17-May-2024

ସୋନପୁର (ମନୋରଞ୍ଜନ ତ୍ରିପାଠୀ ) ସୋନପୁର ବିଧାନସଭା ନିର୍ବାଚନୀ ମଣ୍ଡଳୀର ବିଜେପି ଦଳ ସଂକଳ୍ପପତ୍ର ସ୍ଥାନୀୟ ବିଜେପି କାର୍ଯ୍ୟଳୟରେ ଉନ୍ମୋଚିତ ହୋଇଛି। ଏହାକୁ ବିଜେପି ଦଳ ସୋନପୁରରେ କ୍ଷମତାକୁ ଆସିଲା ପରେ ବିଜେପି ଗ୍ୟାରେଣ୍ଟି ଭାବରେ ଅକ୍ଷରେ ଅକ୍ଷରେ ପାଳନ କରିବାକୁ ବିଜେପି ଦଳ ସୁନିଶ୍ଚିତ କରିଛି। ଖୋର୍ଦ୍ଧା -ରେଳ ପଥର ରେଳ ସୋନପୁରରୁ ରେଳ ଗଡିଛି। ଏହା ମୋଦି ସରକାର ବଡ ସଫଳତା ବୋଲି ବିଜେପି ପ୍ରାର୍ଥୀ ପ୍ରମୋଦ ମହାପାତ୍ର କହିଥିଲେ।ସୋନପୁର ଅର୍ଥନୈତିକ ବିକାଶ ପାଇଁ ପୁରାତନ ସୂତାକଳକୁ ସରକାରୀ ସ୍ତରରେ ପୁନଃରୁଦ୍ଧାର କରାଯିବ,ସୋନପୁରରେ ନୂତନ ମେଡ଼ିକାର  କଲେଜ ସହ ସମସ୍ତ ଡାକୁରଖାନାର ଡାକ୍ତର ପଦପଦବୀ ପୂରଣ ବ୍ୟବସ୍ଥା, ସୋନପୁର ମହାବିଦ୍ୟାଳୟର ସରକାରୀ ମାନ୍ୟତା ସହିତ ସମସ୍ତ ସ୍କୁଲ ଏବଂ କଲେଜମାନଙ୍କ ଖାଲିଥିବା ଶିକ୍ଷକ, ଅଧ୍ୟାପକ ପଦବୀ ପୂରଣ, ପ୍ରଧାନମନ୍ତ୍ରୀ ସୂର୍ଯ୍ୟଘର ଯୋଜନାରେ ସମସ୍ତ ପରିବାରକୁ ମାଗଣା ବିଜୁଳି ଯୋଜନା, ବାର୍ଦ୍ଧିକ୍ୟ, ବିଧବା ଓ ଦିବ୍ୟାଙ୍ଗଭତ୍ତା ତିନି ହଜାର ଓ ୮୦%ରୁ ଅଧିକା ଦିବ୍ୟାଙ୍ଗଭତ୍ତା ୩ହଜାର ୫ଶହ ଟଙ୍କା  , ଧାନ କ୍ଵିଣ୍ଟାଲ ୩୧ ଶହ ଟଙ୍କା ମଣ୍ଡି ବ୍ୟବସ୍ଥାର ଉନ୍ନତି କରଣ କରି କଟନି ଛଟନି ବନ୍ଦ , ଶୀତଳ ଭଣ୍ଡାର ସ୍ଥାପନ ବ୍ୟବସ୍ଥା, ନୂତନ ଟେକ୍ସଟାଇଲ ମିଲର ପ୍ରତିଷ୍ଠା, ମତ୍ସ୍ୟ ବିଜ୍ଞାନ ମହାବିଦ୍ୟାଳୟ ଓ ଆୟୁବୈଦିକ କମ୍ପାନୀ ଖୋଲାଯିବା, ମହାନଦୀ, ତେଳ ନଦୀ, ଓ ନିବୃତ୍ତି ଯୋର ଖଣ୍ଡିରେ ସୁଦୃଢ ବନ୍ୟା ନିୟନ୍ତ୍ରଣ ଆଡିବନ୍ଧ ନିର୍ମାଣ ଓ ଶୀଘ୍ର ସଂପୂର୍ଣ୍ଣ କରାଯିବ,ଅଙ୍ଗ ଜଳସେଚନ ପ୍ରକଳ୍ପକୁ ସଂପୂର୍ଣ୍ଣକରଣ, ହୀରାକୁଦ କେନାଲ ପାଣି ମାଡିବାକୁ ଥିବା ସମସ୍ତ ଜମିକୁ ସଠିକ ଜଳ ସେଚନ ବ୍ୟବସ୍ଥା, ସମ୍ବଲପୁରୀ ବସ୍ତ୍ର କିଣାବିକା ପାଇଁ ଏକ ସାପ୍ତାହିକ ବଜାର ବ୍ୟବସ୍ଥା, ସମ୍ବଲପୁରରୁ ବ୍ରହ୍ମପୁର ରେଳପଥ ଭାୟା ସୋନପୁର ଦେଇ ଯିବା ପାଇଁ ପ୍ରଚେଷ୍ଟା କରାଯିବ, ଯୁବଶକ୍ତି ଉପଯୋଗ ପାଇଁ ଜିଲ୍ଲା କ୍ରୀଡା ଛାତ୍ରବାସ ସହ କ୍ରୀଡା ହବ କରାଯିବ ବୋଲି ସୋନପୁର ବିଧାନସଭା ବିଜେପିର ସଂଙ୍କଳପତ୍ର ରହିଥିବାର ବିଜେପି ପ୍ରାର୍ଥୀ ପ୍ରମୋଦ ମହାପାତ୍ର କହିଥିଲେ। ସୋନପୁରରେ ଶାସିତ ଦଳ ୧୫ ବର୍ଷ ହେଲା ଶାସନ ପରେ ଏହି ଅଞ୍ଚଳରେ ବହୁ ନଦୀ ଥିଲେ ମଧ୍ୟ ଜଳ ଉତ୍ସ ସଠିକ ପରିଚାଳନା ହେଲା ନାହିଁ,ବିସ୍ତିର୍ଣ୍ଣ ଜମି ଓ ଜଳରାଶି ଥିବା ସତ୍ତ୍ଵେ ନୂତନ ଶିଳ୍ପ ପ୍ରତିଷ୍ଠା ହୋଇପାରି ନାହିଁ, ଯୁବ ଗୋଷ୍ଠୀଙ୍କ ପାଇଁ ଉଚ୍ଚ ଶିକ୍ଷା ଓ ରୋଜଗାରର ପନ୍ଥା ଯୋଗାଇ ପାରିଲେ ନାହିଁ, ସୋନପୁରରେ ନୂତନ ବସଷ୍ଟାଣ୍ତ ହୋଇ ପାରିଲା ନାହିଁ, ଓ ତେଳ ନଦୀ ରୁ ମହାନଦୀ ରିଙ୍ଗ ରୋଡର କାର୍ଯ୍ୟ ସମ୍ପୂର୍ଣ୍ଣ ହୋଇପାରି ନାହିଁ, ପର୍ଯ୍ୟଟନ କ୍ଷେତ୍ରର ଭରପୂର ଭିତ୍ତିଭୂମି ଥିଲେ ସୁଦ୍ଧା ହେରିଟେଜ ଜିଲ୍ଲା ମାନ୍ୟତା ଦେଇ ପାରିଲେ ନାହିଁ ବୋଲି ଶାସକ ଦଳର ସୋନପୁର ବିଧାୟକ  ପ୍ରାର୍ଥୀ ନିରଞ୍ଜନ ପୂଜାରୀ କୁ ଖୋଲା ପ୍ରଶ୍ନ  ସେ କରିଥିଲେ।ଏହି କାର୍ଯ୍ୟକ୍ରମରେ ଛତିଶଗଡ ବିଜେପି ର କ୍ୟାବିନେଟ୍ ପାହ୍ୟା ନେତା ଜୟ ପ୍ରକାଶ ଶର୍ମା ,ଜିଲ୍ଲା ମିଡ଼ିଆ ସେଲର ଅଧ୍ୟକ୍ଷ ନିରଞ୍ଜନ ତ୍ରିପାଠୀ, ପୂର୍ବତନ ଜିଲ୍ଲା ପରିଷଦ ସଭ୍ୟ ରାଜିନ୍ ବିଶି ପ୍ରମୁଖ ଉପସ୍ଥିତ ଥିଲେ।