21-Apr-2024

ବଲାଙ୍ଗୀର(ପ୍ରେରଣା ଖବର ): ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ସାଗରପାଲି ଛକରେ ବିଜେଡି ଦଳର କାର୍ଯ୍ୟାଳୟ ଉଦଘାଟନ ସହ କଲୋନୀପଡା ନିକଟରେ ଏକ ବିଶାଳ କର୍ମିସମ୍ମିଳନୀ ଅନୁଷ୍ଠିତ ହୋଇଯାଇଛି । ବିଜେଡି ରାଜ୍ୟ ସମ୍ପାଦକ ଲକ୍ଷ୍ମଣ କୁମାର ମେହେରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ବିଧାୟକ ପ୍ରାର୍ଥୀ କଳିକେଶନାରାୟଣ ସିଂଦେଓ ଓ ସାଂସଦ ପ୍ରାର୍ଥୀ ସୁରେନ୍ଦ୍ର ସିଂଭୋଇ ଯୋଗଦେଇ ପ୍ରଥମେ କୁତୁର୍ଲା

ପଞ୍ଚାୟତର ସାରସବାହାଲ ,କୁତୁର୍ଲା ଓ ମୁରସିଂ ଗାଁ ସଭା ରେ ଯୋଗଦେଇ ରାଜ୍ୟ ସରକାରଙ୍କ ଜନହୀତକର ଯୋଜନା ସମ୍ପର୍କରେ ଅବଗତ କରି ଭୋଟଭିକ୍ଷା କରିଥିଲେ । ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀରୁ  ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ପ୍ରାର୍ଥୀ ହୋଇଥିବାରୁ ଏହି ଜିଲ୍ଲାର ସାମଗ୍ରୀକ ବିକାଶ ଉପରେ ବିରାଟ ପରିବର୍ତ୍ତନ ହେବ ବୋଲି ପ୍ରାର୍ଥିମାନେ ଅବଗତ କରିଥିଲେ । ପରେ ସାଗରପାଲି ଛକଠାରେ ବିଜେଡିଦଳର ଅସ୍ଥାୟୀ କାର୍ଯ୍ୟାଳୟକୁ ଉଦ୍‌ଘାଟନ କରିବାପରେ ସ୍ଥାନୀୟ କଲୋନୀପଡା ଠାରେ କର୍ମି ସମ୍ମିଳନୀ ଅନୁଷ୍ଠିତ ହୋଇଥିଲା । ସମ୍ମିଳନୀରେ ବିଧାୟକ ପ୍ରାର୍ଥୀ ସିଂ ଦେଓ , ସାଂସଦ ପ୍ରାର୍ଥୀ ସିଂ ଭୋଇ ସମେତ ପୂର୍ବତନ ରାଜ୍ୟସଭା ସାଂସଦ ଅନଙ୍ଗ ଉଦୟ ସିଂଦେଓ, ଯୁବନେତା ଅର୍କେଶ ନାରାୟଣ ସିଂଦେଓ, ମନ୍ମଥ ବିଜୟ ସିଂଦେଓ, ଜିଲ୍ଲାପରିଷଦ ଅଧ୍ୟକ୍ଷା ଦେବକୀ ସାହୁ, ବ୍ଲକ ଅଧ୍ୟକ୍ଷ ଦୟାନିଧି ଖମାରୀ,ପୂର୍ବତନ ବ୍ଲକଅଧ୍ୟକ୍ଷା ରୀନା ମେହେର, ବ୍ଲକ ବିଜେଡି ସଭାପତି ଶୁଶିଳକୁମାର ଚାନ୍ଦ, ଜିଲ୍ଲା ସମ୍ପାଦକ ଉମା ଶଙ୍କର ସିଂ, ଜିଲ୍ଲା ପରିଷଦ ସଭ୍ୟା ସୁମତି ସେଠ, ମମତା କୁମୁରା, ଦେଓଗାଁ ସରପଞ୍ଚ ନୀନା ଛତ୍ରିଆ ପ୍ରମୁଖ ମଞ୍ଚାସୀନ ରହି ନବୀନ ସରକାର ୬ଷ୍ଠଥର କ୍ଷମତାକୁ ଆସିଲେ ବିକାଶ ଧାରା ଦ୍ୱୀଗୁଣିତ ହେବା ସୁନିଶ୍ଚିତ ବୋଲି ଦୃଢ଼ୋକ୍ତି ପ୍ରକାଶ କରିଥିଲେ । ବଲାଙ୍ଗିର ଜିଲ୍ଲାର ସର୍ବାଙ୍ଗିନ ବିକାଶ ପାଇଁ ଉଭୟ ବିଧାୟକ ଓ ଏମପି ଦୁଇଟି ଭୋଟ ବିଜେଡି ସପକ୍ଷରେ ଦେବାପାଇଁ ଆହ୍ୱାନ କରିବାସହ ସମସ୍ତ କର୍ମକର୍ତ୍ତା ସକ୍ରୀୟ ଭାବେ ଗ୍ରାମାଞ୍ଚଳରେ ଲୋକଙ୍କୁ ସରକାରଙ୍କ ଜନହୀତକର ଯୋଜନା ବିଷୟରେ ଅବଗତ କରି ଆଗକୁ ବିକାଶ ଧାରା ନିରନ୍ତର ଭାବେ ଜାରୀ ରହିବାପାଇଁ ବିଜେଡି ସପକ୍ଷରେ ରହିବାଦିଗରେ କାମକରିବାପାଇଁ  ଆହ୍ୱାନ କରିଥିଲେ ।ଏ ଅବସରରେ ସାଂସଦ ପ୍ରାର୍ଥୀ ସିଂ ଭୋଇ ଯୋଗଦେଇ ନବୀନ ପଟ୍ଟନାୟକ ଙ୍କ ଆଦର୍ଶତାରେ ଅନୁପ୍ରାଣିତ ହୋଇ ଅଞ୍ଚଳର ବିକାଶ ପାଇଁ ସେ ଆଗେଇଆସିଥିବା ପ୍ରକାଶ କରିବାସହ ସାଂସଦଭାବେ ବିଜୟୀ ହେଲେ ଦେଓଗାଁ ଅଞ୍ଚଳର ପ୍ରମୁଖ ଦାବୀ ରେଳଷ୍ଟେସନରେ ଏକ୍ସପ୍ରେସ ଟ୍ରେନ ରହିବାଦିଗରେ ପ୍ରାଥମିକତା ଭାବେ କାମକରିବି ବୋଲି ଦୃଢ଼ୋକ୍ତି ପ୍ରକାଶ କରିଥିଲେ । ପରିଶେଷରେ ବ୍ଲକ ବିଜୁଯୁବ ଜନତାଦଳ ସଭାପତି ଶୈଳେନ୍ଦ୍ର କୁମାର ସାହୁ ଧନ୍ୟବାଦ ଅର୍ପଣ କରିଥିଲେ । ଏ ଅବସରରେ ମହଲାଇର ମୋତିଲାଲ ମାଝୀ , ହାତିସରାର ବଂଶିଧର ରାଉତ,ମୁକୁନ୍ଦପୁରର ଆହାଲ୍ଲାଦ ସ୍ୱାଇଁ ସମେତ ୨୦ରୁ ଉର୍ଦ୍ଧ୍ୱ ବିଜେଡିରେ ଯୋଗଦେଇଥିଲେ ।କାର୍ଯ୍ୟକ୍ରମକୁ ସରପଞ୍ଚ ତେଜ ହରପାଲ, ବିଜେଡି ନେତ୍ରୀ ଜାନକୀ ମେହେର,ଯୁବନେତା ବୁଦ୍ଧଦେବ ପରୁଆ,ଡମ୍ବରୁଧର ହରପାଲ, ଅନ୍ତର୍ଯ୍ୟାମୀ ଭୋଇ, ରାଜପ୍ରତାପ ସିଂ ଦେଓ, ପିନୁ ଚାନ୍ଦ, ସଂଜୀବ ନାଥ, ପ୍ରମୋଦ ବହିଦାର, ସଂଜିବ ପଧାନ, ଟୁନା ଚାନ୍ଦ, ରିତୁ ବୁଡେକ, କିର୍ତ୍ତି ବାଗ, ଦିପକ ପଣ୍ଡା, ବିରେନ ଦଲାଇ, ଜଗ ଦଲାଇ, ସୁଦାମ ବାଗ ପ୍ରମୁଖ ସହଯୋଗ କରିଥିବା ବେଳେ ୨୬ଟି ପଞ୍ଚାୟତରୁ ଶତାଧିକ କର୍ମୀ ଯୋଗଦେଇଥିଲେ ।
 

