18-Apr-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): କଣ୍ଟାମାଳ ବ୍ଲକ ଘଣ୍ଟାପଡା ଥାନା ଅଧିନ ନାରାୟଣପ୍ରସାଦ ଠାରେ ମାଓ ବ୍ୟାନର ଲାଗିଥିବା ଜଣା ଯାଇଛି l ସୂଚନା ପ୍ରକାରେ ଘଣ୍ଟାପଡା ଥାନା ଅନ୍ତର୍ଗତ ନାରାୟଣପ୍ରସାଦ ଗ୍ରାମର ପୋଖରୀ ନିକଟରେ ବୁଧବାର ବିଳମ୍ବିତ ରାତିରେ ମାଓ ପୋଷ୍ଟର ମରା ଯାଇଥିବା ଗୁରୁବାର ସକାଳେ ଦେଖିବାକୁ ମିଳିଛି l ନକ୍ସଲ ସଂଗଠନ କେକେବିଏନ୍ ପକ୍ଷରୁ ମାଓ ପୋଷ୍ଟର ଲଗାଯାଇଥିବା ବ୍ୟାନରରେ ଉଲ୍ଲେଖ ରହିଛି । ବ୍ୟାନରରେ ନାରାୟଣପ୍ରସାଦ ଗ୍ରାମର ବିନୋଦ ସାହୁଙ୍କୁ ଟଙ୍କା ଦେବାକୁ ଦାବି କରାଯାଇଛି । ଆଗାମୀ ୨୦ ତାରିଖ ମଧ୍ୟରେ ୨୦ ଲକ୍ଷ ଦେବା ପାଇଁ ପୋଷ୍ଟରରେ ଉଲ୍ଲେଖ କରାଯାଇଛି l ଉକ୍ତ ବ୍ୟାନର ପ୍ରକୃତରେ ମାଓବାଦୀଙ୍କ ଦ୍ୱାରା ଲଗାଯାଇଛି ନା’ କୌଣସି ଖଳ ପ୍ରକୃତିର ବ୍ୟକ୍ତିଙ୍କ ଦ୍ୱାରା ଲଗାଯାଇଛି ତାହା ତଦନ୍ତ ସାପେକ୍ଷ l ଏନେଇ ଘଣ୍ଟାପଡା ଥାନାଧିକାରୀ ମାଧବ ଚନ୍ଦ୍ର ଟାକ୍ରିଙ୍କୁ ଯୋଗାଯୋଗ କରିବାରୁ ତଦନ୍ତ ଚାଲିଛି ବୋଲି କହିଛନ୍ତି l