13-Apr-2024

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅନ୍ତର୍ଗତ କେଉଁଟିପାଲୀ ଆଦିବାସୀ ହରିଜନ ଉଚ୍ଚ ବିଦ୍ୟାଳୟ ର ପାଚେରୀ ଓ ଗେଟ ନିର୍ମାଣ କୁ ନେଇ ଦୁଇ ଗୋଷ୍ଠୀ ମଧ୍ୟରେ କନ୍ଦଳ ଦେଖିବାକୁ ମିଳିଛି l ସୂଚନା ରୁ ପ୍ରକାଶ ଯେ ଉକ୍ତ 5 ଟି ବିଦ୍ୟାଳୟ ର ପାଚେରୀ ଓ ଗେଟ ନିର୍ମାଣ ପାଇଁ ପଶ୍ଚିମ ଓଡିଶା ବିକାଶ ପରିଷଦ ପକ୍ଷରୁ 10 ଲକ୍ଷ ଟଙ୍କା ଅନୁଦାନ ମଞ୍ଜୁରୀ ହୋଇଛି l ଏଣୁ ଏହିକାମ ସ୍କୁଲ ପରିଚାଳନା କମିଟି କରିବା ପାଇଁ ବିଡ଼ିଓ ଙ୍କ ଦ୍ୱାରସ୍ତ ହୋଇଛନ୍ତି କମିଟି ର ସଭାପତି ଶ୍ରୀ ବହାଦୁର ନନ୍ଦ l ଯଦି ଏହି କାମ ସ୍କୁଲ କମିଟି ଦ୍ୱାରା ହେବ ତାହେଲେ ଉନ୍ନତ ମାନର ହେବବୋଲି ସଭାପତି ଶ୍ରୀ ନନ୍ଦ ପ୍ରକାଶ କରିଛନ୍ତି l ହେଲେ ଅନୁଦାନ ଆସିଲା ପରେ ସ୍କୁଲ କର୍ତ୍ତୃପକ୍ଷ ଓ ସ୍କୁଲ ପରିଚାଳନା କମିଟି ର ଅଜାଣତରେ ଜୈନେକ ବ୍ୟକ୍ତି ପାଚେରୀ ନିର୍ମାଣ ପାଇଁ ନିହ ଖୋଲିଛନ୍ତି ଓ ଏହି ସମୟରେ କେତେ ଗୁଡ଼ାଏ ମୂଲ୍ୟବାନ ଗଛ କଟି ଯାଇଛି l ଅଭିଯୋଗ ପାଇବା ପରେ ଲୋଇସିଂହା ବିଡ଼ିଓ ଅକ୍ଷୟ ପାଣି ଉଡୁ ବିଭାଗୀୟ ଯନ୍ତ୍ରୀ ଙ୍କୁ କାମ ସ୍ଥଗିତ ରଖିବା ନିର୍ଦେଶ ଦେଇଛନ୍ତି l ଗଛ କଟା ଯିବାର ଖବରପାଇ ଲୋଇସିଂହା ବନାଞ୍ଚଳ ଅଧିକାରୀ ଶ୍ରୀ ପାଉଲ ହରପାଲ ଙ୍କ ନିର୍ଦେଶକ୍ରମେ ଗଛ ଗୁଡିକୁ ସିଜ କରାଯିବା ସହ ଏହା ଉପରେ ତଦନ୍ତ ଜାରି ରଖିଛନ୍ତି l