25-Dec-2020

ବଲାଙ୍ଗୀର/ଟିଟିଲାଗଡ,(ପ୍ରେରଣା ଖବର) - ଟିଟିଲାଗଡ ସହର ର ୱାର୍ଡ ନଂ-୧୪ ରେ ଜଣେ ଯୁବତୀ ଙ୍କୁ ତାଙ୍କ ପ୍ରୋଫାଇଲ ରେ ଫଟୋ ଛାଡିବା ନେଇ  ଗୁରୁତର ଆକ୍ରମଣ କରିବା ନେଇ ଟିଟିଲାଗଡ ଥାନା ରେ ଏତଲା ଦାୟର କରାଯାଇଛି। ସୂଚନା ଅନୁଯାୟୀ, ସକାଳ ପ୍ରାୟ ୧୧ ଟା ସମୟରେ ଉକ୍ତ ସାଇ ର ଦୁଇ ଜଣ ଯୁବକ ଯଥା, ବ୍ୟାସୁଦୀନ ଖାନ(ବ-୩୦)ମେହେରୁଦିନ ଖାନ(ବ-୨୮) ମିଶି ଉକ୍ତ ସାଇ ର ଝାକର ପଡା ଛକ ରେ କରିଥିବା ଏକ ଦୋକାନ କୁ ଆସି ମିଳିତ ଭାବେ ଆକ୍ରମଣ କରି ଗୁରୁତର କରିଦେଇଥିବା ବେଳେ ତାଙ୍କ ଦୋକାନ ର ସବୁ ଜିନିଷ ପତ୍ର ଭାଙ୍ଗି ଦେଇ ଫେରାର ହୋଇଯାଇଥିଲେ । ଏ ନେଇ ପୋଲିସ କୁ ଫୋନ ଯୋଗେ ସୂଚନା ଦିଆଯିବା ପରେ ତୁରନ୍ତ ଘଟଣା ସ୍ଥଳରେ ପୋଲିସ ପହଞ୍ଚି ଉକ୍ତ ଯୁବତୀ ଙ୍କୁ ଉଦ୍ଧାର କରିବା ସହ ଉକ୍ତ ଦ୍ୱୟ ଅଭିଯୁକ୍ତ ଙ୍କୁ ପୋଲିସ ଗିରଫ କରି ଅଟକ ରଖିଛି । ଏହି ଯୁବତୀ ସନ୍ତୋସିନୀ ଙ୍କୁ ଉକ୍ତ ଯୁବକ ଦ୍ବୟ ପୂର୍ବରୁ ଚାଟିଙ୍ଗ କରୁଥିଲେ । ଏହି ପ୍ରୋଫାଇଲ ଫଟୋ କୁ ନେଇ ତାଙ୍କର ବଚସା ସୃଷ୍ଟି ହୋଇଥିବା ଦୁଇ ଅଟକ ଅଭିଯୁକ୍ତ ପ୍ରକାଶ କରିଛନ୍ତି । ପୋଲିସ ଉକ୍ତ ଅଭିଯୋଗ କରି ସନ୍ତୋସିନୀ  ଙ୍କୁ ଚିକିତ୍ସା ପାଇଁ ଡାକ୍ତରଖାନା କୁ ପଠେଇ ଥିବା ଓ  ଅଧିକ ତଦନ୍ତ କରି ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପୋଲିସ ତରଫରୁ ସୂଚନା ମିଳିଛି।