01-May-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ)"ରଖେ ହରି ତ ମାରେ କିଏ ,ମାରେ ହରି ତ ରଖେ କିଏ ଏହି ଉକ୍ତି ସମ୍ପୂର୍ଣ୍ଣ ସତ୍ୟ। ଦୀର୍ଘ ୨ ମାସ ରୁ ଉର୍ଦ୍ଧ୍ବ ଧରି ମେଡିକାଲ ରେ ମୃତ୍ୟୁ ସହ ସଂଗ୍ରାମ କରି ଆଜି ଶାଶୂ ଓ ବୋହୁ ବିଜୟୀ ହୋଇ ଘରକୁ ଫେରିଲେ। ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ବ୍ଲକ କାନୁଟ ଗାଁ ଉପର ପଡ଼ା ରେ ୧୦.୨.୨୪ ଶନିବାର ଦିନ ଘଟିଥିଲା ଏକ ଚାଞ୍ଚଲ୍ୟକର ଘଟଣା।ଗ୍ୟାସ୍ ସିଲିଣ୍ଡର୍ ବିସ୍ଫୋରଣରେ ଛାରଖାର ହୋଇଥିଲା ପୁରା ପରିବାର ଆହତ ହୋଇଥିଲେ ୬ ଜଣ । ସେହି ଛ ଜଣ ଆସତଙ୍କ ମଧ୍ୟରେ  ଭାନୁମତୀ ଅତାବରିଆ, ମହେଶ୍ୱର ଅତାବରିଆ, ଭୈରବୀ ଅତାବରିଆ, ମାଲତୀ ମହାଖୁଡ ଙ୍କ ଗୋଟିଏ ପରେ ଗୋଟିଏ ମୃତ୍ୟୁ ସହ ସଂଗ୍ରାମ କରି ହାରିଯାଇଥିଲେ। ମାଁ ର ମୃତ୍ୟୁ ବେଦନା ସହିନପାରି ମାଳତୀ ର ୧୬ ବର୍ଷୀୟ ପୁଅ ଦ୍ରୋଣ ମହାଖୁଡ ମଧ୍ୟ ଆତ୍ମହତ୍ୟା କରି ସବୁଦିନ ପାଇଁ ଆଖି ବୁଜି ଦେଇଛନ୍ତି। ହେଲେ ଭାଗ୍ୟର ଚକ୍ରରେ ରାଉଲକେଲା ଜୟପ୍ରକାଶ ମେଡିକାଲ ରେ ମୃତ୍ୟୁ ସହ ସଂଗ୍ରାମ କରି ଦୁଇ ମାସ ରୁ ଉର୍ଦ୍ଧ୍ବ ଦିନ ପରେ ବିଜୟୀ ହୋଇ ଘରକୁ ଫେରିଲେ ଶାଶୁ ଦୂତି ଅତାବରିଆ (୬୯) ଓ ବୋହୁ ଭାଗ୍ୟବତୀ ଜାଲ (୩୧) । ସେମାନଙ୍କୁ ଯତ୍ନ ନେବାରେ ତାଙ୍କ ତିନି ପୁଅ ବ୍ୟସ୍ତ ଥିବା ବେଳେ ଦୁଃଖ ଯନ୍ତ୍ରଣା ଭୋଗୋଛି ଭାଗ୍ୟବତୀ ର ଜନ୍ମ କରିଥିବା ୭ ବର୍ଷ ର ଶିଶୁ। ନିର୍ବାଚନ ଆଚରଣବିଧି ଲାଗି ରହିଥିବାରୁ ସେମାନଙ୍କୁ କୌଣସି ସରକାରୀ ସୁବିଧା ମିଳୁନଥିବାରୁ ବହୁ ଦୁଃଖ ରେ ରହୁଛନ୍ତି। ମାନବିକତା ର ପରିଚୟ ଦେଖାଇ କାନୁଟ ଯୁବ  ସରପଞ୍ଚ ଅଶୋକ କୁମାର ମହାପାତ୍ର ଆରମ୍ଭ ରୁ ଶେଷ ପର୍ଯ୍ୟନ୍ତ ସହଯୋଗ କରିଚାଲିଛନ୍ତି। ମୃତକଙ୍କ ପରିବାର ପାଇଁ ସବୁବେଳେ ସେ ଛିଡା ହୋଇ ଅଞ୍ଚଳରେ ପ୍ରଶଂସା ର ପାତ୍ର ହୋଇଛନ୍ତି। ବର୍ତ୍ତମାନ ସେହି ପରିବାର ର ପରିସ୍ଥିତିକୁ ଦେଖି ସରକାରୀ ସୁବିଧା ଯଥାଶୀଘ୍ର ପ୍ରଦାନ କରାଯାଉ ବୋଲି ସରପଞ୍ଚ ଙ୍କ ସହ ଅଞ୍ଚଳବାସୀ ଦାବି କରୁଛନ୍ତି।