21-Apr-2024

ବଲାଙ୍ଗୀର,ଆଜି ବଲାଙ୍ଗୀର ସହରରେ ବିଜେଡିଦଳର ଯୁବକାର୍ଯ୍ୟକର୍ତ୍ତାମାନେ ଏକ ବିଶାଳ ବାଇକରାଲି କରି ଦଳର ଶକ୍ତିପ୍ରଦର୍ଶନ କରିଛନ୍ତି । ଏଥିରେ ବଲାଙ୍ଗୀର ବିଧାୟକ ପ୍ରାର୍ଥି କଳିକେଶନାରାୟଣ ସିଂଦେଓ,ସାଂସଦ ପ୍ରାର୍ଥି ସୁରେନ୍ଦ୍ର ସିଂଭୋଇ,ଯୁବନେତା ଅର୍କେଶନାରାୟଣ ସିଂଦେଓ , ଜିଲ୍ଲା ଯୁବବିଜୁଜନତାଦଳର ସଭାପତି ରାଜେନ୍ଦ୍ର ହୋତା ଓ ଛାତ୍ର ବିଜେଡିର ଜିଲ୍ଲା ସଭାପତି ସୁମନ ନନ୍ଦଙ୍‌କ ନେତୃତ୍ୱରେ ପ୍ରାୟ ୨୦୦୦ରୁ ଅଧିକ ଯୁବକ ବାଇକରାଲି କରି ସହର ପରିକ୍ରମା କରିଥିଲେ । ସ୍ଥାନୀୟ କୋସଲଛକଠାରୁ ଏହି ଶୋଭାଯାତ୍ରା ବାହାରି ମହିଳାକଲେଜଛକ,ଭାଗିରଥି ଛକ,ବିକ୍ରମଛକ,ମସଜିଦଛକ,ସୁଦପଡାଛକ,ପାଟଣେଶ୍ୱରୀମନ୍ଦିର ଦେଇ ଜିଲ୍ଲାପାଳ କାର୍ଯ୍ୟାଳୟଛକ ଓ ପରେ କଲେଜଛକ,ଶାନ୍ତିପଡା,ଆରଟିଓଅଫିସଛକ,ନୂତନ ବସଟର୍ମିନାଲ,ତୁଳସୀନଗର,ରୁଗୁଡିପଡା,ପେଲେସଲାଇନ ଦେଇ ପୁଣି ଶୈଳଶ୍ରୀ ପ୍ୟାଲେସକୁ ପହଞ୍ଚିଥିଲା । ଦୀର୍ଘ ପ୍ରାୟ ୧୫କିମି ରାସ୍ତାର ଏହି ବାଇକରାଲି ସହରପରିକ୍ରମା କରି ବିଜେଡିଦଳ ତାର ଶକ୍ତି ପ୍ରଦର୍ଶନ କରିଛି । ଆଜିର ବାଇକ ରାଲି ଫଳରେ ମୁଖ୍ୟତଃ ଯୁବକାର୍ଯ୍ୟକର୍ତ୍ତା ବେଶି ପରିମାଣରେ ଉତ୍ସାହିତ ହୋଇଛନ୍ତି ବୋଲି କଳିକେଶ କହିଛନ୍ତି । ଗତ କିଛିଦିନ ହେଲା ଉଭୟ କଂଗ୍ରେସ ଓ ବିଜେଡି ମଧ୍ୟରେ ଶକ୍ତିପ୍ରଦର୍ଶନ କରି ନିଜର ଅସ୍ତିତ୍ୱ ଦେଖାଉଛନ୍ତି । ଚଳିତଥର ବିଜେଡି ସୁପ୍ରିମୋ ନବୀନ ପଟ୍ଟନାୟକ ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜି ଆସନରୁ ପ୍ରତିଦ୍ୱନ୍ଦିତା କରୁଥିବାରୁ ବିଜେଡି କାର୍ଯ୍ୟକର୍ତ୍ତା ଉତ୍ସାହିତ ଅଛନ୍ତି । ସେଥିପାଇଁ ଦଳୀୟ ପ୍ରଚାରକୁ ମଧ୍ୟ ଦ୍ୱିଗୁଣିତ କରାଯାଇଛି ।