19-Apr-2024

ବଲାଙ୍ଗୀର(ପ୍ରେରଣା ଖବର ): ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ସିକୁଆଁ ପଞ୍ଚାୟତ ଅନ୍ତର୍ଗତ ବାଞ୍ଜିବାହାଲି ଆମ୍ବବଗିଚା ଠାରେ ବିଜେଡି ପକ୍ଷରୁ ବ୍ଲକ ସ୍ତରୀୟ ଏସ.ସି ସମାବେଶ ଅନୁଷ୍ଠିତ ହୋଇଯାଇଛି । (ଏସ.ସି) ବରିଷ୍ଠ ସଂଗଠକ  ପାଣ୍ଡବ କୁମ୍ଭାରଙ୍କ ପରିଚାଳନା ତଥା ବଲାଙ୍ଗିର ମ୍ୟୁନିସିପାଲଟିର କାଉନସେଲର ତଥା ଏସସି ନେତା ଶମ୍ଭୁଭୂଷଣ ନାଗଙ୍କ ସଂଯୋଜନାରେ ଅନୁଷ୍ଠିତ ସମାବେଶରେ ମୂଖ୍ୟ ଅତିଥିଭାବେ ପୂର୍ବତନ ରାଜ୍ୟସଭା ସାଂସଦ ଅନଙ୍ଗ ଉଦୟ ସିଂ ଦେଓ, ସମ୍ମାନୀତ ଅତିଥିଭାବେ ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂଦେଓ, ଯୁବନେତା ମନ୍ମଥ ବିଜୟ ସିଂ ଦେଓ ପ୍ରମୁଖ ଯୋଗଦେଇ ବିଜେଡି ସରକାର ଅଞ୍ଚଳର ବିକାଶ ଦିଗରେ ଅନବରତ ଭାବେ କାର୍ଯ୍ୟ କରିଆସୁଥିବାରୁ ବିଜେଡି ସପକ୍ଷରେ ରହି ଉଭୟ ସାଂସଦ ଓ ବିଧାୟକ ପ୍ରାର୍ଥୀ ଙ୍କୁ ବିଜୟୀ କରିବାପାଇଁ ନିବେଦନ କରିଥିଲେ । ରାଜ୍ୟ ସରକାର ଅନୁସୂଚିତଜାତି ପାଇଁ ନିକଟରେ ଅନେକ ବହୁମୂଖି ଯୋଜନା ଘୋଷଣା କରିବାସହ ଶିକ୍ଷା କ୍ଷେତ୍ରରେ ଏହି ବର୍ଗଙ୍କୁ ସ୍ୱତନ୍ତ୍ର ସୁବିଧା ଦେଇଛନ୍ତି । ଆଗାମୀ ଦିନରେ ସରକାର ଅନୁସୂଚିତବର୍ଗଙ୍କ ପାଇଁ ଅନେକ ଯୋଜନା ପ୍ରାଥମିକତାଭାବେ ନେବାକୁୁ ଲକ୍ଷ୍ୟରଖିଥିବା ଏବଂ ତାଙ୍କର ବିକାଶ କ୍ଷେତ୍ରରେ ଏକ ନିର୍ଣ୍ଣାୟକ ପରିବର୍ତ୍ତନ ହେବବୋଲି କହି କଳିକେଶ ପ୍ରତିଶୃତି ଦେଇ ଚଳିତନିର୍ବାଚନରେ ଉଭୟ ବିଧାୟକ ଏବଂ ସାଂସଦ ପ୍ରାର୍ଥୀଙ୍କୁ ବିଜୟୀ କରିବାପାଇଁ ସମାବେଶରେ ଭୋଟଭିକ୍ଷା କରିଥିଲେ ।ଏ ଅବସରରେ ସମ୍ମାନିତ ଅତିଥି ଭାବେ କାଉନସେଲର ତଥା ବିଜେଡି ନଗର

ସଂଗଠକ କିଶୋର କୁମ୍ଭାର, ଶ୍ରୀବତ୍ସ ନାଗ,ରାଜେନ୍ଦ୍ର ନନ୍ଦ, ଯୌବନ ନନ୍ଦ,ଡମ୍ବରୁଧର ହରପାଲ,ଏସ.ସି ସଂଗଠକ ଆକାଶ ସାଗର, ଇଶ୍ୱର ନନ୍ଦ ପ୍ରମୁଖ ମଞ୍ଚାସୀନ ରହି ରାଜ୍ୟ ସରକାର ଙ୍କ ବହୁମୂଖି ଯୋଜନା ଉପରେ ବକ୍ତବ୍ୟ ରଖିବାସହ ଅଭିଜ୍ଞ ସମ୍ପନ୍ନ ଯୁବନେତା କଳିକେଶ ନାରାୟଣ ସିଂ ଦେଓଙ୍କୁ ସମସ୍ତେ ସମର୍ଥନ ଦେବାକୁ ଆହ୍ୱାନ କରିଥିଲେ । ଏ ପରିପେକ୍ଷୀରେ ୨୦ରୁ ଉର୍ଦ୍ଧ୍ୱ କର୍ମକର୍ତ୍ତା ବିଜେଡି ଦଳରେ ଯୋଗଦେଇଥିବା ବେଳେ କଳିକେଶ  ସମସ୍ତଙ୍କୁ ଉତ୍ତରୀୟ ଦେଓ ଦଳକୁ ସ୍ୱାଗତ ଜଣାଇଥିଲେ । ସମାବେଶରେ ୧୫ଶହରୁ ଉର୍ଦ୍ଧ୍ୱ ଅନୁସୂଚିତଜାତିର ମହିଳା/ପୁରୁଷ  ଉପସ୍ଥିତ ଥିଲେ ।