ କରୁଥିବା ଜଣେ ଯବାନ କମ୍ ବୟସରେ ମୃତ୍ୟୁ ମୁଖରେ ପଡ଼ିବା ସମସ୍ତଙ୍କୁ ଦୁଃଖ ଦେଇଗଲା ।ତାଙ୍କ ପରିବାର ଓ ଅଞ୍ଚଳବାସୀଙ୍କ ପାଇଁ ଏହା ଏକ ଦୁଃଖଦ କାହାଣୀ  ହେବା ସହିତ ବୋଡ଼େନ ଅଞ୍ଚଳରେ ଶୋକର ଛାୟା ଖେଳିଯାଇଛି ।ଅଞ୍ଚଳର ସମସ୍ତେ ତାଙ୍କ ଅମର ଆତ୍ମାର ସଦଗତି କାମନା କରିଛନ୍ତି ।