01-May-2024

ବଲାଙ୍ଗୀର, (ପ୍ରେରଣା ଖବର) ଆଜି ଭାଜପା ବିଧାନସଭା ପ୍ରାର୍ଥୀ ଶ୍ରୀ ଗୋପାଳଜୀ ପାଣିଗ୍ରାହୀ ବଲାଙ୍ଗୀର ବ୍ଲକର ବିଭିନ୍ନ ଗ୍ରାମ ଖୁଜେନପାଲି, ବରକାନୀ,ବିଡିଘାଟ,ବୈଦିପାଲି,ଶିବତଲା, ପଥରଚେପା ପ୍ରଭୃତି ଗ୍ରାମକୁ ଯାଇ ଲୋକଙ୍କୁ ବୁଝାଇ ଭାଜପା ସପକ୍ଷରେ ଭୋଟ ଦେବାକୁ ଅନୁରୋଧ କରିଥିଲେ।

ବରକାନୀ,ବିଡିଘାଟ ଗ୍ରାମରେ ଭାଜପା ଓ ନରେନ୍ଦ୍ର ମୋଦୀଙ୍କ ଆଦର୍ଶ ରେ ଅନୁପ୍ରାଣିତ ହୋଇ ଶତାଧିକ ବ୍ୟକ୍ତି କଂଗ୍ରେସ ଓ ବିଜେଡି ଛାଡି   ଗୋପାଲଜୀଙ୍କୁ ସମର୍ଥନ କରି ବିଜେପିରେ ଯୋଗଦାନ କରିଥିଲେ।

ଆଜି ଗୋପାଳଜୀ ଙ୍କ ସହ ଗିରିଶ ସିଂହଦେଓ, ମୁନା ପଟନାୟକ  ଓ ଅନେକ ଭାଜପା କର୍ମୀ ଏହି ପ୍ରଚାର ସମୟରେଉପସ୍ଥିତ ଥିଲେ l ଗୋପାଳଜୀ ପାଣିଗ୍ରାହୀ ପ୍ରକାଶ କରିଛନ୍ତି ଯେ କେନ୍ଦ୍ରରେ  ମୋଦୀ ସରକାର ଥିବା ପର୍ଯ୍ୟନ୍ତ ଗରୀବ ଲୋକଙ୍କ କୌଣସି ଜନକଲ୍ୟାଣକାରୀ ଯୋଜନା  ବନ୍ଦ ହେବ ନାହିଁ। ନବୀନ ସରକାର  ସବୁବେଳେ ନିଜେ ଚାଉଳ ଦେଉଛି କହି ଠକୁଥିଲେ ସାଧାରଣ ଜନତାକୁ। ଏବେ ମୋଦୀଜୀ ଯେତେବେଳେ କୋରୋନା କଷ୍ଟରୁ ଲୋକଙ୍କୁ ମୁକୁଳାଇବାକୁ କହି  ମାଗଣା ରାସନ ବ୍ୟବସ୍ଥା କଲେ, ସେତେବେଳେ ଧରାପଡିଲା ନବୀନ ସରକାର ଙ୍କ ମିଛ। ଏପରି ମିଛୁଆ ସରକାର ବଦଳିବାର ଦରକାର। ବଲାଙ୍ଗୀର ରେ ଆଜି ପର୍ଯ୍ୟନ୍ତ ଯେତିକି ଲୋକ ପ୍ରତିନିଧି ନିର୍ବାଚନ ଲଢିଛନ୍ତି ,ସେମାନେ କେହି ବି  ବଲାଙ୍ଗୀର ର ସମସ୍ୟାର  ସମାଧାନ ପାଇଁ ମାର୍ଗ ଖୋଜିନାହାନ୍ତି। ଜନ ସମସ୍ୟାକୁ ଜନ ଆନ୍ଦୋଳନ ପର୍ଯ୍ଯାୟକୁ ନେବାର ଉଦ୍ୟମ  କରିନାହାନ୍ତି। ଏପରିକି ସମସ୍ୟାର  ଆଲୋଚନା ପାଇଁ ଆଗେଇ ଆସି ନାହାନ୍ତି। ବରଂ ସବୁବେଳେ ପଛ ଘୁଞ୍ଚାଇ ଆସିଛନ୍ତି। ସେଥିପାଇଁ ବଲାଙ୍ଗୀର ଆଜି ସମସ୍ୟା ବହୁଳ ହୋଇ ପଡିରହିଛି l ଏପରି ମାଟି ପ୍ରତି ମମତା ନ ଥିବା ପ୍ରାର୍ଥୀମାନଙ୍କୁ  ଭୋଟବେଳେ ଲୋକେ  ଚିହ୍ନନ୍ତୁ ଓ ସେମାନଙ୍କୁ ପ୍ରତ୍ୟାଖ୍ୟାନ କରନ୍ତୁ ବୋଲି ଆହ୍ବାନ ଦେଇଛନ୍ତି ଭାଜପା ବିଧାନସଭା ପ୍ରାର୍ଥୀ  ଗୋପାଳଜୀ  ପାଣିଗ୍ରାହୀ l