17-May-2024

ସିନ୍ଧେକେଲା(ଦୀନେଶ ଜୈନ):ସିନ୍ଧେକେଲା ସରପଞ୍ଚ ନରେଶ ଅଗ୍ରୱାଲ ଙ୍କ ନେତୃତ୍ବରେ ବିଜେଡିର ଏକ ବାଇକ ରେଲି ସ୍ଥାନୀୟ ଦ୍ୱାରସେହ୍ନି ମନ୍ଦିରରୁ ବାହାରି ଗ୍ରାମର ସମସ୍ତ ପଡ଼ା ଗୁଡିକୁ ପରିକ୍ରମା କରି ମୁଖ୍ୟ ସଡ଼କ ଦେଇ ଲଙ୍କ ବଗିଚା ପହଞ୍ଚିଥିଲା । ସେଠାରେ ସରପଞ୍ଚ ଶ୍ରୀ ଅଗ୍ରୱାଲ ଙ୍କ ଅଧ୍ୟକ୍ଷତାରେ ଏକ ନିର୍ବାଚନୀ ସଭାର ଆୟୋଜନ କରାଯାଇଥିଲା । ଅତିଥି ଭାବରେ ବିଜେଡି ଜିଲ୍ଲା ଉପ ସଭାପତି ଉମାକାନ୍ତ ସାହୁ , ବିଜେଡି ରାଜ୍ୟ ସାଧାରଣ ସମ୍ପାଦକ ସୁବାଷ ଜୈନ ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ ନାଏକ , ରାଜେନ୍ଦ୍ର ସାହୁ , ଲଳିତ ସାହୁ , ପ୍ରମୁଖ ଯୋଗଦେଇ ଆମ ନିର୍ବାଚନ ମଣ୍ଡଳୀ ପ୍ରାର୍ଥୀ ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଥିବାରୁ ତାଙ୍କୁ ଲକ୍ଷ୍ୟାଧିକ ଭୋଟ ରେ ବିଜୟୀ କରିବା ପାଇଁ ଆହ୍ୱାନ ଦେଇଥିଲେ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଦିଲୀପ ପାଣ୍ଡିଆ , ଘୁଟୁ ପାଣ୍ଡିଆ , ପ୍ରବେଶ ଜୈନ , ନୂତନ ସାହୁ , ନିରଞ୍ଜନ ସାହୁ , ସଞ୍ଜୟ ବାଗ ପ୍ରମୂଖଙ୍କ ସହ ଶତାଧିକ କର୍ମୀ ସହ ଜନ ସାଧାରଣ ସାମିଲ ହୋଇଥିଲେ ।