ବିଜେଡିଦଳ ତାର ଶକ୍ତି ପ୍ରଦର୍ଶନ କରିଛି । ଆଜିର ବାଇକ ରାଲି ଫଳରେ ମୁଖ୍ୟତଃ ଯୁବକାର୍ଯ୍ୟକର୍ତ୍ତା ବେଶି ପରିମାଣରେ ଉତ୍ସାହିତ ହୋଇଛନ୍ତି ବୋଲି କଳିକେଶ କହିଛନ୍ତି । ଗତ କିଛିଦିନ ହେଲା ଉଭୟ କଂଗ୍ରେସ ଓ ବିଜେଡି ମଧ୍ୟରେ ଶକ୍ତିପ୍ରଦର୍ଶନ କରି ନିଜର ଅସ୍ତିତ୍ୱ ଦେଖାଉଛନ୍ତି । ଚଳିତଥର ବିଜେଡି ସୁପ୍ରିମୋ ନବୀନ ପଟ୍ଟନାୟକ ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜି ଆସନରୁ ପ୍ରତିଦ୍ୱନ୍ଦିତା କରୁଥିବାରୁ ବିଜେଡି କାର୍ଯ୍ୟକର୍ତ୍ତା ଉତ୍ସାହିତ ଅଛନ୍ତି । ସେଥିପାଇଁ ଦଳୀୟ ପ୍ରଚାରକୁ ମଧ୍ୟ ଦ୍ୱିଗୁଣିତ କରାଯାଇଛି ।