14-Apr-2024

ବଲାଙ୍ଗୀର, ୧୪/୪() ସ୍ଥାନୀୟ ଭଗବତୀ ନଗର ଠାରେ ସଦ୍‌ଗୁରୁ ଶ୍ରୀ ଶ୍ରୀ କୃପାଳୁଜୀ ମହାରାଜଙ୍କ ଅପାର ଆର୍ଶିବାଦରୁ ଶ୍ୟାମା ଶ୍ୟାମ ସତ୍‌ସଙ୍ଗ ଆନୁକୂଲ୍ୟରେ ମହାବିଷୁବ ସଂକ୍ରାନ୍ତି ମହାଆଡମ୍ବରରେ ପାଳିତ ହୋଇଯାଇଛି । ସର୍ବପ୍ରଥମେ ସକାଳ ୮ ଟାରୁ ସମସ୍ତ ଭକ୍ତବୃନ୍ଦ ସତ୍‌ସଙ୍ଗ ସ୍ଥଳୀରେ ଏକତ୍ରିତ ହୋଇ ସାମୁହିକ ଗୁରୁ ବନ୍ଦନା କରିଥିଲେ । ତତ୍‌ପଶ୍ଚାତ ଭଗବାନ ଶ୍ରୀରାମଙ୍କ ନାମ ସଂକୀର୍ତ୍ତନ ଓ ଭଜନ କାର୍ଯ୍ୟକ୍ରମ ହୋଇଥିଲା । ପରେ ପରେ ସାମୂହିକ ହନୁମାନ ଚାଳିଶା ପାଠ ହୋଇଥିଲା । ଶ୍ରୀରାମ, ହନୁମାନ, ଶ୍ରୀରାଧାକୃଷ୍ଣ, ଗୁରୁ ମହାରାଜଙ୍କ ପ୍ରତିମା ପୂଜା ଓ ପ୍ରସାଦ ପୂଜନ ପରେ ସମସ୍ତ ଭକ୍ତଗଣ ଭଗବତୀ ନଗର ଛକ ଠାରେ ଶତାଧିକ ପଥିକ ମାନଙ୍କୁ ଦହିପଣା ବଂଟନ କାର୍ଯ୍ୟକ୍ରମ କରିଥିଲେ । ପଥିକ ମାନେ ଆନନ୍ଦର ସହ ପଣା ପିାଇ ତୃଷା ନିବାରଣ କରିଥିଲେ । 
   ବଲାଙ୍ଗୀର ଶ୍ୟାମା ଶ୍ୟାମ ସତ୍‌ସଙ୍ଗ ର ସମସ୍ତ ଭକ୍ତ ଭାଇଭଉଣୀ ମାନଙ୍କ ମିଳିତ ଉଦ୍ୟମରେ ସମସ୍ତ କାର୍ଯ୍ୟକ୍ରମ ସୁଚାରୁ ରୂପେ ସଂପାଦିତ ହୋଇଥିଲା ।